Esikeel 41
41
1Ndin awo ado amamben miin akaa ufọọd ufọk anyʌñ akedomo mme adaaha amọ; ubom adaaha akedo udomo kubid itiokeed#41:1 A-adooho ñkpọ nte ikpad 11 me ñkpọ nte mita 3.2; se ñko ke Esi 41:3, 5 ye 8. ke ubeñ keedekeed. 2Inuausʌñ amọ akedo udomo kubid duob#41:2 A-adooho ñkpọ nte ikpad 18 me ñkpọ nte mita 5.3 ke ubom, ndin mme ufañ ndibene ke edem ñkañ iba ekedoñño udomo kubid ition#41:2 A-adooho ñkpọ nte ikpad 8 3/4 me ñkpọ nte mita 2.7; se ñko ke Esi 41:9, 11 ye 12 ke ubom. Anye amaanyʌñ adomo ufọọdufọk; anye akedo udomo kubid aba ke unyọọñ ye udomo kubid edịb ke ukpa#41:2 A-adooho ñkpọ nte ikpad 70 ke unyọọñ ye ikpad 35 ke ukpa me ñkpọ nte mita 21 ke unyọọñ ye mita 11 ke ukpa.
3Ndin anye amaaboiyo adʌk ataa esịd adisana itie anyʌñ akedomo adaaha anyenusʌñ; ammọ keedekeed eketara kubid iba#41:3 A-adooho ñkpọ nte ikpad 3 1/2 me ñkpọ nte mita 1.1; se ñko ke Esi41:22 ke ubom. Inuausʌñ ado aketara kubid itiokeed, ñko ufañ ndibene amọ ke mbeñ keedekeed ekedo udomo kubid itiaba#41:3 A-adooho ñkpọ nte ikpad 12 me ñkpọ nte mita 3.7 ke ubom. 4Ñko anye amaadomo unyọọñ esịd adisana ubeed ado; anye akedo udomo kubid edịb to ke utịd ufọọdufọk. Ndin anye amambo miin, “Ami ado Nsana Ñkan Itie.”
5Ndin anye amaadomo ndibene tembịd; anye akedo udomo kubid itiokeed ke udob, ñko ndian-ndian ubeed keedekeed a-akebaaha akanna tembịd akedo udomo kubid inaañ#41:5 A-adooho ñkpọ nte ikpad 7 me ñkpọ nte mita 2.1 ke ubom. 6Mme ndian-ndian ubeed e-ekebaaha ke ñkañ ekedo ke ikpeghe ita, keed ke anyọñ mfen, edịb mme duob ke ikpeghe keedekeed. Mme mboi emaebañña ke mme ndibene tembịd nọ ato do emʌm mme ndian-ndian ubeed ñkañ ado ekama, nọ mme mboi ami ekuudʌk esịd ndibene tembịd. 7Mme ndian-ndian ubeed afịd ñkañ e-ekannake tembịd ekʌk emaetara ke ikpeghe keedekeed. Ekebọp mme ufọk e-edaaha ekanna tembịd nọ edọdọọk ke ndaha ke ndaha, nọ ato do mme ubeed etara naña awo adọọk akaa. Udodukod amaaba tọọñọ ke isọñ akesịm ubeed ufọọd tutu akewuọ ubeed anyọñ.
8Ami mmaakịt ke tembịd amanie esa a-akedịppeke ke afịd ñkanñkʌk amọ, a-akebaaha nte itiad idakisọñ anọ mme ubeed mben ado. Anye akedo nte anyan ukwak, anyọọñ udomo kubid itiokeed. 9Ndibene esiin ye mme ubeed e-ekebaaha ke mben ekedo udomo kubid ition ke udob. Ufañ a-akebaaha ke ufọọd ubeed mben tembịd 10ye ubeed mme aku akedo udomo kubid edịb ke ubom afịd se ikikanna tembịd ikʌk. 11Mme usʌñ emaeba se eto mme ufañ e-ekebaaha do esaña edʌk mme ndian-ndian ubeed, keed ke adoro, mfen ke usuuk; ñko itiad idakisọñ e-ekedaaha eduseere anwa akedo udomo kubid ition akanna afịd ubom.
12Ufọk a-akedaaha asak iso ase akwere tembịd ke edem usobutịn akedo udomo kubid ata mme duob#41:12 A-adooho ñkpọ nte ikpad 123 me ñkpọ nte mita 37 ke ubom. Ndibene ufọk ami akedo udomo kubid ition ke udob ke afịd ñkanna amọ, ñko unyọọñ amọ akedo udomo kubid anaañ mme duob#41:12 A-adooho ñkpọ nte ikpad 158 me ñkpọ nte mita 48.
13Ndin anye amaadomo tembịd; anye akedo udomo kubid ikie#41:13 A-adooho ñkpọ nte ikpad 175 me ñkpọ nte mita 53; se ñko ke Esi 41:14 ye 15 ke unyọọñ, ñko akwere tembịd ye mme ufọk mfen ye mme ndibene ammọ ekedo udomo kubid ikie ke unyọọñ. 14Ubom akwere tembịd ke edem usakkautịn, dian ye iso tembịd, akedo udomo kubid ikie.
15Ndin anye amaadomo unyọọñ ufọk a-akedaaha asakiso ase akwere ke edem tembịd, dian ye mme itie ubonoñkpọ ke mbeñ iba; anye akedo udomo kubid ikie.
Akpan ufọọd ufọk, esịd nsasana itie ye esa a-aseeghe esa abọọñ, 16ye mme nsañandʌk ye mme mfafaha ubenafịm ye itie ubonoñkpọ ke ñkanna ammọ naña ita, afịd ñkpọ tọọñọ ke isọñ ñko dian ye nsañandʌk ekefʌk ke eto. Emaenyʌñ efʌk isọñ, ndibene tutu asịm ubenafịm, ñko emaefʌk mme ubenafịm ado. 17Tọọñọ ke ufañ a-akebaaha ke anyọñ esiin ntondʌk esịd adisana itie ye ke mme ndibene ñkanñkʌk esịd adisana itie 18mme adisọi serubim ye eto ayob emaeba. Eto ayob keed akesịne ke ufọọd serubim. Serub keedekeed ekenie iso iba: 19iso awo akese eto ayob ke ubọk ñkañ keed, iso ekpe anyʌñ ase ubọk ñkañ uko. Emaesọi ammọ edọñ ekanna afịd tembịd. 20Tọọñọ ke isọñufọk tutu asịm ubeñ ñkpere ntondʌk, emaesọi serubim ye eto ayob ke ndibene akpan ufọọdufọk.
21Akpan ufọọdufọk akenie anyan mbañinaañ abaiudọk, ñko anye a-akebaaha ke iso Ñkoññkan Adisana Itie akedo ukem-ukem. 22Ndin amaaba akpokoro uwa e-ekenamma ke eto a-akedooho udomo kubid ita ke unyọọñ ye udomo kubid iba#41:22 A-adooho ñkpọ nte ikpad 5 1/4 me ñkpọ nte mita 1.5 ke naña mbañinaañ; ekenam mme mben amọ, idak amọ ye mme ñkañ amọ ke adukpọk. Awo ado amambo miin, “Ami ado akpokoro a-anaaha ke iso Abọọñ.” 23Akpan ufọọdufọk ye Nsana Ñkan Itie ekenieñe usʌñ iba-iba. 24Kwa usʌñ akenie itịm iba, itịm iba enyʌñ eyịre ke usʌñ keedekeed. 25Ndin ke mme udọk akpan ufọọdufọk emaesọi serubim ye eto ayob edian ukem nte mbon se ekedian ke mme ndibene, ndin ñko ntọntekke ñkpọ e-enamma ke adukpọk amaaba ke iso esa ado. 26Mme mfafaha ubenafịm emaebañña ke mme ndibene iso esa ado e-ekenieñeke usọsọi eto ayob ke ñkañ keedekeed. Mme ubeed edemesa tembịd emaenyʌñ enie ndoppo abọbọọk usʌñ.
Currently Selected:
Esikeel 41: ICB
Highlight
Copy
Compare
Share
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
