Zabúr 43
43
TAIṈTÁLÍSWÍṈ ZABÚR.
Ḳhudá ká musíbatzada banda kajrau aur dag̣abáz dushmanoṉ ke háth se chhúṭne kí duạ́ mángtá hai (1—3), aur use yaqín hai ki us kí duạ́ mustajáb hogí (4), aur apní náummedí par malámat karke apní ján ko targịb detá hai ki Ḳhudá par madad ke liye bharosa rakhe (5).
1Ai Ḳhudá, mera insáf kar, aur námihrbán quam se mere muqaddame meṉ merí pushtí kar; dag̣ábáz aur kajrau insán se tú mujhe chhuṛáegá. 2Kyúṉki mere qalạ ká Ḳhudá Tú hí hai. Kis liye tú ne mujhe tark kiyá hai? Kis liye maiṉ dushman ke zulm se mátam kartá phirúṉ? 3Apní roshní aur apní ámánátdárí ko bhej; wahí merí rahbarí karengí, mujhe tere koh i muqaddas par aur tere maskanoṉ ke pás pahuncháengí. 4Aur maiṉ Ḳhudá ke mazbah ke pás áúṉgá, Qádir i Mutlaq ke pás, jo merí niháyat shádmání hai; aur, Ai Ḳhudá, mere Ḳhudá, maiṉ barbat ke sáth terí shukrguzárí karúṉgá. 5Ai merí ján, tú áp ko kyúṉ jhukáyá karegí aur kyúṉ mujh meṉ shor macháegí? Ḳhudá kí intizárí kar, kyúṉki main phir us kí shukrguzárí karúṉgá, jo mere chihre kí naját aur merá Ḳhudá hai.
Currently Selected:
Zabúr 43: URDRPS
Highlight
Share
Copy
Want to have your highlights saved across all your devices? Sign up or sign in
Historical text first published in 1863, and maintained by the British and Foreign Bible Society.
