Genese 49
49
1KE Jekob ame hawâ lakon, me ha, ka habe: Ûkhacaköu thʼ öbun, kʼ oge ame me he ka omanenâ köbun ta je ûnyi he ka o köbun hnyi ta je bong a biliny.
2Ûkhacaköu thö, me löng, öbun je laku Jekob:
Ke löng ju kö Isaraela a kamöbun.
3Reubena lö, u nökuk a atö, me manik man me hwâniny tang hwegiök;
Beönuainy hmanenang, me beönuainy man.
4U me bwebwet helâ me köiö, kʼ u me ca he ka beönua;
Anyin a u je ölö ka hnyi hnamokut hnen kâmâm;
Me okongoâ: e ame he ka hnyi hnök hnamokut.
5Haba Simeona me Levi, ödru liamekeiny;
Ke haba anyidru li hele vat me hnân ûokonguny.
6Hanuk lö, u ma ca he ka ûne gadru;
Soik lö, ca bi hanen hnödru hna ûkha-caköu;
Anyin ödre hlingâ at hnyi anyidru hmönyin,
Me sö can bolok hnyi hnödru hna bi gan.
7E so e mok anyidru hmönyin, anyin ae hwege e;
Me anyidru wathethot, anyin ae hwege oveciny;
Oge me he ka ve ip ödru ûnyi Jekob,
Me ovesei ödru but ûnyi Isaraela.
8Juda lö, ame he je liamekeiny möu ka oganö u:
Ame he hnyamâm ka e hnyi nyin je iwahnaihmiony möu:
Kʼ ame he lakon kamâm ka iâû gam.
9Haba Juda me nokon liona;
U me he, nökuk, ûhem hnyi hanem:
Kʼ ame mokut me iâû helâ me liona,
Helâ me liona momo; ia ame he ka bwebwelâ e?
10Ame ca he ka hia ûnyi Juda uci musi,
Me at bi hnanyibu ûheny hnyi wanben li can,
Ke ne o but ame o Silo;
Kʼ ame he ta je hnyei ka löng hoton.
11Adre me he ka hûkâlâ haleny asina hnyi vine,
Me nokon haleny asina hnyi vine ae so;
E ame hneû je ûkhaûen hnyi waina,
Me anyin imano hnyi dren ta je wan vine.
12Ame he ka dra li emakan ge waina,
Kʼ ame he ka hau nyon hnen dân basin,
13Ame he Zebulona ka laba hnyi wasaĂ»:
Kʼ ame he ka khöp unyin ta je hu;
Kʼ ame he ka o hnyigöulen hnyi Zidona.
14Asina ae hwege Isakara,
A mokut hnyi wanben li umen mamoe:
15Kʼ ame wâ dok ae so hnân menâ hnyin,
Me hnyei ae hmanenang;
KĘĽ ame ham bajebenyin he ka hije hok
KĘĽ ame bi athnyaba hnyi hna khene huliwa.
16Ame he Dana ka owisa iny hnyei,
Helâ me ke tribu hnyi Isaraela.
17Ame he Dana ka on eĂ» hnyi gethen,
Me vaipa hnyi hna cit gethen,
At ame oloû ohmâiny can ta je hos,
Me me kölu hoton at ame tabâ.
18Iehova lö, oge hia but halubahingen ânyâm ûhomeli.
19Ame he ka takĂ» Gada hnen utbavat,
KĘĽ ame he bi e ka hwege hwaban.
20Ûnyi ga Asera an ae pipikhenya,
Kʼ ame he ka hu gan hnân an than.
21Nafatali, aila aidre hna:
E ame ha hofuc ae so.
22Josefa, anginy ûö ae wa,
Anginy ûö ae wâ hnyi an;
Ame iâû ta je anginy hon hak veto.
23Adre ti ovecâ hnen tavat fana
Me fana kâu, me okongoâ:
24Ke hwege balua anyin cafana,
Kʼ adre ohwegiâ li hnyamen me li benyin,
Unyi ge li hnyamen thani Jekob,
(Ûheny e at tuö mamoe, wale veto anyi Isaraela,)
25Wale ûnyi ge Khongon kâmâm, at ame hadruö u,
Ke ûnyi ge Ataekhanahia, at ame he ka ohnahici u,
Hnen ta je soiny drany ethö,
Me soiny dok ae dit eû hnyikânâi,
Me soiny basin, me hnyekon at ame hnokoâ.
26Haba je hnahic hna ha hnen kâmâm, me, gan hmâ
Hon je hna hahnahicâ hnen je lakamök
Ke ne o but ka hnyi hnyigöulen je bucen nyiele balua:
Ame he ka ta hon bö Josefa,
Wanben bân at waleji adre oûsakâûâ me je liamekeiny më.
27Haba Beniamina, me, luko ame olou usu kia:
Hnyi hnyomakatu e ame he ka han haniny,
Kʼ ame he ka khenâ hna hûgûnâ hnyi sahac.
28Wale je tribu anyi Isaraela hia a twelv; ke wale hnen hna ha ködrin hnen kamödrin me hahnahici ödrin; e ame hahnahici ödrin helâ me ûcû ködrin. 29Ke e ame hûna ködrin, me ha ködrin, ka habe, Adre me he ka oûkhacaköuö nya me lakauök: e so öbun e könim nya unyin lakamök hnyi op hnyi utkâna anyi Eferona at Heth, 30hnyi op hnyi utkâna hnyi Makepela cicö Mamere, hnyi hnyei Kanana, waleji Aberahama ame ûco tha e me utkânâ ûnyi ga Eferona at Heth, me me utkânâ khön komok; 31adre me könim Aberahama me Sara a âiân eling, kʼ adre konâm eling Isaaka me Rebeka, kʼ oge konim Lea e: 32wale utkânâ me op eû hnyin adre ûco ûnyi ge je laku Heth. 33Ke a um dö Jekob hûna ka je lakon, me e ame hwetö li can hnyi hnamokut me hna but hanon, kʼ adre me ukhacaköuâ e me lakamen.
Currently Selected:
Genese 49: IAAI
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
