YouVersion Logo
Search Icon

Ẹyano 4

4
1Etiyin Mosis da kpahe, “Ayen che se vwe gbuyotaa eyẹ ayen cha kerhọ rẹ urhuru mẹẹ, kidie ayen cha ta nẹ, ‘Ọrovwohwo vwẹ oma phia kẹ wẹẹ.”’ 2Ọrovwohwo da ta kẹ, “Didi emu ọyen hẹ obọ wẹn?” Ọ da kpahe kẹ, “Ọkpọ.” 3Ọ da ta, “Phio phiyọ otọ.” Etiyin o de phio phiyọ otọ; ọ de hirhe phiyọ ọrọdekọ. Mosis da djẹ kẹ. 4Ẹkẹvuọvo Ọrovwohwo da ta kẹ Mosis, “Riẹn obọ wẹn phia, wọ yọnrọn urhurhu rọye. Etiyin ọ da riẹn obọ rọye phia ọ da yọnrọn, o de hirhẹ phiyọ ọkpọ vwẹ obọ rọye. 5Ọnana kọye ayen vwo segbuyota nẹ Ọrovwohwo Ọghẹnẹ rẹ esẹ rayen, Ọghẹnẹ rẹ Ebraham, Ọghẹnẹ rẹ Aizik, kugbe Ọghẹnẹ rẹ Jekọp, vwẹ oma phia kẹ wẹ. 6Ọrovwohwo da rhoma ta kẹ, “Gbe phi obọ wẹn phiyọ aviẹvwe wẹn.” O de phi obọ rọyen phiyọ aviavwe rọyen; ro vwo yoro rhe, nighe, obọ rọye da rhe dia fuanfon vẹ oti. 7Etiyin Ọghẹnẹ da ta, “Gba rhoma phi obọ wẹn na phiyọ aviavwe wẹn.” Ọ da rhoma phi obọ rọyen phiyọ aviavwe rọyen; ọke ro wo yoro rhe, nighe, ọ da rhoma rhi hirhe phiyọ oma rọye ri jovwo. 8Ọrovwohwo da ta kẹ, “Ọ da dianẹ ayen rhe se we gbuyotaa, eyẹ ayen gbe kerhọn rẹ oka rẹ ẹsosuọ naa, ayen che se oka rivẹ na gbuyota. 9Ọ da dianẹ ayen gbi se eka nana ivẹ na gbuyotaa, eyẹ ayen gbi nyo urhuru wẹẹn, wọ me rọye ame rẹ urhie rẹ Nail na; wo mi kuo phiyọ otọ ọyaya na; ame ru wọ rọye nẹ urhie rẹ Nail rhe na ko che hirhe phiyọ ọbara vwẹ otọ ọyaya na.”
10Etiyin Mosis da ta kẹ Ọrovwohwo, “E Ọrovwovwe!, Me riẹn ota taa, rhiri rhi te ọke re wọ vwọ ta ota kẹ vwẹ odibo wẹn na: ota me pha bọrọbọrọ, erẹvwe mẹ sasaree. 11Etiyin Ọrovwohwo da ta kẹ, “Ono re ma unu rẹ ohwo? Eyẹ ono re marọ diunu, dierhọn, yẹrẹ ohwo ro sa mrẹ orẹẹ, yẹrẹ orhuẹro? Ọ dia mẹvwẹ hẹ Ọrovwohwo na? 12Asakiephana yanran, Me vẹ unu wẹn cha dia, ki mi yono uwe obo re wọ cha ta.” 13Ẹkẹvuọvo ọ da ta, “E Ọrovwohwo, me rẹ wẹ, ji ohwo ọfa.” 14Ivun de miovwo Ọrovwohwo kpahe Mosis Ọ da ta, Kẹ Erọn vwoo, oniọvo wẹn, ohwo rẹ Lẹvi? Me riẹnre nẹ ọ riẹn ota ta. Nighere, ọ cha cha vwa wẹ, ọke rọ da mrẹ wẹ oma cha vwerhọ gagan. 15Ku wọ cha ta ota kẹ, ki wo phi eta na phiyọ unu rọyen; ki mi nene unu wẹn dia kugbe unu rọyen, ki mi yono uwe obo rẹ wo ru. 16Kọ dia ọtota wẹn vwọ kẹ ihwo na; ku wọ dia kerẹ Ọghẹnẹ vwọ kẹ rọ vuẹ obo rẹ cha ọta. 17Ku wọ ghwa ọkpọ nana nene oma, kọyen wo vwo ru emu rẹ igbunu na ejobi.
Mosis Rhivwi kpo Ijipti
18Mosis de rhivwi bru Jẹtro ọgọ rọye, ọ da ta kẹ, “Ju vwe rhivwi kpo, me rẹ wẹ, bru imoni mẹ vwẹ Ijipti, sẹ ayen je hẹ akpọ.” Etiyin Jẹtro da ta kẹ Mosis, “Gba yanran vwẹ ufuoma.” 19Ọrovwohwo da ta kẹ Mosis vwẹ Midian, “Rhivwi kpo Ijipti; kidie ihwo re guọnọ arhọ wẹn ejobi ghwu nure.” 20Etiyin Mosis da reyọ aye rọyen vẹ emeshare rọyen, o de mu ayen phiyọ enu rẹ ekẹtẹkẹtẹ, o de rhivwi kpo otọ rẹ Ijipti; Mosis da ghwa ọkpọ rẹ Ọghẹnẹ na nene oma.
21Ọrovwohwo da ta kẹ Mosis, ọke wo de te obo Ijipti, wo mi ru emu rẹ igbunu na ejobi kẹ Fẹro mrẹ, e re me vwẹ ogagan rọye kẹ wẹ nẹ wo ru na. Ẹkẹvuọvo mi che ru udu rọyen gan, ọtiọye o rhe che siobọ nẹ ihwo na kpoo. 22Ku wọ ta kẹ Fẹro, ‘Enẹ Ọrovwohwo tare, “Izrẹl hẹ ọmọkpako mẹ, 23Me ta kẹ wẹ, “Jẹn ọmọshare mẹ kpo rere ọ ra gan vwẹ: wọ da sẹn nẹ o kpoo, nighe, ki mi hwe ọmọkpako wẹn.
24Vwẹ erhọn vwẹ idjerhe Ọrovwohwo da vwa ọ da guọnọ hwe. 25Etiyin Zipora da reyọ ẹbere rẹ oragha o de bru upheruphe rẹ ọmọshare rọyen, o de vwo te awọ rẹ Mosis, tanẹ, uyota wẹ “Ọpha rẹ ọbara kẹ vwẹ.” 26Ọtiọye na ọ da yan jovwo. Kọyẹ a vwọ tanẹ, Wẹ Ọpha rẹ ọbara, fiki rẹ oyanvwe na. 27Ọrovwohwo da ta kẹ Erọn, “Kpo obo aton ra vwa Mosis.” Ọtiọye, ọ da yanran, ọ da ra vwa vwẹ ugbenu rẹ Ọghẹnẹ ọ da fiọnfiọn unu. 28Mosis da ta eta rẹ Ọrovwohwo na ejobi kẹ Erọn, kugbe eka na ejobi rọ ta kẹ nẹ o ru. 29Etiyin Mosis vẹ Erọn de re se ekpako rẹ Izrẹl na ejobi koko. 30Erọn da ta eta rẹ Ọrovwohwo ta kẹ Mosis na ejobi, o de ji ru imu rẹ igbunu. 31Ihwo na de segbuyota; ọke rẹ ayen vwo nyo nẹ Ọrovwohwo bru ihwo rẹ Izrẹl rhe ọke rha je mrẹ oma ẹlaghọ rayen, ayen de gbe uyovwi kpotọ ayen da ga.

Currently Selected:

Ẹyano 4: UBV77

Highlight

Share

Copy

None

Want to have your highlights saved across all your devices? Sign up or sign in