GENESIS 24

Edɔ Ŋwan Enɔ Isaac

1NDIEN Abraham ama akabare akani, aka ke usɔŋ: Jehovah ama onyuŋ ɔdiɔŋ Abraham ke kpukpru ŋkpɔ. 2Ndien Abraham ɔdɔhɔ owo esie, ebiowo ufɔk esie, emi akarade kpukpru se enye enyenede, ete, Mbɔk sin 3ubɔk fo ke idak ifuhi mi: ndien nyenam fi otomo Jehovah, Abasi enyɔŋ ye Abasi isɔŋ, ete ke afo ududaha ŋwan unɔ eyen mi ke otu nditɔ-iban mbon Canaan emi 4ami nduŋde ke otu mmɔ: edi ke afo eyeka ke isɔŋ oro ŋkotode, ye idut emana mi, akada ŋwan ɔnɔ Isaac eyen mi. 5Ndien owo oro ɔdɔhɔ enye ete, Ndusuk ŋwan oro idimaŋa nditiene mi ndi ke idut emi: nte nda eyen fo ŋka ke idut oro afo okotode ke esit? 6Ndien Abraham ɔdɔhɔ enye, ete, Kpeme idem fo mbak afo edida eyen mi afiak ko. 7Jehovah Abasi enyɔŋ, emi akadade mi ke ufɔk ete, ye ke idut emana mi efep, emi okonyuŋ ɔdɔhɔde mi onyuŋ ɔŋwɔŋɔde ɔnɔ mi, ete, Nyenɔ ubon fo idut emi; Enye eyedɔŋ angel esie ebem fi iso, ndien afo eyeda ŋwan ko ɔnɔ eyen mi. 8Edi ŋwan oro minyimeke nditiene fi ndi, afo eyebɔhɔ uŋwɔŋɔ mi emi: edi kuda eyen mi ufiak ko.

9Ndien owo oro esin ubɔk esie ke idak ifuhi Abraham ete esie, onyuŋ ɔŋwɔŋɔ ɔnɔ enye ke ikɔ 10emi. Ekem owo oro ada camel duop ke mme camel ete esie, ada kpukpru oruk nti ŋkpɔ ete esie ke ubɔk, aka; ndien enye adaha ke enyɔŋ aka ke Mesopotamia, 11ke obio Nahor. Ekem enye anam mme camel etɔŋɔ edɔŋ ke edem obio ke ɔtɔ obube mmɔŋ, ke ini mbubreyo, ke ini emi iban ewɔŋɔde ndikoi mmɔŋ. 12Ndien enye ɔdɔhɔ, ete, Jehovah Abasi ete mi Abraham, mbɔk, nam iso ɔfɔn mi mfin emi, nyuŋ nam se ifɔnde ye ete mi Abraham. 13Sese, ami mmɔŋ nda ke mben idim mmɔŋ, ndien nditɔ iban mbio-obio ke ewɔŋɔ ndikoi mmɔŋ: 14ndien ama edi eyen-aŋwan emi ndidɔhɔde enye nte, Biomere abaŋ fo, mbɔk, man ŋŋwɔŋ; emi edinyuŋ ɔdɔhɔde, ete, ŋwɔŋ, ndien nyenɔ mme camel fo mmɔŋ eŋwɔŋ ŋko, yak edi enye ke afo enim ɔnɔ eyen fo Isaac: ndien ke ntre ke ndifiɔk nte afo ɔmɔfɔn ido ye ete mi.

15Edikem, ke adaŋemi enye mika-idɔhɔke ima kaŋa, sese, Rebekah emi ekemande ɔnɔ Bethuel, eyen Milcah, ŋwan Nahor, eyen-eka Abraham, oto edi ye abaŋ esie ke afara. 16Eyen oro eye eti eti ndise, eyenɔwɔŋ, owo ika inyuŋ ifiɔkke enye; ndien enye ɔsuhɔre ke obube esin abaŋ esie ɔyɔhɔ, ndien ɔdɔk. 17Ndien owo oro efehe okosobo ye enye, onyuŋ ɔdɔhɔ ete, Mbɔk, yak ŋŋwɔŋ mmɔŋ esit ke abaŋ fo. Ndien enye ɔdɔhɔ, ete, Ɔbɔŋ mi, ŋwɔŋ: 18ndien enye awara obiomere abaŋ esie akama ke ubɔk, ɔnɔ enye ɔŋwɔŋ. 19Ndien ke ini enye ɔnɔde enye ɔŋwɔŋ ama, enye ɔdɔhɔ ete, Nyenyuŋ ŋkoi mmɔŋ nnɔ mme camel fo, tutu mmɔ eŋwɔŋ ema. 20Ndien enye awara aŋwana mmɔŋ ke abaŋ esie esin ke akwa, ndien efehe afiak aka ke obube, okokoi, onyuŋ okoi ɔnɔ mme camel esie kpukpru. 21Ndien enye enyene owo oro nyɔ, enye odop, ete ifiɔk mme Jehovah ɔnɔ imɔ unen ke usuŋ imɔ mme inɔhɔ.

22Edikem, ke adaŋoro mme camel ema ekeŋwɔŋ ema, owo oro osio ŋkpanuen gold ke eke ibuo, emi udobi esie edide ubak shekel, ye okpoho ubɔk iba ke eke ubɔk esie, emi udobi mmɔ 23edide shekel gold duop, ndien ɔdɔhɔ ete, Afo edi eyen anie? tiŋ nɔ mi, mbɔk. Nte ebiet eke nnyin idaŋde mmɔdo ke ufɔk usɔ? 24Ndien eyen oro ɔdɔhɔ enye ete, Ami ndi eyen Bethuel, eyen Milcah, emi enye akamande ɔnɔ Nahor. 25Enye onyuŋ ɔdɔhɔ enye, ete, Nnyanyaŋa ye udia ufene onyuŋ awak ye nnyin, ye ebiet 26eke mbufo edaŋde ŋko. Ndien owo oro ɔnuhɔ, onyuŋ atuak ibuot ɔnɔ Jehovah. 27Enye onyuŋ ɔdɔhɔ, ete, Ekɔm Jehovah Abasi ete mi Abraham, emi mitreke mfɔn esie ye akpanikɔ esie, ye ete mi: nte ami nsaŋade, Jehovah ada mi edi 28ufɔk nditɔ-eka ete mi. Ndien eyen aŋwan oro efehe aka eketiŋ ŋkpɔ oro ɔnɔ ufɔk eka esie.

29Ndien Rebekah enyene eyen-eka eren, ekere Laban: ndien Laban efehe okosim owo oro ke edem obio ke mben obube. 30Edikem, ke ini enye okutde ŋkpanuen ibuo, ye ŋkpɔ gold ke ubɔk eyen-eka esie, ke enye onyuŋ okopde uyo Rebekah eyeneka esie, ete, Ntem ke owo oro ɔdɔhɔ imɔ, ndien enye etiene owo oro; ndien, se, owo oro ada ye mme camel ke mben obube. 31Ndien enye ete, Afo emi Jehovah ɔdiɔŋde, di; ke didie ke afo ada ke edem obio? Ami mmonyuŋ ndiɔŋ ufɔk, ye ebiet nnɔ mme camel.

32Ndien owo oro oduk ke ufɔk, ndien atat mme camel esie; ndien enye ada nnyanyaŋa ye udia ufene ɔnɔ mme camel, ye mmɔŋ uyet ukot esie, ye ukot 33mbon emi edude ye enye. Ndien eda udia enim enye ke iso, ete adia ŋkpɔ: edi enye ete, Ndiaha kaŋa tutu ndɔhɔ ikɔ mi mma. Ndien enye ete, Dɔhɔ.

34Ndien enye ɔdɔhɔ ete, Ami ndi eyen ufɔk Abraham. 35Ndien Jehovah ama ɔdiɔŋ ete mi eti-eti, enye onyuŋ okpon, Enye ama onyuŋ ɔnɔ enye erɔŋ ye enaŋ, ye silver, ye gold, ye ifin iren, ye 36ifin iban, ye camel, ye ass. Sarah ŋwan ete mi, onyuŋ aman eyen-eren ɔnɔ ete mi, ke enye ama ɔkɔsɔŋ, ndien enye ɔnɔ eyen oro kpukpru se enye enyenede. 37Ndien ete mi akanam mi ŋŋwɔŋɔ, ete, Kuda ŋwan ke otu nditɔ-iban mme Canaanite, emi ami nduŋde ke idut mmɔ, unɔ eyen mi: 38edi ka ke ufɔk ete mi, ye ke ɔtɔ oruk mi kada ŋwan nɔ eyen mi. 39Ndien ndɔhɔ ete mi, nte Ndusuk ŋwan oro idinyimeke nditiene mi ndi. 40Ndien enye ɔdɔhɔ mi ete, Jehovah emi ami nsaŋade ke iso esie, eyedɔŋ angel esie aka ye afo, eyenyuŋ anam fi okut unen ke usuŋ fo; ndien afo eyeda ŋwan ke oruk mi, ye ke 41ufɔk ete mi ɔnɔ eyen mi. Ndien afo eyebɔhɔ uŋwɔŋɔ mi, ke edikade ke ɔtɔ oruk mi; ndien mmɔ minyimeke ndinɔ fi, afo eyebɔhɔ uŋwɔŋɔ mi. 42Ekem, ami nsim ke obube mmɔŋ mfin emi, ndien ndɔhɔ nte, Jehovah Abasi ete mi Abraham, mbɔk, edieke afo anamde mi ŋkut unen ke usuŋ mi emi ami ŋkade ke esit: 43sese, ami nda ke mben idim mmɔŋ; ndien ama edi eyen-aŋwan emi ediwɔrɔde ndikoi mmɔŋ, ndien ndɔhɔ enye, nte, Mbɔk, nɔ mi ekpri mmɔŋ ke 44abaŋ fo ŋŋwɔŋ: enye onyuŋ ɔdɔhɔ mi ete, Afo ŋwɔŋ ke idem fo, nyenyuŋ ŋkoi nnɔ mme camel fo ŋko: yak edi enye edi ŋwan eke Jehovah onimde ɔnɔ eyen ɔbɔŋ mi. 45Ami ndɔhɔke kaŋa mma ke esit mi, ndien, sese, Rebekah ɔwɔrɔ ye abaŋ esie ke afara, ndien enye ɔsuhɔre ke obube okoi: ndien ndɔhɔ enye nte, Mbɔk, nɔ mi ŋŋwɔŋ. 46Ndien enye awara obiomore abaŋ esie ke afara efep, onyuŋ ɔdɔhɔ ete, ŋwɔŋ; nyenyuŋ nnɔ mme camel fo eŋwɔŋ ŋko; ndien ami ŋŋwɔŋ enye onyuŋ ɔnɔ mme camel eŋwɔŋ ŋko. 47Ndien mbup enye nte, Afo edi eyen anie owo? Ndien enye ete, Eyen Bethuel, eyen Nahor, emi Milcah akamande ɔnɔ enye. Ndien nsin enye ŋkpanuen ke ibuo, ye ŋkpɔ gold ke ubɔk. 48Ndien nnuhɔ nnyuŋ ntuak ibuot nnɔ Jehovah, nnyuŋ ntoro Jehovah Abasi ete mi Abraham, emi akanamde mi nsaŋa ke edinen usuŋ, ndida eyen eyen-ete ɔbɔŋ mi nnɔ eyen esie. 49Ndien, edieke mbufo enamde ŋkpɔ mfɔn ye akpanikɔ ye ete mi, etiŋ enɔ mi, midige ntre, etiŋ enɔ mi; ndien nyekabare ke nnasia mme ke ufien. 50Ndien Laban ye Bethuel ebɔrɔ ete, Ŋkpɔ emi ototo Jehovah: nnyin ikwe nte idɔhɔde fi 51mme eti mme idiɔk. Se Rebekah do ke iso fo, da enye ka; yak enye onyuŋ edi ŋwan eyen ɔbɔŋ fo, nte emi Jehovah ɔkɔdɔhɔde. 52Edikem, ke adaŋoro owo Abraham okopde ikɔ mmɔ, enye atuak 53ibuot ɔnɔ Jehovah ese isɔŋ. Owo oro onyuŋ ada ŋkpɔ silver, ye ŋkpɔ gold, ye edisine ŋkpɔ ɔnɔ Rebekah: onyuŋ osio ŋkpɔ uto ɔnɔ eyen-eka esie ye eka esie. 54Ndien mmɔ edia ŋkpɔ enyuŋ eŋwɔŋ, enye ye mbon oro edude ye enye, enyuŋ edaŋ; ndien ke adaŋemi mmɔ edemerede ke usen ubɔk, enye ɔdɔhɔ, ete, Mbufo eyak nnyɔŋ ntiene ete mi. 55Ndien eyen-eka esie ye eka esie ete, Yak eyen aŋwan etie kaŋa ye nnyin baba usen duop; ndien enye eyeka. 56Edi enye ete mmɔ, Mbufo ekunam mi mbigi; koro Jehovah amanam mi ŋkut unen ke usuŋ mi, eyak mi ŋka ŋketiene ete mi. 57Ndien mmɔ edɔhɔ ete, Iyekot eyen aŋwan edi, ibup uyo esie. 58Ndien mmɔ ekot Rebekah edi, enyuŋ edɔhɔ enye ete, Nte afo onyime ndika ye owo emi? 59Ndien enye ete, Nyeka. Ndien mmɔ eyak Rebekah eyen - eka mmɔ, ye edep esie ye owo Abraham ye ikɔt esie enyɔŋɔ. 60Ndien mmɔ ediɔŋ Rebekah, ete enye, Afo edi eyen - eka nnyin, di eka ata ediwak tɔsin owo, yak ubon fo enyuŋ eda inua otop mbon usua mmɔ enyene.

61Ndien Rebekah adaha, ye nditɔ-iban esie; mmɔ enyuŋ edoro ke mme camel esaŋa ye owo oro, ndien owo oro ada Rebekah asaŋa. 62Ndien Isaac okoto ke edem obube mmɔŋ Beer-lahai-roi; edi ediduŋ ke idut edem 63usuk. Ndien Isaac ɔwɔrɔ aka ke iŋwaŋ ndisaŋa ŋkere ke mfuŋ-mfuŋ mbubreyo, ndien enye emenere enyin esie okut, ndien, sese, 64mme camel ke edi. Ekem, Rebekah emenere enyin esie; ndien ke ini enye okutde Isaac, enye oto ke camel ɔsuhɔre. 65Ndien enye ɔdɔhɔ asaŋa utom oro ete, Owo emi asaŋade ke iŋwaŋ ndisobo ye nnyin edi anie? Ndien asaŋa utom ete, Ete mi edi oro: ndien enye ada ufuk-iso esie ɔfuhɔ. 66Ekem, asaŋa utom oro emen kpukpru ŋkpɔ oro enye akanamde 67obuk ɔnɔ Isaac. Ndien Isaac ada ŋwan oro oduk ke tent Sarah eka esie ndien enye ɔdɔ Rebekah, enye onyuŋ akabare edi ŋwan esie; Isaac onyuŋ ama enye: ndien okop ndɔŋesit ke eka esie akpade.

Currently Selected:

GENESIS 24: ENA

Highlight

Copy