Matthew 18
18
KETH WOANGNUMAINLËRAH, XVIII.
1TRIM tre ahperran ah tre ngha hun ko kë Jesus nghaleh, ngheneh chang bomung kë upock u foy tre ah?
2Jesus veal tramo toon tre nu chelly woa ko ngha ayaing.
3Nu nghaleh urongdong yah no fohm, lo mpinkyehn kin uhiant, ngha boaehn loi kë upock u foy tre.
4Wonno tully oh kin tramo toon to wonoky woa chang ah bomu kë upock u foy tre.
5Wonno marrah tramo toon tre oh kin tramo to wonoky, woa më marr.
6Wonno nghah yeh mbang yeo kë ahpomah tre nghanaky nghana më laneh oh, la hun chang ah keleng kë nopokan to wonoky, lo peh pant woa pay tumuck nu peh pong woa bëah hehleh.
7Sompon kë upock u tre yehpeh mbarrah ko nah kë; urondong mbarrah ma choe; kereh sompon kë nopokan to wonno, nghono u loang mbarrah yeo.
8Kereh lo pëah moa oh, ubeng moa oh ngha lerick moa gbo, mbetteh ngho nu mpong; hallë loi ko kë foy u bë pëah bull gbo, ubeng u bull gbo la shang leh bë pëahtë ting oh, bengtë ting oh, nu peh pong kë dyomly bomu tre.
9Lo foll moa la lerick moa gbo, nsoory leh nu mpong leh, hallë koh ko kë foy u bë foll ë bull gbo, la chang ah leh bë folltë ting nu kon ko kë dyomeh.
10Mbaykeh ëtrehn, m ma lerick ahpomah toon nghanaky; yah no fohm angel ah ngha tre ngha lehly ko kë folleh papah më, nghono cheh kë foy, trim o trim.
11Traak nopokan tre woa hun hallë tun nghana fendy oh.
12La moa trennin ah? lo peh nopokan u bë sëlonkobeh kehmeh bull, lonkobeh bull u kim, nopokan tre u chehn loi sëlonkobeh toang hewl nu woanglëmenhewl nghana kimehn yeo ko nrongeh nu kon hallë tun lonkobeh tre nghono lendy oh?
13Lo keh woa gbo, urondon yah no fohm, u hvoy lonkobeh to peh changah toang hewl nu woanglëhewl nghono kimehn yeo.
14Kë manleh papah moa nghono ko kë foy oh u yoomoiehn leh no pomoh bull din.
15Lo pintre moa tre moa nghah yeh mbang nkoh ko la fohm moa, lo u tui lum moa gbo, nkeleng.
16Lo tuiehn mun gbo, nkui peh aniah ting oh rah oh; leh ndërick n tre buleing ma gbeng bulleh kë ahtamasery ah ting, ah rah.
17Lo tuiehn lum të ngha, nkunan aniah Foy; lo u; tuiehn aniah Foy tre, u choe kë manleh kafrëë oh, publikan oh.
18Urondong yah no fohm, yempy tre peh moa pant ka kë, pehmpeh pant pehreh ko kë foy: yempy tre peh moa tinky oh kë upock u tre pehmpeh tinky pehreh ko kë foy.
19Ah nghaleh peh, lo aniah ting ngha yëë hallë yin, papah më nghono ko kë foy peh ngha kah.
20Ayin ko loa anin ah ting anin ah rah, ngha bony kë ilillë më, yang y abiah ngha ayaing.
21Trim tre Peter hun ko ko woa nghaleh, yeome, lo pintre më nghah yeh mbang ko më, ngho ah woa cheh lapah? mainting ë?
22Jesus nghaleh ah fohmehn mun leh mainting gbo; kereh toang rah nu woang.
23Upock u foy tre ngho cheh kë manleh bay wonno trum kë ahboy ah woa tre.
24Yeh u tripeh trum u keh no bull wonno bë ëruh ë woa talent ë wooly woang.
25U bë an yempy packah, papah woa fohm leh peh wungul woa oh, lah woa oh, ahpomah woa oh, nu nyërick n woa buleing hallë packah ëruh ë tre.
26Boy ah tre chum moa woa pëah, nghaleh, la marrah moa yeome, yah la packah.
27Papah woa kehkeh woa sinobull u mail woa nu buyah woa ëruh ë tre.
28Kereh boy ah tre woa fun u bum nokono woa wonno bë ëruh ë woa pence kehmeh bull gbo, u yetty woa bughuloh, nghaleh, mpackah më ëruh ë më tre.
29Nokono woa chum pëah, nghaleh, kenah, la marrah moa, yah moa packah.
30Kereh u kay, u kon nu beh woa ko kë kill rtilleh, mendeh u packah ëruh ë tre.
31Yeh aniah ko ngha, ngha keh nghono peh nghan yeo; ngha kyo sinobull, ngha kon ngha kunan papah ngha lanah nghan yeo.
32Papah woa veal woa nu nghaleh ko ko woa mun boy mbang moiky; ah buyah ëruh ë tre buleing, yeh ntelleh më.
33La wumleh moa chehn kehkeh nokoho sinobull pehreh ah? kë manleh ah kehkeh moa sinobull?
34Papah woa shillin n u wum woa ko kill rtilleh, mendeh u kung packah ëruh ë tre.
35Kë ngho papah më cheh nghah ko kë no o no wonno chehn nlap pintre woa kë ugboll u woa.
Currently Selected:
Matthew 18: BUY1816
Highlight
Share
Copy
Want to have your highlights saved across all your devices? Sign up or sign in
First published by the Church Missionary Society in 1816.
