OŌYƐBƐ̄CƐ 2

É le Umósīsi ma

1Ɛplé eko nyā, ɔ̄cɛnyílɔ éyi ŋmá ipɔ́ɔma kú Ulífāyi gaá lɛ ɔyínɔ̄nyā kú ipɔ́ɔma kú Ulífāyi éyi lɛ ɔnyā. 2#Ācot 7.20; Uhíb 11.23Anɔ́ɔ ɔnyā nū ā lɛ ipú yɔ̄, le ɔyí ɔ̄cɛnyīlɔ éyi ma lɛ ɔ́ á, eko nɛ̄ ó má ka ɔyí ā ɔ́ɔ lɔhi nɛ̄hi ā, ó kwú ɔ̄ ú tayínū ɔyā ɛtá. 3Eko nɛ̄ ɔnyā ā má ka anúɔ í lɛ ɔyí ā tayínū glá ɛ́ɛ́ gɛ ŋ́ mā. Ó kwú ómblí, nēé tá ácí nē é hī ka upápīrɔ̄si ā, anɔ́ɔ ó le ácí kpó tū ɔ̄, lɛ unɛ kú “ukoluta” ja klá ɔ́ ɔkwu. Anɔ́ɔ ó kwú ɔyí ā ú tá ipú nū, kwú ɔ̄ ú cɛyí ácí kú okónu ɔkpá ā. 4Ɔyínɛ́ kú ɔyí ā, Umíriyam gaá hāyi ɛgoligbó lígíí ŋmá ɛgiyí ɔyí ā kóō má ɔdā nōo gaá yá ɔ́ ā. 5Adá kú Uféro gā ɔkpá gaá gwīiyē, anɔ́ɔ ācocɛ̄hɔ̄ kú nū bá okónu ɔkpá ā biílí. Igbeékpónú ó pīyeyī le ómbilí nōo háyi ipácí okónu ɔkpá ā má, anɔ́ɔ ó le ɔ̄cocɛ̄hɔ̄ kú nū éyi tɛ̄hɔ̄ kóō nyɔ̄ í kwú ɔyí ā ú wā. 6Adá kú Uféro le ómbilí ā nwūla anɔ́ɔ ó le ɔyínɔ̄nyilɔ má ipú nū á. Ɔyí ā yɔ̄ ī jīkwū, ó le tū ɔ̄ eyīnyinyi. Anɔ́ɔ ó kahíníī, “Ɛ̄nyā wɛ éyi kú ayí kú ācɛ Uhíbru nɛ̄.”

7Anɔ́ɔ ɔyínɛ́ nɔ̄nyā kú ɔyí ā, da adá kú Uféro ā ɔ̄kā kahíníī, “N̄ gaá lɛ ɔnyā éyi nōo gē bī ɔyí ā glá hīgwú wā gé lɛ uwɔ ŋmá ipú anyā kú Uhíbru ā nɛɛ?” 8Anɔ́ɔ adá kú Uféro ā tá ɔ̄ ohi ka ī “Nyɔ̄.” Anɔ́ɔ ɔ̄ncɛnyā ā le yɛ gaá lɛ ɛ́nɛ́ kú ɔyí piíí ā hīgwú wā gé lɛ ɔ́. 9Anɔ́ɔ adá kú Uféro ā da ɔnyā ā kahíníī, “Kwú ɔyí nyā ú nyɔ̄, ká ā lɛ ɔ́ bī jɛ̄ gā um. N géē cíla uwɔ ulé. Anɔ́ɔ ɔnyā ā kwú ɔyí ā ú kóō bī ɔ̄ jɛ̄ á. 10#Ācot 7.21Eko nɛ̄ ó le ɔyí ā bī jɛ̄ ā, ó lɛ ɔ́ bī gé lɛ adá kú Uféro ā. Anɔ́ɔ ó kwú pīya ɔyí kú adá kú Uféro á. Ó hī iyē kú ɔyí ā ka “Umósīsi.” ohígbū ka, ó kahíníī, “N pi ɔ́ bɛ̄cɛ ŋmá ipú éŋkpɔ̄.”

Umósīsi le kwu ga Umídiyan

11 # Ācot 7.23-28 # Uhíb 11.24 Eko nɛ̄ Umósīsi le jɛ̄ ā, ɛ̄cī éyi, ó le yɛ ga ɛcɛ, ɛgiyí ācɛ ɔlɛ́ nū, ācɛ Uhíbru, anɔ́ɔ ó má ɛgɛ́nɛ̄ é bá ī pi uwá abɔ̄fú kéē yúklɔ́ olɔfú ā. Ó kōō má ɛ́gɛ́nɛ̄ ɔ̄cɛ Íjīpiti éyi yɔ̄ ī ŋmó ɔ̄cɛ Uhíbru kú ɔlɛ́ Umósīsi éyi ijē lɛ ā. 12Anɔ́ɔ Umósīsi pīyeyī má amu má anú, abɔ̄ ó má ɔ̄cɛ dúúmā ŋ́ mā, ó le ɔ̄cɛ Íjīpiti ā ŋmó, kwú ɔ̄ ú nyi ipú ɔjɛ.

13Oŋmɔ́cī nū, ó le tɛ́ɛcɛ, anɔ́ɔ ó má ācɛ Uhíbru ɛpa bá ī nuunu. Ó da ɔ̄cɛ nōo lé ɛpɔ̄bí ā ɔ̄kā kahíníī, “Ɔdíyá nɛ̄ a yɔ̄ ī ŋmó ɔyínɛ́ uwɔ ijē āa? 14Anɔ́ɔ ó tá ɔ̄ ohi kahíníī, “Ɔ̄nyɛ je uwɔ yá ɔcɛ́ mɛ́mla ɔcɛ́ ō kɛpɔ̄ kú alɔ āa? A dɔɔ̄kā ō ŋmó um ɛ́gɛ́nɛ̄ a ŋmó ɔ̄cɛ Íjīpiti ā dúú nɛɛ?” Anɔ́ɔ Umósīsi gbɔɔ́ ō yúufi klla gbɔɔ́ ō da iyī nū kahíníī, “Ɔdā nɛ̄ n yá ā, ācɛ lɛ ɔ́ jé ɛɛ́.” 15#Ācot 7.29; Uhíb 11.27Eko nɛ̄ Uféro le ɛlā nyā pó ā, ó dɔɔ̄kā kóō lɛ Umósīsi ŋmó. Amáŋ, Umósīsi le kwu ŋmá ɛgiyí nū le yɛ gaá lā ajɛ kú ācɛ kú Umídiyan.

16Ɛ̄cī éyi, eko nɛ̄ Umósīsi cice okónu obugā ā, ayínɔ̄nyā ahāapa kú ɔ̄cogwɛ́ɛya kú Umídiya ā le pɛ́ wā gáā pi éŋkpɔ̄ tū ipú ɔdā ō bī gwá éŋkpɔ̄ tū ɔ̄ lɛ aálá mɛ́mla aɛ́wu kú ádā uwā ā. 17Amáŋ, ācogbāálá ɔhá ā gaá gbɔɔ́ ō nū ayí nɔ̄nyā nānyā ā ŋmá abɔ́ɔ. Amáŋ, Umósīsi cāŋjɛ, le abɔ̄ tá uwā le éŋkpɔ̄ je lɛ aɔ́dāajɛ kú uwā ā.

18Eko nēé pīyɛyí wā ɛgiyí ádā uwā ā, ó le ɔ̄kā da kahíníī, “Abɔ̄ ó yá lɛ ɛ́ɛ́ nɛ̄ aá wā fíyaa ícɛ yɔ̄ dúú?” 19É da ɔ́ kahíníī, “Ɔ̄cɛ kú Íjīpiti éyi hɛ́ alɔ tá ŋmá abɔ̄ kú ācogbāálá ɔhá ā á. Ó klla lɛ éŋkpɔ̄ pi lɛ alɔ klla le kpó lɛ aɔ́dāajɛ kú alɔ le gwá.

20Anɔ́ɔ ó da ayí nū nɔ̄nyā ā kahíníī, “Iní nɛ̄ ɔ̄cɛ ā kē yɔ̄ ā.” Ɔdíyá nɛ̄ aá mā ɔ̄cɛ ɔ́ɔmā tá āa? Aá nyɔ̄ í lɛ ɔ́ hīgwú wā kóō gaá lɛ ɔdōlé lé.”

21Umósīsi cɛ̄ kóō yɔ̄ mla ɔ̄cɛ ɔ́ɔmā. Anɔ́ɔ Ujétro kwú adá kú nū, Usipɔ́ra ú lɛ Umósīsi kóō wɛ ɔnyā nū. 22Ó le ɔyínɔ̄nyīlɔ éyi lɛ ɔ́. Anɔ́ɔ Umósīsi kwú iyē ú ce ɔ́ ka, Ugássɔm, nɛ̄ ɛyí nū wɛ, “N wɛ ugbɔga ipú ajɛ nyā.”

23Iháyí alɛwa igbīhi ɛ̄nyā ā, ɔcɛ́ kú Íjīpiti ā gekwú. Amáŋ, ayí kú Ísrɛ̄lu ā bá ī hīla ayīnu ipú ōwē kú úklɔ́ ɔfiyɛ nēé bá ī yá ā, anɔ́ɔ é le ikwū je klá Ɔwɔicō kóō tá uwā abɔ̄. Anɔ́ɔ Ɔwɔicō le ikwū nēé je ā pó á. 24#Ohút 15.13,14Anɔ́ɔ Ɔwɔicō le ikwū nēé je yɔ̄ ī hīla ayínū ā pó, anɔ́ɔ ó le blakwu okónu nōó nɛ̄ ó ce lɛ Ébrahām, mla Áyísīki mla Ujékɔ̄pu āa. 25Ɔwɔicō le ɔfiyɛ nēé bá gē cɛ̄ ā má, anɔ́ɔ ó le kwú ɔ̄ iyē lɛ uwá. #2.25 ó le kwú ɔ̄ iyē lɛ uwá, ɔkpá nēé pīyabɔ̄ kú íkée ka ó le iyīnū mafú lɛ uwá á.

Currently Selected:

OŌYƐBƐ̄CƐ 2: IFBCL

Highlight

Copy