Hosie 11
11
Ima a-Abasi Anieghe Anọ Isrel
1“Idaha Isrel akedooho etəkayịn, ami mmaama anye,
ami mmaakoot ayịn mmi nsio ke Iyib.
2Ado naña ekekokoot ammọ,
kpa naña ammọ ekesịkke eñkpọñ miin.
Ammọ emaenam uwa enọ mme Baal,
emaenyʌñ efọp insensi enọ mme ubobodñkpọ.
3Ami ndo andikikpeep Ifrem isañ,
mmʌm ammọ ke ubọk mmi;
ado ammọ ikidiọọñọke
ke ami ndo andikikọk ammọ.
4Ami ñkedat ammọ usʌñ ye ima uduudawo,
ye ndukoppo ima.
Ami ñkeba nte andidịppe nsekayịn
ndian ke mbañ,
ami mmaanyʌñ nnʌhọ nnọ ammọ ndidia.
5“Nte ammọ idiitịmmeke inyọñ Iyib,
nte Asiria ñko idiikaarake ammọ,
sia ammọ esịn adikappa esịd?
6Eyaetop akañkañ esịn ke mme abio ammọ;
anye ayaasobo mme nsu-nsu prọfed ammọ,
anyʌñ atre mme uduak ammọ.
7Ikọd mmi ebiere adikanna edem iñkpọñ miin.
Akpesʌkado a-ammọ eñkoodo miin Ñkoñ Ñkan Abasi,
ami ndiikanna ndịppe ammọ ke anyọñ.
8“Ifrem, die ke ami ndiikan ndakka ukpọñ fiin?
Isrel, ami ndiinam die usaana fiin ñyaak nnọ?
Die ke ami ndiinam ye afo nte Adma?
Die ke ndiinam afo aba nte Seboyịm?
Ke idem mmi, esịd mmi akpəho;
afịd mbọm mmi adakka ada.
9Ami ndiinamma ñkpọ ke akpọsọñ iyadesịd,
ndiinyʌññọ nsobo Ifrem aba.
Sia ami ndo Abasi, ndooho awo,
Nsana Ñkan ke atu ndufo.
Ami ndiinamma mfịna ke mme abio ammọ.
10Ammọ eyaekeene Abọọñ;
anye ayaakuun nte ekpe.
Anye amaakuun,
nditọ amọ eyaeto edem usobutịn edi ye ñnyeñidem.
11Ammọ eyaeto Iyib edi,
enyeñ idem nte mme nsiak
eto Asiria edi, efuurọ nte ibiom.
Ami ñyaanam ammọ edʌñ ke mme ufọk ammọ,”
Abọọñ atañ.
Idiọọkñkpọ Isrel
12Ifrem aben nsu añkanna miin akʌk,
Isrel akama ñkara.
Yuda ñko anam ñkpọ ntịme-ntịme ye Abasi,
anam kpa ye Adisana#11:12 Ke mme ikpañwed Hibru ewet ufañ ami Hos 11:12 nte Hos 12:1. anam akpanikọ.
Currently Selected:
Hosie 11: ICB
Highlight
Share
Compare
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.