Gha ta Wəshi 36

Ɛzawə kanza te hɛɗia Ɛdom

1Wa nyi sləa hwelefefia Ɛzawə nya kaƐdom nyi. 2Pa Ɛzawə wəmeve ŋwalea kwɛa ka Kanan: yɛ Ada, wəzha ta Ɛlon nya kande Hɛt le Oholibama, wəzha ta Ana ba'a hwelefe ta Sibɛyon, nde Hava. 3Pa ŋkɛ zhɛne kawəmeve Basmat, wəzha ta Ismayɛl, wəzha ta meghekɛa Nebayot. 4Bawe Ada yake nda Ɛlifaz ke Ɛzawə. Pa Basmat yake nda Rɛwəyɛl. 5Ma Oholibama ne, yɛ Yɛyəwsh, Yalam le Kora yayake nda nde. Nyi ya kaŋwale nyi yake Ɛzawə te hɛɗia Kanan.

6Pa Ɛzawə fəte mia ŋkɛ, ŋwale tezhili ba'a ŋwalea kwɛa ŋkɛ, ka mene slene ta ŋkɛ pɛtɛ, wəshi keseɗa ta ŋkɛ nyi ɓɛhwɛ ɓɛhwɛ ba'a nyi jama jama. Pɛtɛ ŋkɛ fəte mcɛlə nyi kemave ŋkɛ te hɛɗia Kanan. Cape ŋkɛ kadzete kwete hɛɗi cakeɗake yitea wəza meghekɛ Zhakob. 7Kwele kwele wəshi va hɛ, vatse shɛma hɛ nza te ŋkwa nya kwetɛŋe. Keɓɛhwɛ hɛɗia shɛ kezha zeme nda gwəzə ke wəshi keseɗa ta nci. 8Tsagha se ŋkɛ nda nzanyɛ Ɛzawə nya heka mbeli kaƐdom hwa ghweme ta Sɛyir.

Hwelefefia Ɛzawə

9Wa nyi sləa hwelefefi nyi kesawa mbe Ɛzawə nya kashia ka Ɛdom nyi kese pelɛ ghweme ta Sɛyir nyi. 10Sləa ŋwalea Ɛzawə: Ɛlifaz nya kawəzege teza nya yake male ta ŋkɛ Ada, Rɛwəyɛl nya kawəzege teza nya yake male ta ŋkɛ Basmat.

11Ma ŋwale tezhili nyi yake Ɛlifaz ne, Tɛman, Omar, Sefo, Gatam ba'a Kenaz. 12Nahe kwete male meghwa nya nza slə kaTimna kese yitea Ɛlifaz, wəzege ta Ɛzawə perə. Nahe nde keyake nda kwete wəzege teza nya nza sləa ŋkɛ kaAmalɛk. Nyi ya kahwelefefia yɛ Ɛzawə le male ta ŋkɛ Ada.

13Ma ŋwale tezhili nyi yake Rɛwəyɛl ne, Nahat, Zɛra, Shama ba'a Miza. Nyi ya kahwelefefia yɛ Ɛzawə le male ta ŋkɛ Basmat. 14Ma Oholibama nya kawəzha ta Ana ba'a hwelefe ta Sibɛyon le ŋa nta ne, Yɛyəwsh, Yalam ba'a Kora yayake nda nde ke Ɛzawə.

15Wa nyi mbeli nyi te ghə mbe hwelefefia Ɛzawə nyi: hwa ŋwale tezhilia Ɛlifaz nya katezhɛa wəzege ta Ɛzawə ne, Tɛman, Omar, Sefo, Kenaz, 16Kora, Gatam ba'a Amalɛk. Ghenci ya kambeli nyi te ghə hwa ŋwalea yɛ Ɛlifaz le Ada te hɛɗia Ɛdom.

17Mbeli nyi te ghə hwa ŋwalea Rɛwəyɛl, wəzege ta yɛ Ɛzawə le Basmat te hɛɗia Ɛdom: Nahat, Zɛra, Shama ba'a Miza.

18Ma yɛ Yɛyəwsh, Yalam le Kora nyi kambeli nyi te ghə ne, ŋwale tezhilia yɛ Ɛzawə le male ta ŋkɛ Oholibama nya kawəzha ta Ana hɛ.

19Nyi ya kambeli nyi te ghəa ka Ɛdom nyi kahwelefe ta Ɛzawə.

20Wa nyi ŋwalea Sɛyir, nde Hor nyi keghate kanza te hɛɗia shɛ nyi: Lotan, Shobal, Sibɛyon, Ana, 21Dishon, Ɛsɛr ba'a Dishan. Ghenci ya kambeli nyi te ghəa ka Hor, ŋwale tezhilia Sɛyir te hɛɗia Ɛdom. 22Yɛ Hori le Hɛman ya kaŋwale tezhilia Lotan. Timna ya kawəzha ta meghekɛa Lotan. 23Wa nyi ŋwale tezhilia Shobal nyi: Alvan, Manahat, Ɛbal, Shefo ba'a Onam. 24Wa nyi ŋwale tezhilia Sibɛyon nyi: yɛ Aya le Ana. Ana shɛ nde ntsate ɗasle kwamte te ɓerama kwa nza ŋkɛ kaya kwara lɛməa yitenyɛ Sibɛyon. 25Wa nyi ŋwale Ana nyi: yɛ Dishon le Oholibama nya kawəzha makwa. 26Wa nyi ŋwale tezhilia Dishon nyi: yɛ Hɛmdan, Ɛsheban, Itran le Keran. 27Wa nyi ŋwale tezhilia Ɛsɛr nyi: yɛ Bilehan, Zavan le Akan. 28Wa nyi ŋwale tezhilia Dishan nyi: yɛ Əws le Aran.

29Wa nyi mbeli nyi te ghəa ka Hor nyi: Lotan, Shobal, Sibɛyon, Ana, 30Dishon, Ɛsɛr ba'a Dishan. Ghenci ya kambeli nyi te ghəa ka Hor kala yita ta nci te hɛɗia Sɛyir.

31Wa nyi kameghe kɛfi nyi kese nyi pelɛ pasla ta ka Ɛdom tewə meghe kenaka kadzehwa ka Israyɛl: 32Nahe Bɛla, wəzege ta Bɛyor kese kameghe mbe Ɛdom, Dinaba sləa meleme ta ŋkɛ. 33Ma kwa mtenyɛ ŋkɛ ne, Yobab, wəzege ta Zɛra nya kande Bosra nde kelete meghea ŋkɛ. 34Ma kwa mtenyɛ Yobab ne, Həwsham nya kande hɛɗia Tɛman nde kelete meghea ŋkɛ. 35Ma kwa mtenyɛ Həwsham ne, Hadad, wəzege ta Bɛdad nde kelete meghea ŋkɛ. Gheŋkɛ nde ɗate ka Madiyan te gamba ta ka Mowab. Avit sləa meleme ta ŋkɛ. 36Ma kwa mtenyɛ Hadad ne, Samla, nde meleme ta ka Masrɛka nde kelete meghea ŋkɛ. 37Ma kwa mtenyɛ Samla, Shawəl, nde Rehobot nya mɛa hələ nde kelete meghea ŋkɛ. 38Ma kwa mtenyɛ Shawəl, Ba'al-Hanan, wəzege ta Akbor nde kelete meghea ŋkɛ. 39Ma kwa mtenyɛ Ba'al-Hanan, wəzege ta Akbor ne, Hadar nde kelete meghea ŋkɛ. Paəw sləa meleme ta ŋkɛ. Mɛtabɛyɛl, wəzha ta Matrɛd ba'a hwelefe ta Mɛ-Zahab sləa male ta ŋkɛ.

40Wa nyi sləa mbeli te ghəa ka Ɛdom keyita keyita ba'a kemeleme kemeleme nyi: Timna, Alva, Yɛtɛt, 41Oholibama, Ɛla, Pinon, 42Kenaz, Tɛman, Mibsar, 43Magdiyɛl ba'a Iram. Nyi ya kambeli nyi te ghəa ka Ɛdom keŋkwa keŋkwa te hɛɗia nci.

Ɛzawə ya kashia ka Ɛdom.

Currently Selected:

Gha ta Wəshi 36: BEKDC12

Highlight

Copy