Nyɛ̀nɛ̀ŋ Ke jii gbài e nyaàiŋ dè wɔŋ fɛi wɛɛ̀ŋ
Ke jii gbài e nyaàiŋ dè wɔŋ fɛi wɛɛ̀ŋ
Maŋ Nyɛ̀nɛ̀ŋ Aŋ Keela Tàeɗùù nyaŋ nàŋ yaà wɔŋ fɛi dìà tìyèeɔ̀ wo Luù naŋ sìngè wɔŋ. Egbèìngbèìŋ wɔŋ fɛi wɛɛ̀ŋ nàŋ yaà wèè wɔŋ wòò e kèè e ɗeweɛ̀, wo Jìnàŋ Nɛɛmaàŋ naŋ wa tòòmò anyùùŋ màŋjɛ̀wɛ̀ Jisɛ̀ nyaŋ ko sùà wèè aŋ ɓaayè ke mìè gbìàŋ Ebò Siaàŋ e nyaàiŋ euŋ dè “ko Jùlusɛ̀làm, wɔŋ fùɔ̀ŋ Jùdiàa yèè ko Sàmilià, yèè ko dìà fuɔŋ màŋ gbiŋ e ɗuunyaàŋ.” (1.8) Ke kàɓanè yɛɛ̀ nyaàiŋ nyiŋ naŋ dè anyuùŋ hààwe nyàŋ nààŋ è naŋ wa tɔ̀ɔ̀tù aŋ Juùù nyaŋ e fèemàŋ yèè è naŋ kɔ̀ kpoloo e kìlà e nɔ̀ŋ e hààwe wèè e ɗuunyaàŋ gbiŋ. Wo nyùnɔ̀ɔŋ naŋ wa sìngè wɔŋ fɛi wɛɛ̀ŋ wɔ, manaŋ wa ɓɛìŋ wo kìɛ̀ŋ ke jii tùlia koɓɛ̀ anyùùŋ nyaŋ do wuŋ nàŋ kpɛ̀nɛ̀ŋ nyaŋ kɛ̀, anyuùŋ hààwe nyàŋ fè wa anyuùŋ dàà kè kpùùnɛɛ̀ è nyaàiŋ dè Kànà wɔŋ fùɔ̀ŋ anyùùŋ Luùm nyaŋ, yèè kɛ̀ e hààwè anyuùŋ hààwe nyàŋ nàŋ yaà wa e nyìmee dìàmaàŋ wèè e ɗèwe kiiɛ̀ aŋ Juùù nyaŋ manaŋ wa aŋ zòòlò Dayà lɛ.
Wɔŋ fɛ̀ì Maŋ Nyɛ̀nɛɔ̀ŋ wɛ̀i ɓɛ̀nɛ̀ŋ nɔ̀ŋ gòòno wuŋ e ɗì taai sùà, e yìwìà maŋ tàta màŋ kinɛiŋ sùà ko yèi Ebò Siaàŋ nyaàiŋ dè e kèè Jisɛ̀ɛ naŋ wa nɔ̀ŋ wòo niŋ lɛ̀ e hààwè e jɛ̀ì ke sààŋ zòòlò anyuùŋ hààwe nyàŋ: (1) ko tɔ̀ɔ̀tù ke nyɛ̀nɛ̀ŋ anyuùŋ hààwe nyàŋ ko Jùlusɛ̀làm e hàì koɓɛ̀ e teengaà wo Jisɛ̀ naŋ wa jòwò ko àìjɛnɛ̀ŋ lɛ; (2) e teengaà Ebò Siaàŋ naŋ wa ɓààyè maŋ tàta bà sùà ko Pàlèsɛɛ̀ŋ lɛ; (3) è naŋ wa ɓɛìŋ ɓààyè maŋ kpàlàùŋ kpàlàùŋ wɔŋ jùwò Mɛdìlooninyɛ̀ìŋ maŋ sùà e hàì ko Luùm.
Ke nyɛ̀nɛŋ kɛnɛ wèè maŋ nyɛ̀nɛŋ mɛɛ̀ŋ nàŋ yaà ke nyɛ̀nɛ̀ŋ wo Jìnàŋ Nɛɛmaàŋ, wo yèɔ hnàŋ e gààŋ sùà anyuùŋ hààwe nyàŋ diɛŋ ko Jùlusɛ̀làm ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ yèè wo jèè yɛ̀ɛ̀mɛ̀ ke sààŋ zòòlò anyuùŋ hààwe nyàŋ yaà aŋ ɓɛ̀mànɗì nyiŋ nyàŋ diɛŋ e yìwìà maŋ keì maŋ kinɛiŋ kuwa maŋ kaaìŋ maŋ nààŋ wɔŋ fɛi wɛɛ̀ŋ naŋ woò lɛ. Ke miè gbìaàŋ wèè anyuùŋ hààwe jiɛ̀jiɛ̀ nyaŋ yaà sìnga nyiŋ kpuu maŋ keì wòo zimgbe sùà, yèè maŋ keì kàaiŋ titi màŋ naŋ nɔ̀ŋ sìnga miŋ màŋ wɔŋ fɛ̀ì Maŋ Nyɛ̀nɛɔ̀ŋ sùà naŋ tɔ̀ɔ̀ e gààaŋ ke miè gbìaŋ yɛɛ̀ sùà maŋ nyììŋ gè anyuùŋ hààwe nyàŋ sùà yèè e ɗewe kiiɛ̀ anyuùŋ zòòlo nyàŋ hnàŋ koɓɛ̀ guùŋ lɛ.
E ɗewe kiiɛ̀ àŋ naŋ gòònò maŋ keì wòo titi màŋ lɛ
E bànèbaneɛ̀ wèè wo seìɔ (1.1-26)
a. E kèì wòò dìàmàŋ Jisɛ̀ɛ yaà e ɗààhiiuŋ nɛ̀ (1.1-14)
b. Wo nyùnɔ̀ɔŋ naŋ dè ebɛ̀ŋ Juɗà wɔ (1.15-26)
Wo seìɔ ko Jùlusɛ̀làm (2.1–8.3)
Wo seìɔ ko Jùdià yaà ko Sàmilià (8.4–12.25)
E tòmò Pɔɔ̀ɛ (13.1–28.31)
a. Ke dòmàŋ kààìŋ wo nyuùŋ gbòà ke mìè Dayà jiɛ̀jiɛ̀ɔ (13.1–14.28)
b. E dèèneɛ̀ ko Jùlusɛ̀làm (15.1-35)
c. Ke dòmàŋ kààìŋ wo nyuùŋ gbòà ke mìè Dayà dìà tìyèeɔ̀ (15.36–18.22)
d. Ke dòmàŋ kààìŋ wo nyuùŋ gbòà ke mìè Dayà dìà taaà (18.23–21.16)
e. Wo Pɔɔ̀ nɔ̀ŋ wo pèesìnàŋ ko Jùlusɛ̀làm, ko Sesèlià, yaà ko Luùm (21.17–28.31)
Currently Selected:
Nyɛ̀nɛ̀ŋ Ke jii gbài e nyaàiŋ dè wɔŋ fɛi wɛɛ̀ŋ: WFESD
Highlight
Share
Copy
Want to have your highlights saved across all your devices? Sign up or sign in
Gola New Testament Translation and Literacy Project © Bible Society in Liberia, 2019.
Nyɛ̀nɛ̀ŋ Ke jii gbài e nyaàiŋ dè wɔŋ fɛi wɛɛ̀ŋ
Ke jii gbài e nyaàiŋ dè wɔŋ fɛi wɛɛ̀ŋ
Maŋ Nyɛ̀nɛ̀ŋ Aŋ Keela Tàeɗùù nyaŋ nàŋ yaà wɔŋ fɛi dìà tìyèeɔ̀ wo Luù naŋ sìngè wɔŋ. Egbèìngbèìŋ wɔŋ fɛi wɛɛ̀ŋ nàŋ yaà wèè wɔŋ wòò e kèè e ɗeweɛ̀, wo Jìnàŋ Nɛɛmaàŋ naŋ wa tòòmò anyùùŋ màŋjɛ̀wɛ̀ Jisɛ̀ nyaŋ ko sùà wèè aŋ ɓaayè ke mìè gbìàŋ Ebò Siaàŋ e nyaàiŋ euŋ dè “ko Jùlusɛ̀làm, wɔŋ fùɔ̀ŋ Jùdiàa yèè ko Sàmilià, yèè ko dìà fuɔŋ màŋ gbiŋ e ɗuunyaàŋ.” (1.8) Ke kàɓanè yɛɛ̀ nyaàiŋ nyiŋ naŋ dè anyuùŋ hààwe nyàŋ nààŋ è naŋ wa tɔ̀ɔ̀tù aŋ Juùù nyaŋ e fèemàŋ yèè è naŋ kɔ̀ kpoloo e kìlà e nɔ̀ŋ e hààwe wèè e ɗuunyaàŋ gbiŋ. Wo nyùnɔ̀ɔŋ naŋ wa sìngè wɔŋ fɛi wɛɛ̀ŋ wɔ, manaŋ wa ɓɛìŋ wo kìɛ̀ŋ ke jii tùlia koɓɛ̀ anyùùŋ nyaŋ do wuŋ nàŋ kpɛ̀nɛ̀ŋ nyaŋ kɛ̀, anyuùŋ hààwe nyàŋ fè wa anyuùŋ dàà kè kpùùnɛɛ̀ è nyaàiŋ dè Kànà wɔŋ fùɔ̀ŋ anyùùŋ Luùm nyaŋ, yèè kɛ̀ e hààwè anyuùŋ hààwe nyàŋ nàŋ yaà wa e nyìmee dìàmaàŋ wèè e ɗèwe kiiɛ̀ aŋ Juùù nyaŋ manaŋ wa aŋ zòòlò Dayà lɛ.
Wɔŋ fɛ̀ì Maŋ Nyɛ̀nɛɔ̀ŋ wɛ̀i ɓɛ̀nɛ̀ŋ nɔ̀ŋ gòòno wuŋ e ɗì taai sùà, e yìwìà maŋ tàta màŋ kinɛiŋ sùà ko yèi Ebò Siaàŋ nyaàiŋ dè e kèè Jisɛ̀ɛ naŋ wa nɔ̀ŋ wòo niŋ lɛ̀ e hààwè e jɛ̀ì ke sààŋ zòòlò anyuùŋ hààwe nyàŋ: (1) ko tɔ̀ɔ̀tù ke nyɛ̀nɛ̀ŋ anyuùŋ hààwe nyàŋ ko Jùlusɛ̀làm e hàì koɓɛ̀ e teengaà wo Jisɛ̀ naŋ wa jòwò ko àìjɛnɛ̀ŋ lɛ; (2) e teengaà Ebò Siaàŋ naŋ wa ɓààyè maŋ tàta bà sùà ko Pàlèsɛɛ̀ŋ lɛ; (3) è naŋ wa ɓɛìŋ ɓààyè maŋ kpàlàùŋ kpàlàùŋ wɔŋ jùwò Mɛdìlooninyɛ̀ìŋ maŋ sùà e hàì ko Luùm.
Ke nyɛ̀nɛŋ kɛnɛ wèè maŋ nyɛ̀nɛŋ mɛɛ̀ŋ nàŋ yaà ke nyɛ̀nɛ̀ŋ wo Jìnàŋ Nɛɛmaàŋ, wo yèɔ hnàŋ e gààŋ sùà anyuùŋ hààwe nyàŋ diɛŋ ko Jùlusɛ̀làm ke ɗɔ̀ɔ̀ zòòlò aŋ Juùù nyaŋ àŋ nyaaŋ Pɛnɛŋkɔ̀ɛ yèè wo jèè yɛ̀ɛ̀mɛ̀ ke sààŋ zòòlò anyuùŋ hààwe nyàŋ yaà aŋ ɓɛ̀mànɗì nyiŋ nyàŋ diɛŋ e yìwìà maŋ keì maŋ kinɛiŋ kuwa maŋ kaaìŋ maŋ nààŋ wɔŋ fɛi wɛɛ̀ŋ naŋ woò lɛ. Ke miè gbìaàŋ wèè anyuùŋ hààwe jiɛ̀jiɛ̀ nyaŋ yaà sìnga nyiŋ kpuu maŋ keì wòo zimgbe sùà, yèè maŋ keì kàaiŋ titi màŋ naŋ nɔ̀ŋ sìnga miŋ màŋ wɔŋ fɛ̀ì Maŋ Nyɛ̀nɛɔ̀ŋ sùà naŋ tɔ̀ɔ̀ e gààaŋ ke miè gbìaŋ yɛɛ̀ sùà maŋ nyììŋ gè anyuùŋ hààwe nyàŋ sùà yèè e ɗewe kiiɛ̀ anyuùŋ zòòlo nyàŋ hnàŋ koɓɛ̀ guùŋ lɛ.
E ɗewe kiiɛ̀ àŋ naŋ gòònò maŋ keì wòo titi màŋ lɛ
E bànèbaneɛ̀ wèè wo seìɔ (1.1-26)
a. E kèì wòò dìàmàŋ Jisɛ̀ɛ yaà e ɗààhiiuŋ nɛ̀ (1.1-14)
b. Wo nyùnɔ̀ɔŋ naŋ dè ebɛ̀ŋ Juɗà wɔ (1.15-26)
Wo seìɔ ko Jùlusɛ̀làm (2.1–8.3)
Wo seìɔ ko Jùdià yaà ko Sàmilià (8.4–12.25)
E tòmò Pɔɔ̀ɛ (13.1–28.31)
a. Ke dòmàŋ kààìŋ wo nyuùŋ gbòà ke mìè Dayà jiɛ̀jiɛ̀ɔ (13.1–14.28)
b. E dèèneɛ̀ ko Jùlusɛ̀làm (15.1-35)
c. Ke dòmàŋ kààìŋ wo nyuùŋ gbòà ke mìè Dayà dìà tìyèeɔ̀ (15.36–18.22)
d. Ke dòmàŋ kààìŋ wo nyuùŋ gbòà ke mìè Dayà dìà taaà (18.23–21.16)
e. Wo Pɔɔ̀ nɔ̀ŋ wo pèesìnàŋ ko Jùlusɛ̀làm, ko Sesèlià, yaà ko Luùm (21.17–28.31)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gola New Testament Translation and Literacy Project © Bible Society in Liberia, 2019.