GENESIS 50

Nte Ekebukde Jacob

1NDIEN Joseph ɔduɔ ofuk ete esie iso, onyuŋ atua enye ke idem, onyuŋ otim enye inua. 2Ndien Joseph ɔdɔhɔ ikɔt esie mbia-ibɔk, ete, Embalm ete imɔ: ndien mbia-ibɔk embalm Israel. 3Ekem, mmɔ eyɔhɔ usen aba enɔ enye: koro ntem ke eyɔhɔ usen eribalm; nditɔ Egypt enyuŋ etua enye ke usen ata ye duop.

4Edikem ke ini emi etuade enye ama ekebe, Joseph ɔdɔhɔ ufɔk Pharaoh, ete, Edieke mbufo emade mi, mbɔk, edɔhɔ ke utɔŋ 5Pharaoh, ete, Ete mi anam mi ŋŋwɔŋɔ, ete, Sese, ami mmɔŋ ŋkpa: ke udi mi oro ŋketibide nnɔ idem mi ke isɔŋ Canaan, ke afo edibuk mi do. Mmɔdo, mbɔk, yak ndɔk ŋkɔbuk ete mi, ndien 6nyefiak ndi. Ndien Pharaoh ɔdɔhɔ, ete, Dɔk, ka kobuk usɔ, nte enye akanamde fi ɔŋwɔŋɔ.

7Ndien Joseph ɔdɔk aka ndibuk ete esie: kpukpru ikɔt Pharaoh, mme ebio-owo ufɔk esie, ye kpukpru mme ebio-owo isɔŋ Egypt, 8enyuŋ etiene enye edɔk, ye ofuri ufɔk Joseph, ye nditɔ-ete esie, ye ufɔk ete esie: edi mmɔ ekpɔŋ nsek nditɔ mmɔ, ye erɔŋ mmɔ, ye enaŋ mmɔ, ke isɔŋ Goshen. 9Chariot ye horse enyuŋ esaŋa ye enye edɔk: udim oro onyuŋ 10okpon eti-eti. Ndien mmɔ edi ke Atad ke ɔtɔ ubek-ibokpot, emi odude ke edem Jordan oko, ndien mmɔ etua do akamba ɔkpɔsɔŋ eyet eti-eti: ndien Joseph atua 11ete esie ke usen itiaba. Ndien ke ini nditɔ Canaan, mme andiduŋ isɔŋ oro, ekutde nte etuade ke Atad, ke ɔtɔ ubek-ibokpot, mmɔ edɔhɔ, ete, Emi edi ɔkpɔsɔŋ eyet nditɔ Egypt; Mmɔdo esiode enye enyiŋ Abel-mizraim, emi odude 12ke edem Jordan oko. Ntem ke nditɔ esie enam enɔ enye, kpa nte 13enye ɔkɔdɔhɔde mmɔ: ndien nditɔ esie emen enye eka ke isɔŋ Canaan, ekebuk enye ke aba ke iŋwaŋ Machpelah, emi Abraham ekedepde ye iŋwaŋ oro, ye Ephron eyen Heth, ke iso Mamre, man enyene udi.

14Ekem, Joseph afiak ɔnyɔŋ ke Egypt, enye, ye nditɔ-ete esie, ye kpukpru owo oro ekesaŋade ye enye edɔk ndibuk ete esie, ke ini enye ama okobuk ete esie ama.

15Ekem, ke nditɔ-ete Joseph ekutde ete ke ete mmimɔ ama akpa, mmɔ edɔhɔ ete, Ndusuk Joseph eyesua nnyin, idinyuŋ itreke ndinam nnyin usiene kpukpru idiɔk-ŋkpɔ oro nnyin ikanamde enye. 16Ndien mmɔ edɔŋ ekedɔhɔ Joseph ete, Usɔ, ke mikaikpaha kaŋa, ɔdɔhɔ ete, 17Ntem ke mbufo edidɔhɔ Joseph, ete, Mbɔk, kam dahado ke idiɔk-ŋkpɔ nditɔ-usɔ, ye ukwaŋ-ŋkpɔ mmɔ: koro mmɔ ekediɔkde ye afo: mbɔk, kam dahado ke idiɔk-ŋkpɔ ikɔt Abasi usɔ. Ndien Joseph atua eyet ke ini mmɔ edɔhɔde ye enye. 18Nditɔ-ete esie enyuŋ eka ekeduɔŋɔ enye ke iso: enyuŋ edɔhɔ ete, 19Sese, nnyin idi ikɔt fo. Ndien Joseph ɔdɔhɔ mmɔ, ete, Mbufo ekufehe ndik: nte ami ntie ke itie Abasi? 20Ndien mbufo ekekere ndinam mi idiɔk: edi Abasi ekekere ndifɔn, kpaŋ akpanam nte edide mfin emi, ete inim ediwak 21owo uwem. Mmɔdo mbufo ekufehe ndik: ami nyebɔk mbufo ye nsek-nditɔ mbufo. Enye onyuŋ ɔdɔŋ mmɔ esit, onyuŋ ɔdɔhɔ mfɔn-mfɔn ye mmɔ.

22Ndien Joseph oduŋ ke Egypt, enye ye ufɔk ete esie: Joseph onyuŋ odu uwem isua ikie ye 23duop. Joseph onyuŋ okut nditɔ Ephraim eke emana ita; nditɔ Machir eyen Manasseh, enyuŋ emana (enyuŋ edoro) Joseph ke edɔŋ.

24Ndien Joseph ɔdɔhɔ nditɔ-ete esie, ete, Ami mmɔŋ ŋkpa: ndien Abasi eyedi ndise mbufo, eyenyuŋ osio mbufo ke isɔŋ emi, ɔdɔk aka ke isɔŋ emi Enye ɔkɔŋwɔŋɔde ɔnɔ Abraham, ye Isaac, ye Jacob. 25Ndien Joseph anam nditɔ Israel eŋwɔŋɔ, ete, Abasi eyedi ndise mbufo, ndien mbufo eyemen ɔkpɔ mi ke ebiet emi efep.

26Edikem Joseph akpa, osim isua ikie ye duop: ndien mmɔ embalm enye, enyuŋ esin ke ekebe ke Egypt.

Currently Selected:

GENESIS 50: ENA

Highlight

Copy