GENESIS 39

Joseph ye Ŋwan Potiphar

1EKEM, mmɔ eda Joseph esuhɔre eka ke Egypt; ndien Potiphar, adidaha owo Pharaoh, etubom mme andikpeme enye, eyen Egypt, edep enye ke ubɔk mme Ishmaelite, emi edade enye esuhɔre do. 2Ndien Jehovah odu ye Joseph, enye onyuŋ edi owo eke okutde unen; onyuŋ odu ke ufɔk ete 3esie, eyen Egypt oro. Ndien ete esie okut ete ke Jehovah ododu ye enye, Jehovah onyuŋ esin kpukpru se enye anamde ɔwɔrɔ unen 4ke ubɔk esie. Ndien enye enen iso ye Joseph, Joseph anam ŋkpɔ ɔnɔ enye ŋko; enye onyuŋ odori Joseph ete edi andise ŋkpɔ ufɔk esie, onyuŋ ada kpukpru se enye enyenede esin enye ke ubɔk. 5Edikem toto ke ini oro enye okodoride enye edi andise ŋkpɔ ufɔk esie, ye kpukpru se enye enyenede, Jehovah ɔdiɔŋ ufɔk eyen Egypt oro abaŋa Joseph; Jehovah onyuŋ ɔdiɔŋ kpukpru se enye enyenede ke ufɔk ye ke iŋwaŋ. 6Enye onyuŋ ɔkpɔŋ kpukpru inyene esie ke ubɔk Joseph; inyuŋ ifiɔkke ŋkpɔ eke odude ye enye, ke mibɔhɔke udia eke enye adiade. Joseph onyuŋ ɔfɔnidem, iso esie onyuŋ eye.

7Edikem, ke ŋkpɔ oro ama ekebe, ŋwan ete esie emenere enyin esie ese Joseph; onyuŋ ɔdɔhɔ ete, Di 8difiɔk mi. Edi enye esin, onyuŋ ɔdɔhɔ ŋwan ete esie ete, Sese ete mi ifiɔkke se iduhe ye ami ke ufɔk, enye onyuŋ ada kpukpru inyene 9esie esin mi ke ubɔk; baba owo kiet ikponke ke ufɔk emi ikan mi; enye inyuŋ isinke mi ŋkpɔ ndomo kiet ke mibɔhɔke fi koro afo edide ŋwan esiemɔ; ndinam didie ndien nnam akwa idiɔkŋkpɔ emi nnyuŋ ndue Abasi?

10Edikem ke ini enye ɔdɔhɔde Joseph kwa usen kwa usen, ndien enye mikopke uyo esie ndidaŋ ye 11enye, nnyuŋ mfiɔk enye; edikem ke usen kiet Joseph oduk ke ufɔk ete inam utom imɔ, eyen ufɔk ndomo kiet inyuŋ iduhe do ke esit ufɔk. 12Ndien ŋwan oro edimum enye ɔfɔnidem ete, Fiɔk mi: edi enye ɔkpɔŋ ɔfɔŋidem esiemɔ ke ubɔk esie, onyuŋ efehe ɔwɔrɔ ke esien.

13Ekem, ke ini enye okutde ete ke Joseph ɔmɔkpɔŋ ɔfɔŋidem esie ke ubɔk imɔ, omonyuŋ efehe ɔwɔrɔ 14ke esien, ndien enye okot mbon ufɔk esie, onyuŋ ɔdɔhɔ mmɔ ete, Mbufo emekut nte enye adade Hebrew kiet ɔsɔk nnyiŋ man asak nnyin; enye editiene mi, ete ifiɔk mi, ndien mfiori ke ɔkpɔsɔŋ 15uyo: edikem ke ini enye okopde nte mmenerede uyo mi, nnyuŋ mfioride, enye ɔkpɔŋ ɔfɔŋidem esie ye ami, onyuŋ efehe ɔwɔrɔ ke esien.

16Ndien enye emen ɔfɔŋidem Joseph onim ke ɔtɔ esie, tutu ete 17esie edi ke ufɔk. Ndien ɔdɔhɔ enye ikɔ emi, ete, Ofin Hebrew emi afo akadade ɔsɔk nnyin, edi 18ndisak mi: ekem, ke ini nte mmenerede uyo mi, nnyuŋ mfiori, enye ɔkpɔŋ ɔfɔŋidem esie ke ŋkaŋ mi, onyuŋ efehe ɔwɔrɔ ke esien. 19Edikem, ke ini ete esie okopde ikɔ ŋwan esie oro, enye ɔdɔhɔ ye enye ete, Ofin fo anam ntem ye imɔ; 20ndien esit ayat enye. Ndien ete Joseph omum enye ekesin ke ufɔk ukpeme, ebiet emi ekɔŋde mbio ŋkpɔkɔbi edidem: ndien enye odu do ke ufɔk ukpeme.

21Edi Jehovah odu ye Joseph, onyuŋ esin ema enye, onyuŋ anam ete ufɔk ukpeme ɔfɔn ye 22enye. Ndien ete ufɔk ukpeme ada kpukpru mbon ŋkpɔkɔbi, emi edude ke ufɔk ukpeme, esin Joseph ke ubɔk; ndien edi enye edi andinam kpukpru se enamde 23do. Ete ufɔk ukpeme isehe ŋkpɔ ndomo kiet ke ubɔk esie; koro Jehovah odude ye enye, Jehovah onyuŋ anam se enye anamde ɔwɔrɔ usuŋ.

Currently Selected:

GENESIS 39: ENA

Highlight

Copy