GENESIS 25

Mme Nditɔ Efen Emi Keturah Akamande Ɔnɔ Abraham Ke Ini Sarah Amakakpa

1EKEM Abraham ɔdɔ ŋwan efen, emi enyiŋ esie ekerede Keturah. 2Ndien enye aman Zimran, ye Jokshan, ye Medan, ye Midian, ye Ishbak, ye Shuah ɔnɔ enye. 3Ndien Jokshan obon Sheba ye Dedan. Nditɔ dedan enyuŋ edi mme Asshurim, ye mme Letushim, ye mme Leummim. 4Nditɔ Midian enyuŋ edi Ephah, ye Epher, ye Hanoch, ye Abida, ye Eldaah. Kpukpru mme mmɔ emi edi nditɔ Keturah.

5Ndien Abraham ada kpukpru se enye enyenede ɔnɔ Isaac. 6Abraham onyuŋ ada enɔ ɔnɔ nditɔ iban esa oro Abraham enyenede, onyuŋ anam mmɔ edaha ekpɔŋ Isaac eyen esie, ke ini enye odude uwem kaŋa, ete eka ke idut ke edem emi utin asiahade.

7Ndien ini uwem Abraham emi enye odude, edi isua ikie ye ata ye efut. 8Ndien Abraham ɔsuhɔre onyuŋ akpa ke ata usɔŋ, akani, onyuŋ ɔyuhɔ, ndien enye obono ye oruk esie. 9Ndien nditɔ-iren esie Isaac ye Ishmael ebuk enye ke aba itiat Machpelah, ke iŋwaŋ Ephron eyen Zohar eyen Heth, 10emi odude ke iso Mamre; iŋwaŋ oro Abraham ekedepde ye nditɔ Heth: do ke Abraham ye Sarah 11aŋwan esie ekebuhɔ. Edikem ke Abraham ama akakpa, Abasi ɔdiɔŋ Isaac eyen esie: Isaac onyuŋ oduŋ ke edem idim mmɔŋ uwem erikut.

12Ndien mme mmɔ emi edi emana Ishmael, eyen Abraham emi Hagar ŋwan Egypt, ofin aŋwan Sarah, akamande ɔnɔ 13Abraham. Mme mmɔ emi enyuŋ edi enyiŋ nditɔ Ishmael, nte enyiŋ mmɔ, ye emana mmɔ esaŋade: akpan Ishmael, Ne-baioth; ye Kedar, ye Adbeel, 14ye Mibsam, ye Mishma, ye 15Dumah, ye Massa, ye Hadad, ye Tema, ye Jetur, Naphish, ye 16Kedemah. Mme mmɔ emi edi nditɔ Ishmael, mme mmɔ emi enyuŋ edi enyiŋ mmɔ, ke obio mmɔ, ye ke nna mmɔ; mbɔŋ 17duopeba ke esien mmɔ, Mme mmɔ emi enyuŋ edi isua uwem Ishmael, isua ikie ye edip ke efureba: ndien enye ɔsuhɔre akpa, onyuŋ obono ye oruk esie. 18Mmɔ enyuŋ eduŋ etɔŋɔ ye Havilah tutu esim Shur, emi odude ke iso Egypt, nte owo akade ke Assyria: enye onyuŋ oduŋ ke iso kpukpru nditɔ-ete esie.

19Ndien ŋko mme mmɔ emi edi emana Isaac eyen Abraham: 20Abraham obon Isaac. Isaac onyuŋ osim isua aba ke ini enye ɔdɔde Rebekah, eyen Bethuel, eyen Aram, emi otode ke Paddan-aram, eyen-eka Laban eyen Aram.

21Ndien Isaac ekpe Jehovah ubɔk ɔnɔ Rebekah ŋwan esie, koro enye edide ada: ndien Jehovah onyime mkpe ubɔk esie, ndien Rebekah 22ŋwan esie oyomo. Ndien nditɔ esie eŋwana ke idibi esie, ndien enye ɔdɔhɔ ete, Ama ɔfɔn, ami nnam didie ntie ntem? Ndien 23enye aka okobup Jehovah. Ndien Jehovah ɔdɔhɔ enye ete, Idut iba edu fi ke idibi, mbio iba eyenyuŋ edianare ke nsia fo; ndien idut kiet eyesɔŋ akan idut eken; ebiowo eyenyuŋ etie nte ofin eyenɔwɔŋ.

24Edikem, ke ini uman esie, ndien, sese, nditɔ iba edu enye ke idibi. 25Ndien akpan ɔwɔrɔ ofuri idem esie ididuot, nte idet-idet ɔfɔŋ-idem; ndien esio enye 26enyiŋ Esau. Ndien eyen-eka esie ɔwɔrɔ ŋko, ubɔk esie onyuŋ omum Esau nditiŋ-ikpat; ndien esio enye enyiŋ Jacob: ndien Isaac osim isua ata, ke ini enye amande mmɔ.

27Ekem, nditɔ oro edikponi: ndien Esau edi owo eke ɔfiɔkde utop, owo ikɔt; edi Jacob edi suŋ 28suŋ owo, etie ke tent. Ndien Isaac ama Esau, koro se Esau otopde odude enye ke inua, edi Rebekah ama Jacob.

29Ekem, Jacob etem udia: ndien Esau oto ke ikɔt edi, akpa mba. 30Ndien Esau ɔdɔhɔ Jacob, ete, Mbɔk, nɔ mi ididuot udia emi ndia, koro mmakpa mba: mmɔdo 31enyiŋ esie ekerede Edom. Ndien Jacob ete, Men itie-akpan fo 32nyam nɔ mi mfin emi. Ndien, Esau ete, Sese ami, mmɔŋ ndikpa: itie-akpan emi ɔfɔn mi 33ndien ke nso? Ndien Jacob ɔdɔhɔ, ete, Ŋwɔŋɔ nɔ mi mfin emi, ndien enye ɔŋwɔŋɔ ɔnɔ enye: onyuŋ anyam itie-akpan 34esie ɔnɔ Jacob. Ndien Jacob ɔnɔ Esau uyo ye udia ɔkɔti, ndien enye adia onyuŋ ɔŋwɔŋ, ndien adaha ɔnyɔŋ. Ntem ke Esau esin itie-akpan esie ke ndek.

Currently Selected:

GENESIS 25: ENA

Highlight

Copy