GENESIS 38

Judah ye Tamar

1EDIKEM ke ini oro, ndien Judah ɔkpɔŋ nditɔ-ete esie ɔsuhɔre, onyuŋ awaha etiene eyen Adullam kiet, emi enyiŋ esie 2ekerede Hirah. Ndien Judah okut eyen-aŋwan Canaan kiet do emi enyiŋ esie ekerede Shua; 3ndien ada enye ɔdɔ. Ndien enye oyomo, onyuŋ aman eyen-eren; 4ndien osio enye enyiŋ Er. Ndien enye ɔtɔŋɔ ntak oyomo, onyuŋ aman eyen-eren; onyuŋ osio 5enye enyiŋ Onan. Ndien enye ɔtɔŋɔ ntak aman eyen-eren eŋwen; onyuŋ osio enye enyiŋ Shelah: enye onyuŋ odu ke Chezib, ke adaŋemi amande enye.

6Ekem, Judah ada ŋwan ɔnɔ Er, akpan esie, ndien enyiŋ ŋwan ekere Tamar. 7Edi Er akpan Judah, ɔdiɔk ke iso Jehovah; 8ndien Jehovah owot enye. Ndien Judah ɔdɔhɔ Onan ete, Tiene ŋwan eyen-uka, nyuŋ dɔ enye, nyuŋ bon eyen nɔ eyen-uka. 9Ndien Onan ɔfiɔk ete ke eyen oro ikpedige esiemɔ; ekem, ke ini enye etienede ŋwan eyen-eka esie, enye ɔduɔk ke isɔŋ, mbak edinɔ 10eyen-eka esie eyen. Ndien se enye anamde ɔdiɔk ke iso Jehovah; ndien Enye owot enye nde.

11Ndien Judah ɔdɔhɔ Tamar ŋwan eyen esie, ete, Tie nte ebekpa ke ufɔk usɔ, kudɔ ndɔ, tutu Shelah eyen mi okpon koro enye ɔdɔhɔde ete, mbak enye edikpa ŋko nte nditɔ-eka esie. Ndien Tamar aka eketie ke ufɔk ete esie.

12Ekem, ediwak ini ebe, ndien eyen Shua aŋwan, ŋwan Judah akpa; ndien esit ɔsuhɔ Judah, enye onyuŋ ɔdɔk eketiene mme andifat idet erɔŋ esie ke Timnah, enye ye Hirah ufan esie oro, eyen 13Adullam. Ndien etiŋ enɔ Tamar, ete, Sese, ukot fo ke ɔdɔk aka ke Timnah ndifat idet erɔŋ esie. 14Ndien enye osio edisine-ŋkpɔ itie ebekpa esie ke idem efep, onyuŋ ada ufuk-ŋkpɔ esine, onyuŋ ofuk idem esie, ndien etie ke inua otop Enaim, emi odude ke usuŋ Timnah; koro enye okutde ete ke Shelah omokpon, ndien idaha imɔ inɔ enye ɔdɔ.

15Ekem, Judah okut enye, ndien ese enye ke ŋwan use: koro enye 16ama okofuk iso esiemɔ. Ndien enye awaha ke usuŋ etiene enye, onyuŋ ɔdɔhɔ, ete, Mbɔk, kam yak ntiene fi; koro mifiɔkke ete edi ŋwan eyen esie. Ndien ŋwan oro obup enye, ete, Afo edinɔ mi nso ŋkpɔ, man etiene 17mi? Ndien enye ɔdɔhɔ, ete, Nyenɔ eyen ebot ke ebiet ufene eda esɔk fi. Ndien enye ete, Nte afo ɔmɔŋ enim ubiɔŋ tutu afo ɔnɔ 18edi? Ndien enye ete, Ndinɔ fi nso ke ubiɔŋ? Ndien ŋwan ete, Seal fo, ye uruk fo, ye esaŋ fo emi ke ubɔk fo. Ndien Judah ɔnɔ enye, onyuŋ etiene enye, ndien 19ŋwan oyomo ɔnɔ enye. Ndien, enye adaha ke enyɔŋ, aka okosio ufuk-ŋkpɔ efep, onyuŋ esine edisine-ŋkpɔ ebekpa esie.

20Ekem, Judah esin eyen ebot ke ubɔk ufan esie eyen Adullam oro, ete ɔbɔ ŋwan oro ubiɔŋ ke ubɔk; 21edi enye ikwe ŋwan. Ndien enye obup mbio ebiet oro, ete, Enye ŋwan use oro okodude ke Enaim ke mben usuŋ? Ndien mmɔ ete, 22Ŋwan use ikoduhe mi. Ndien enye afiak etiene Judah, ete, Ŋkwe enye; mbio ebiet oro enyuŋ edɔhɔ ŋko, ete, Ŋwan use ikoduhe mi. 23Ndien Judah ɔdɔhɔ ete, Yak enye ɔbɔ ke idem esie mbak but edinam nnyin: sese, mma nnɔ eyen ebot emi nte esɔk enye, edi afo ukwe enye.

24Ekem, ke adaŋa ɔfiɔŋ ita, etiŋ enɔ Judah ete, Tamar ŋwan eyen fo ama anam use; sese, enye onyuŋ oyomo ŋko ke use. Ndien Judah ete, Yak esio enye efɔp ke 25ikaŋ. Mmɔ esio enye, ndien enye ɔdɔŋ ekedɔhɔ ukot esie, ete, Ami nyomo nnɔ owo emi enyenede ŋkpɔ emi: ndien enye ete, Diɔŋɔ mbɔk, owo eke enyenede seal emi, 26ye uruk emi, ye esaŋ emi. Ndien Judah ɔdiɔŋɔ onyuŋ ɔdɔhɔ ete, Enye enen akan mi: koro mmeŋkadaha enye nnɔ Shelah eyen mi, ndien enye ifiɔkke aba enye.

27Ekem ke ini uman otukde enye, ndien, sese, nditɔ iba edu enye ke 28idibi. Ekem, ke ini enye amande, ndien kiet ɔnɔ ubɔk: ndien andimum uman ada ididuot ndidi eyiri enye ke ubɔk ete, Emi ebem 29iso ɔwɔrɔ. Edikem ke enye oduride ubɔk esie afiak, sese, eyen-eka esie ɔwɔrɔ: ndien enye ete, Nso ke afo obumere ɔwɔrɔ? eribumere ɔsɔp fi: ndien esio enye 30enyiŋ Perez. Ndien eyen-eka esie emi ididuot ndidi eyirede enye ke ubɔk, ɔwɔrɔ enye ke edem: ndien esio enye enyiŋ Zerah.

Currently Selected:

GENESIS 38: ENA

Highlight

Copy