OŌYƐBƐ̄CƐ 20

Íne igwó ā

1Ɛlā nɛ̄ Ɔwɔicō ka ā bá yɔ̄ á, 2“Ami wɛ Óndú ā, Ɔwɔicō kú aá, nēe kpó aá bɛ̄cɛ ŋmá ajɛ kú Íjīpiti, ɛga nɛ̄ aá wɛ ɔfiyɛ ā. 3Aá gáā lɛ aɔ́wɔ ɔhá gwū um tá ŋ́.

4 # Oyɛb 34.17; Ulīf 19.4; 26.1; Obla 4.15-18; 27.15 Aá gáā yá ojibó dúúmā ɛ́gbla kú ɔdā nōo yɔ̄ ɔkpáncō ámāŋ ka ɛ̄nɛ̄ o yɔ̄ ipú ɛcɛ nyā ámāŋ ka ipú éŋkpɔ̄ lɛ iyī aá ŋ́. 5#Oyɛb 34.6,7; Áluk 14.18; Obla 7.9,10Aá gáā túkpɛɛ́ lɛ uwá, ɛ́ɛ́ nɛ̄ aá gē gbā ūwā ɛ̄gbā ŋ́. Ohígbū ka ami nōo wɛ Óndú ā, Ɔwɔicō kú aá ā gé yɔ́bɔ́nyā. N gē yá ācɛ nɛ̄ wɔ́tū um ā italā, klla gē yá ayááyí uwā ga ayááyí ɔ́mɛtá, ga ayááyí ɔ́mɛɛnɛ italā. 6Amáŋ, n gē mafú ihɔtū eko dóódu lɛ úlúúlā kú ācɛ nēe ma ihɔtū kú uwā fú gā um klla lɛ íne kú um tū ā.”

7 # Ulīf 19.12 “Aá híī bī iyē kú um hijā ŋ́. Ohígbū ka ami, Óndú ā, Ɔwɔicō kú aá, géē yá ɔ̄cɛ dúúmā nōo bī iyē kú um hijā ā italā. 8#Oyɛb 16.23-30; 31.12-14Aá lɛ ɛ̄cī Usábáti ā tū, cɛ́ɛ́ kú aá lɛ ɔ́ yá tīihɔ. 9#Oyɛb 23.12; 31.15; 34.21; 35.2; Ulīf 23.3Aá lɛ ɛ̄cī ɛhīlī nɛ̄ aá géē bī le yúklɔ́ kú aá 10Amáŋ, ɛ̄cī ɔmahāapa ā wɛ ɛ̄cī ōmlɛ́nyɔ́ kú um. Ɛ̄cī ɔ́ɔmā, ācɛ dúúmā í gaá yúklɔ́ dúúmā ŋ́, ó kōō wɛ ayípɛ̄ ɔlɛ́ aá, ámāŋ ka aɔ́fiyɛ kú aá mɛ́mla aɛ́bɛ́ kú aá, ámāŋ ka aílɔ́wá nēe lā ipú ajɛ kú aá. 11#Ohút 2.1-3; Oyɛb 31.17Ohígbū ka ipú ɛ̄cī ɛhīlī ā, nɛ̄ ami nōo wɛ Óndú ā yá ɔkpáncō mɛ́mla ɛcɛ, isú mɛ́mla odúúdú ɔdā nēe bá ipú uwā á. Anɔ́ɔ n mlɛ́nyɔ́ ɛ̄cī ómahāapa á. Ohígbū ɔ́ɔmā nɛ̄ ami Óndú ā le ɔhā hɛ́ ce ɛ̄cī ómahāapa ā, klla le ɔ́ yá tīihɔ á.

12 # Obla 27.16; Umát 15.4; 19.19; Umák 7.10; 10.19; Ulúk 18.20; Ɛfɛs 6.2; Ɛfɛs 6.3 Aá lɛ ojīlīma ce ádā aá mɛ́mla ɛ́nɛ́ aá, cɛ́ɛ́ kú aá yēeyī līgbō ipú ajɛ nɛ̄ n yɔ̄ ī je lɛ aá ā.

13 # Ohút 9.6; Ulīf 24.17; Umát 5.21; 19.18; Umák 10.19; Ulúk 18.20; Uróm 13.9; Ujém 2.11 Aá híī ŋmó ɔ̄cɛ ŋ́.

14 # Ulīf 20.10; Umát 5.27; 19.18; Umák 10.19; Ulúk 18.20; Uróm 13.9; Ujém 2.11 Aá híī cikpó ɔ̄cɛnyā nɛ̄ ó wɛ ɔnyā uwɔ ámāŋ́ gbo mla ɔ̄cɛnyīlɔ dúúmā nɛ̄ ó wɛ ɔbá uwɔ ŋ́ nɛɛ ŋ́.

15 # Ulīf 19.11; Umát 19.18; Umák 10.19; Ulúk 18.20; Uróm 13.9 Aá híī wūūwī ŋ́.

16 # Oyɛb 23.1; Umát 19.18; Umák 10.19; Ulúk 18.20 Aá híī cɛ̄ ijáalí ɛ̄kɛ̄mgbɛ̄ tū ɔ́mpā aá ŋ́.

17 # Uróm 7.7; 13.9 Aá híī yúnwū kú ɔlɛ́ ɔ́mpa aá ŋ́. Aá híī yúnwū kú ɔnyā nū ŋ́, aɔ́fiyɛ kú nū, aɛ́na kú nū, aíjakī kú nū ámāŋ ka ɔdā dóódu nōo wɛ ákú nūŋ́.

Ufi kú ācɛ ā

18 # Uhíb 12.18,19 Eko nɛ̄ ācɛ ā gbɔɔ́ ō má akpáabana mɛ́mla ɔwolímanya ā, mɛ́mla ɔkɔ kú opo mɛ́mla ódūdū nōo yɔ̄ ī tá ŋmá ɛyí ɛfu ā. Uwá bá yɔ i yúufi klla ī fīyégbúlú, anɔ́ɔ é má háyi ɛcɛɛcɛ á. 19Anɔ́ɔ é da Umósīsi kahíníī, “Awɔ géē kɛlā lɛ alɔ ɛ́ɛ́ nɛ̄ alɔ géē pó glá mɛ́ɛ̄ á. Amáŋ ā cɛ̄ lɛ Ɔwɔicō kɛlā lɛ alɔ ɛ́ɛ́ gɛ ŋ́, ohígbū nɛ̄ alɔ géē pɛ́kwú.” 20Umósīsi da ācɛ ā kahíníī, “Aá híī yúufi ŋ́. Ohígbū ka Ɔwɔicō wā gaá já aá má, cɛ́ɛ́ kóō yá kú aá yɔ̄ ī yúufi nū, o yá ɛ́ɛ́ kú aá bīya íne kú nū ŋ́ mā. 21Amáŋ ācɛ ā háyi ɛcɛɛcɛ ɛgoligbó, Umósīsi ōfōōfūnū túbla ódūdū odobū nɛ̄hi ɛga nɛ̄ Óndú ā yɔ̄ á.

Íne ohígbū ɛyí ede

22Óndú ā da Umósīsi kóō ka lɛ ācɛ kú ísrɛ̄lu kahíníī, “Aá má ɛ́gɛ́nɛ̄ nɛ̄ n kɛlā lɛ aá ŋmá ɔkpáncō lɛ ā. 23Aá híī yá aɔ́wɔ kú oje ugóólu (oje ɔdɔ) ámāŋ oje nɛ̄hɛ́ kú aá gbā ɔ̄ ɛ̄gbā tɔ̄há mla um ŋ́. 24Aá le ede kú ajɛ gwó gā um, cɛ́ɛ́ kú aá lɛ aálá mɛ́mla aɛ́na kú aá gwɛ́ɛya o yɔlá dúúdú gā um, mɛ́mla ɛya kú olétɔ̄há ɛbɔ́ mla ācɛ ɔhá kpɔ́. Ɛga dóódu nɛ̄ n lɛ tū kú aá gbā um ɛ̄gbā ā, n géē wā í hɔ́hā ce aá. 25#Obla 27.5-7; Ujós 8.31Ɔ́dāŋ́ ka aá le ede kú ɛcɔ̄ gwó gā um, Aa híī gwó ɔ̄ mla ɛcɔ̄ nɛ̄ aá gbā ā ŋ́. Ohígbū ka ɔ́dāŋ́ ka aá kwú ɔdu o gbɛ̄cɔ̄ ú kwu ɛcɔ̄ ā, ɛcɔ̄ ā kwú tēlihɔ ɛɛ́. 26Aá gwó ede o lɛ agidigbé ga ɛyínū ŋ́. Ɔ́dāŋ nɛ̄ aá lɛ ɔ́ gwó lɛ ā, ācɛ géē má ohɛ́ɛwa kú aá eko nɛ̄ aá gē tīcō agidigbé ā.”

Currently Selected:

OŌYƐBƐ̄CƐ 20: IFBCL

Highlight

Copy