OŌYƐBƐ̄CƐ 19

Ācɛ kú Ísrɛ̄lu, ba ɛyí ɛfu kú Usáyínāyi

1Ācɛ kú Ísrɛ̄lu nyɛ̄ɛ̄ ŋmá Urefidím, ɛ̄cī aflɛ́yí kú ɔyā ōmɛɛtá nēé bɛ̄cɛ ŋmá Íjīpiti ā, é gā ipú ígbíli kú Usáyínāyi. 2É le áklɔ̄kpɛ cēce ikpó ɛfu kú Usáyínāyi ā. 3Anɔ́ɔ Umósīsi le tá ɛyí ɛfu ɛgiyí Ɔwɔicō. Óndú ā hī ɔ̄ igwú ŋmá ɛyí ɛfu ā kahíníī, “Ɛlā nāa géē ka lɛ ācɛ kú Ísrɛ̄lu, ayí kú Ujékɔ̄pu á yɔ̄ á. 4Aá má ɔdā nɛ̄ n yá ācɛ kú Íjīpiti ā, mɛ́mla ɛ́gɛ́nɛ̄ n kpó aá ce acá bī aá wā amānyā lɛ iyī um ɛ́gɛ́nɛ̄ okpé gē kpó ayí nū ca acá ā. 5#1 Upít 2.9#Obla 4.20; 7.6; 14.2; 26.18; Utáy 2.14Ɔ́dāŋ ka aá géē lɛyí táajɛ lɛ ɔkɔ kú um, nɛ̄ aá klla lɛ íne mɛ́mla okónu nɛ̄ n ce mla aá ā tū. Aá géē wɛ ācɛ ɔlɛ́ um. Odúúdú ɛcɛ wɛ ákú um, amáŋ aá géē wɛ ācɛ nɛ̄ um fu á, 6#Mafú 1.6; 5.10Aá géē wɛ éwo nēé je gā um, éwo nēe géē gwɛ́ɛya gā um kwɛyí aéwo ɔhá. Umósīsi, ɛlā nyā nāa gáā ka lɛ ācɛ kú Ísrɛ̄lu á.” 7Anɔ́ɔ Umósīsi le táajɛ, gaá lɛ anyākwɔ́cɛ kú ācɛ Ísrɛ̄lu ā kpó hīgwú tɔ̄há. Anɔ́ɔ ó le odúúdú ɛlā nɛ̄ Óndú ā ka lɛ ɔ́ ā kpó ka bá ajɛ iyɔ̄bū uwā á. 8Anɔ́ɔ odúúdú ācɛ ā tóohi tɔ̄ɔ̄há kahíníī, “Ódúúdú ɔdā nɛ̄ Óndú ā ka ā, alɔ géē yá.” Anɔ́ɔ Umósīsi lɛ ohi kú ɛlā kú ācɛ ā kpó gē lɛ Óndú á.

9Óndú ā da Umósīsi kahíníī, “N géē wā ɛgiyí uwɔ ipú ojuja nɛ̄hi, cɛ́ɛ́ kú ācɛ ā keé pó abɔ̄ n géē yɔ̄ ī kɛlā mla awɔ ā, cɛ́ɛ́ é kē í kpɔ́tūce uwɔ o ŋmá abālɔbányā gɔbū.” Anɔ́ɔ Umósīsi lɛ ohi kú ɛlā kú ācɛ ā kpó lɛ Óndú ā á. 10Óndú ā da Umósīsi kahíníī, “Nyɔ̄ ɛgiyí ācɛ ā kéē bī ɛ̄cī kú ícɛ mɛ́mla óócí lɛ iyī uwā iyē gwu, cɛ́ɛ́ kéē gbo um ɛ̄gbā. É í kpó īlī kú uwā na. 11Cɛ́ɛ́ kéē le tútū ɛ̄cī ɔmɛɛtá ā. Ɛ̄cī ɔ́ɔmā n géē wāajɛ ɛyí ɛfu kú Usáyínāyi, ɛga nɛ̄ odúúdú ācɛ ā lɔfú má um glá. 12#Uhíb 12.18-20Lɛ ukpo pi yɛ jīla ɛfu ā tá, nɛ̄ ācɛ dóódu í gáā gla anú gɔbū gaá lɛ ikpó bá ɛyí ɛfu ā glá ŋ́. Ɔ̄cɛ dóódu nōo lɛ ikpó bá ɛfu ā géē kwú 13É géē tá ɛcɔ̄ klá ɔ̄cɛ ɔ́ɔmā, ámāŋ, é géē tá ɔyī cē ɔ̄, kwu ɔ̄cɛ amáŋ ɛbɛ́ nōo lɛ ikpó bá ɛfu ā, í gáā yēeyī ŋ́. Eko nēé lɛ opo tá, cɛ́ɛ́ ācɛ kéē gbɔɔ́ ō nyɔ̄ ga ɛgiyí ɛfu ā. 14Anɔ́ɔ Umósīsi gā ajɛ ŋmá ɛyí ɛfu ā, anɔ́ɔ ó da ācɛ ā kéē lɛ iyī uwā iyē gwu, cɛ́ɛ́ ká lɛ tútū ō gbā Óndú ā ɛ̄gbā. Anɔ́ɔ é le īlī kú uwā kpó na á. 15Umósīsi da uwá kahíníī, “Aá lɛ tútū ohígbū ɛ̄cī ɔ́mɛtá nōo ī wā ā, aá híī gwutá mla anyā aá ŋ́.

16 # Mafú 4.5 # Obla 4.11,12 Ɔ̄cɔ̄ɔ̄cī kú ɛ̄cī ɔ́mɛtá ā, akpáabana gbɔɔ́ ō gbo mla ɔwolímanya nɛ̄hi, ojuja nɛ̄hi gaá klá ɛfu ā, é le ɔkɛlā nɛ̄ɛ̄nɛ̄hi kú opo pó. Anɔ́ɔ odúúdú ācɛ ā gbɔɔ́ ō yúufi gē fīyégbúlú ɛga nēé bá ā. 17Anɔ́ɔ Umósīsi lɛ ācɛ ā bī wɛ̄ɛcɛ ŋmá áklɔ̄kpɛ kú uwā kéē gáā jīla Ɔwɔicō eyī. Anɔ́ɔ é gaá háyi ikpó kú ɛfu kú Usáyínāyi ā. 18Odúúdú ɛfu kú Usáyínāyi ā le tū mu mla ódūdū nɛ̄hi kpúm ā, ohígbū ka Óndú ā yɛ ipú ɔlá gāajɛ ɛyí ɛfu ā. Ódūdū ā yɛ tíicō bɛ̄ɛka ódūdū ɔlá kú ácí ugba ā. Anɔ́ɔ odúúdú ɛfu ā le jīliyē nɛ̄hi. 19Abɔ̄ ɔkɔ kú opo a yɔ̄ ī gɔbū nɛ̄ɛ̄nɛ̄hi ā, Umósīsi lɛ ɛlā ka, anɔ́ɔ Ɔwɔicō bī akpáabana le ohi tá ɔ̄ á. 20Óndú ā gāajɛ ɛyí ɛfu kú Usáyínāyi ā, anɔ́ɔ ó le Umósīsi hīgwú ga ɛyí ɛfu ā. Anɔ́ɔ Umósīsi le tíicō ɛgiyí nū á. 21Anɔ́ɔ Óndú ā da Umósīsi kahíníī, “Nyɔ̄ gaajɛ kú ā gaá pi ācɛ ā ahɔ̄ kéē híī gla ɛjī ā wā gaá má um ŋ́. ɔ́dāŋ́ kaé le bēhé, alɛwa kú uwā géē pɛ́kwú. 22Ó kōō ācogwɛ́ɛya, nēe ī wā ɛgiyí um ā kéē lɛ iyī wā iyē gwu ámāŋ n géē yá uwā italā.”

23Umósīsi da Óndú ā kahíníī, “Ācɛ ā í kōō gáā wā icō glá ŋ́, ohígbū ka awɔ abɔ̄yī uwɔ je íne lɛ alɔ ká ālɔ̄ kóō lɛ ukpo pi jīla ɛfu ā tá á.” 24Óndú ā da ɔɔ́, kahíníī, “Nyɔ̄ ga ajɛ káā gaá lɛ Árɔ̄ni bī wā mla iyī uwɔ. Amáŋ ā cɛ̄ lɛ ācogwɛ́ɛya mɛ́mla ācɛ ā kéē gla ukpo ā wā ɛgiyí um ŋ́, ámāŋ n géē yá uwā italā.” 25Anɔ́ɔ Umósīsi gā ajɛ ɛgiyí ācɛ ā gaá le ka lɛ uwá á.

Currently Selected:

OŌYƐBƐ̄CƐ 19: IFBCL

Highlight

Copy