Matthew 19
19
KETH WOANGNULĂ‹MAINHEWL, XIX.
1YEH u ka kissy nfoh n tre manah u loi ko Galilee nu moi ko Judeah ko kill Jordan.
2Runiah bomu tre ngha lim woa wayling, u shunky ngha.
3Ahpharisee ah tre ngha moi pehreh ko ko woa ngha nghehl woa nghaleh, laileh keleng ë? hallë nopokan tre hallë mail leh woa hallë din o din?
4U yoom nghaleh ko ko ngha, ngha karanguhn Ă«? wonno trokoh ngha nghah yeo u ka nghah nopokan bull nolakan bull gbo.
5U nghaleh, labëla nopokan n loi papah woa oh, yah woa oh, nu cheh ko kë lah woa; ahting ah tre nghanaky ngha cheh dyall ë bull.
6Ngha chehn aniah nting, ngha gbo dyall Ă« bull. Lanah Foybatukeh nghah yin ah bull yeo, no o no m ma ah loi ayain.
7Ngha nghaleh, lawumleh Musah ka fohm hallë gball kayery peh ka noma tre nu mail woa.
8U nghaleh ko ko ngha yehpeh ugbolltë ngha ko chang ah katul, labëla Musah ka fohm hallë mail lah moa: kereh ko utrip u kë la chehn kë.
9Yah no fohm, wonno mail lah woa yeo, behleh kuiehry chung, nu noh noma chillang u bë ball: wonno noh noma tre peh maileh yeo, u bë ball.
10Ahperren ah woa tre ngha nghaleh, lo labëla kë ngho hallë nopokan oh nolakan oh, la chehndy keleng hallë noh.
11Kereh u nghaleh anin buleing ngha boaehn tui lumtë tanaky, mendeh peh ngha kah la.
12Aniah poom peh kum ahbussy; aniah poom peh bussy ngha; aniah poom ngha bussin hallë hallë baily foy. Wonno boa gbo nghah la, n nghah.
13Trim tre peh chëë ahpomah tre ko ko woa, hallë beh peahtë woa ko ngha atook nu ramlin, ahperren ah woa tre, nghehl ngha lëbang.
14Kereh Jesus nghaleh, n foll ahpomah tre; n nghah ngha hun ka ko më, ngha ngha bë baily foy tre.
15Yeh kung ngha beng kë peahtë woa u kon kull.
16Nlehly nopokan tre hun ko ko woa nghaleh papah keleng, ngho ah nghah ah? hallë choe ko kë foy trim o trim.
17U nghaleh, la wumleh n nghaleh yah rë keleng ah? no o no cheh rë keleng behleh Foybatukeh; kereh lo n yehmah rë koh hallë choe ko kë foy, n nghah lumtë Foy.
18U nghaleh lumtë haloh? Jesus nghaleh m ma dyë, m ma kui lak nopokan poom tre; m ma dui; m ma cheh tamasery mbull.
19Nkulloh papah moa oh, yah moa oh; m marr nokono kë manleh nghono m marr munëken yeo.
20Langbang tre nghaleh, ah kung ngha nyërick n tre manah buleing, yeh ah choe tramo toon gbo; ngho ah nghah peh ah?
21Jesus nghaleh, lo peh gbo leh, moa yehmah cheh keleng, n koh m wungul nyërick m moa buleing, nu kah feh tre ko aniah moneh tre (lo moa gbo nghah la) m bë nyërick m birr ko kë foy: nhun më lim wayling.
22Kereh yeh langbang tre tui la kë, u kon sinobull, yehpeh u bë nyërick mbir.
23Trim tre Jesus nghaleh ko ahperren ah woa n tre, urondong yah no kunan, la katt hallë yeolano hallë loi kë baily foy tre.
24Peh yah no fohm, ninckimeh ngho boa rë loi kë funkah messery tre peh chang yeolano tre hallë loi baily foy.
25Yeh ahperren ah tre ngha tui la kë, ngha kaban nghaleh, ngheneh boa loi ko kë baily foy ah?
26Jesus lehly ngha nu nghaleh, anin ngha boaehn la nghah; kereh Foybatukeh ngho boa nghah nyërick n tre buleing.#An omission of the four following verses occurs in Mr. Nylanderʼs Version, which could not be supplied; and therefore the chapter appears imperfect as it regards the last four verses in the Bullom language.
Currently Selected:
Matthew 19: BUY1816
Highlight
Share
Copy
Want to have your highlights saved across all your devices? Sign up or sign in
First published by the Church Missionary Society in 1816.
