Génesis 43
43
Egiptuman Benjamínta pushashqan
1Intëru Canaánchömi pasaypa muchuy karqan. 2Tsaymi Egiptupita apamushqan trïgu ushakäkuptin tsurinkunata Jacob kayno nirqan: <<Yapay kutipäkuy walkalatapis trïguta rantimunaykipaq>>.
3Tsaymi Judá kayno nirqan: <<Egiptucho trïguta rantikuq runaqa kaynömi nipäkamashqa: <Shulka wawqikita mana pushamurqa ama yuripämankitsu>. 4Wawqï Benjamín noqakunawan aywaptinqa trïgu rantiq aywapäkushaqmi. 5Mana kachapämaptikiqa manakaqlapaqmi aywapäkushaq, papä. Näqa nishqänöpis tsay mandaq runaqa kayno nipäkamashqa: <Shulka wawqikita mana pushamurqa nawpämanpis ama yuripämankitsu> >>.
6Tsawraqa Israel#43.6 Israelqa Jacobpa jukaq jutinmi karqan. kayno nirqan: <<Pasaypa lakikuyman churamashpayki ¿imapaqtaq tsay runata shulka wawqiki kashqanta wilaparqayki?>>
7Niptin paykuna kayno nirqan: <<Tsay runaqa mayqan aylu kashqantsitapis musyayta munarmi tapupäkamashqa kayno nir: <¿Papäniki kawaykanraqku? ¿Maspis wawqiki kanraqku?> Tsayno tapumaptinmi rasun kaqta wilapäkushqä. ¿Imanöpataq musyapäküman karqan <wawqikita pushamuy> nipäkamänanpaq kashqanta?>>
8Tsaymi papäninta Judá kayno nirqan: <<Yarqaypita mana wanunantsipaq Benjamín noqakunawan aywatsun, papä. Noqa payta manami kachashaqtsu. Aywananpaq awniptikiqa juklami aywapäkushaq. Tsaynöpami noqantsipis ni wamrantsikunapis yarqaypita mana wanushuntsu. 9Wamraykita imapis pasaptinqa noqami jutsayuq kashaqpaq. Payta mana kutitsimuptïqa ama perdonamankitsu wanunäyaqpis. 10Egiptupita chaykamular wilaykaptï wamraykita pushanäpaq awniptikiqa maynami ishkay kutipis aywapäküman karqan>>.
11Tsayno niptinmi papänin kayno nirqan: <<Tsayno kaptinqa ¿imatanataq rurashunpis, hïju? Egiptucho mandaqta qaranaykipaq#43.11 Wakin runakunaqa regalanaykipaq nipäkun. alinnin kaqkunata walka walkalatapis apapäkuy: balsamuta, abëjapa mishkinta, perfümita, mïrrata, nueciskunata y almendraskunatapis. 12Qellaytapis puntata kutitsimushushqaykita yapay apapäkuy. Kutitsimushushqayki qellaytaqa chayaykular kikinta entreganki. Capazchari pantaypapis costalnikikunaman winaparkamushushqanki. 13Shulka wawqikita pushakurkur jukla aywapäkuy tsay mandaq runa kaqman. 14Dios El-Shaddai#43.14 El-Shaddai ninanqa lapanpaq munayniyuq Dios ninanmi. tsay mandaq runapa shonqunman kuyapäkuyta churaykutsun Simeónta y Benjamínta kachapämushunaykipaq. Lapan tsurïkunata oqranäpaq kaptinqa jina imanäshaqtaq>>.
15Jacob tsayno niptinmi mandaq runata qarananpaq kaqkunata kamarikurqan. Nirkurmi qellaytapis aparkur y wawqin Benjamíntapis pushakurkur Egiptuman aywapäkurqan. Chayaykurnami Josépa despächunman yaykapäkurqan. 16Paykunata y Benjamínta rikaykurmi wayincho mayor ashmayninta José kayno nirqan: <<Kay runakunata wayïman pushay. Nirkur wäkata pishtarkur mikuyta yanukamuy. Paykunawanmi kanan junaq mikupäkushaq>>.
17Tsayno niptinmi ashmayninqa Josépa wayinman pusharqan. 18Tsayman pushaptinmi fiyupa mantsakushpan kikinpura kayno ninakurqan: <<Niq tumpalami pushaykämantsi punta shamuptintsi qellaynintsita kutitsimashqantsipita. Kananqa maqa maqarkurchari ashmayninpaq uywantinta tsararämäshun>>.
Josépa wayincho wawqinkuna mikushqan
19Tsayno nirmi Josépa wayinman chayaykur ashmayninta ruwakurqan kayno nir: 20<<Tayta, musyashqaykinöpis nawpatami trïgu rantiq shapäkamurqä. 21Kaypita kutirnami patsakushqächo cargäkunata paskapakur costalnïkunapa shimincho pägashqä qellayta taripäkushqä. Trïgupita pägapäkushqä qellay lapanmi kaykänaq. Tsay qellayta kutitsimushqämi entregaykunäpaq. 22Tsay jananmanmi qellayta apamushqä trïguta yapay rantipäkunäpaq. Itsanqa manami musyapäkütsu punta kaq qellayta costalnïkunaman pï winarpushqantapis>>.
23Tsayno nipäkuptinmi ashmayqa kayno nirqan: <<Tsaypita ama lakikäriytsu ni mantsakäriytsu. Taytayki yärakushqan y qamkuna yärakushqayki Diosmi tsay qellaytaqa costalnikiman churashqa kanqa. Qamkuna pägashqaykitaqa lapantami chaskirqä>>.
Nirkurnami Simeóntapis carcilpita jorqarkamur tsay ashmayqa pusharqan wawqinkuna kaykashqan kaqman. 24Josépa wayinman pushaykurnami yakuta apapämurqan chakinkunata maylakärinanpaq. Nirkurnami bürrunkunatapis qewata qarapakurqan. 25Tsaypitanami Josépa wawqinkuna mayarqan paykunawan José merendananpaq kashqanta. Tsaymi apapäkushqan regälukunata kamarikushqala shuyarpaykarqan.
26Wayinman chayaykuptinnami apashqan regälukunata Joséta entregarqan. Nirkurmi nawpanman qonqurpakärirqan urkunpis pampaman töpashqanyaq. 27Tsawraqa imano kaykashqantapis tapurmi José kayno nirqan: <<Nawpata shamur wilamarqayki papäniki awkinna kashqanta. ¿Imanötaq payqa kaykan? ¿Kawaykanraqku?>>
28Tsayno tapuptinmi lapan qonqurpakuykur kayno nirqan: <<Aw tayta, papänï kawaykanraqmi. Tsaynöpis alilami kaykälan>>.
29Paykunata rikapaykashqanchömi Joséqa rikärirqan wawqin Benjamínta. Benjamínwan Joséqa tsay mamalapitami karqan. Wawqinkunatami kayno nir tapurqan: <<¿Payku kaykan <shulka wawqï kanmi> nipäkamashqayki?>>
Tsayno tapurkurmi Benjamínta José kayno nirqan: <<¡Tayta Dios yanapaykuläshunki, hïju!>>
30Wawqinta rikaykur Josépa shonqun pasaypa lakikurqan. Tsaymi cuartunman jukla aywaykur waqarqan. 31Waqarkurnami qaqlanta maylakurir yarqamurqan. Nirkurnami ashmayninkunata kayno nirqan: <<Mikuyta qarapäkamayna>>.
32Tsaymi juk mësaman Joséta qararqan. Jukaq mësamannami wawqinkunata qararqan. Juk mësamannami tsaycho mikuq Egipto runakunata qararqan. Paykunata tsayno qararqan Egipto runakuna hebreo runakunawan juntu mikur penqakuptinmi. 33Mikunanpaqmi wawqinkunata José jamatsirqan mayorpita qalaykur hasta shulkayaq. Tsayno jamatsiptinmi paykunaqa jukninpis jukninpis mantsakashqa rikapänakur yarpachakuytapis mana atiparqantsu. 34Joséqa kikinpaq qarashqan mikuytapis wawqinkunatami yapaparqan. Wakin kaq wawqinkunata qarashqanpita mastami Benjamínta qararqan. Tsay junaqqa kushishqami lapan wawqinkunawan José mikurqan y upurqan.
Currently Selected:
Génesis 43: qvmB
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Génesis 43
43
Egiptuman Benjamínta pushashqan
1Intëru Canaánchömi pasaypa muchuy karqan. 2Tsaymi Egiptupita apamushqan trïgu ushakäkuptin tsurinkunata Jacob kayno nirqan: <<Yapay kutipäkuy walkalatapis trïguta rantimunaykipaq>>.
3Tsaymi Judá kayno nirqan: <<Egiptucho trïguta rantikuq runaqa kaynömi nipäkamashqa: <Shulka wawqikita mana pushamurqa ama yuripämankitsu>. 4Wawqï Benjamín noqakunawan aywaptinqa trïgu rantiq aywapäkushaqmi. 5Mana kachapämaptikiqa manakaqlapaqmi aywapäkushaq, papä. Näqa nishqänöpis tsay mandaq runaqa kayno nipäkamashqa: <Shulka wawqikita mana pushamurqa nawpämanpis ama yuripämankitsu> >>.
6Tsawraqa Israel#43.6 Israelqa Jacobpa jukaq jutinmi karqan. kayno nirqan: <<Pasaypa lakikuyman churamashpayki ¿imapaqtaq tsay runata shulka wawqiki kashqanta wilaparqayki?>>
7Niptin paykuna kayno nirqan: <<Tsay runaqa mayqan aylu kashqantsitapis musyayta munarmi tapupäkamashqa kayno nir: <¿Papäniki kawaykanraqku? ¿Maspis wawqiki kanraqku?> Tsayno tapumaptinmi rasun kaqta wilapäkushqä. ¿Imanöpataq musyapäküman karqan <wawqikita pushamuy> nipäkamänanpaq kashqanta?>>
8Tsaymi papäninta Judá kayno nirqan: <<Yarqaypita mana wanunantsipaq Benjamín noqakunawan aywatsun, papä. Noqa payta manami kachashaqtsu. Aywananpaq awniptikiqa juklami aywapäkushaq. Tsaynöpami noqantsipis ni wamrantsikunapis yarqaypita mana wanushuntsu. 9Wamraykita imapis pasaptinqa noqami jutsayuq kashaqpaq. Payta mana kutitsimuptïqa ama perdonamankitsu wanunäyaqpis. 10Egiptupita chaykamular wilaykaptï wamraykita pushanäpaq awniptikiqa maynami ishkay kutipis aywapäküman karqan>>.
11Tsayno niptinmi papänin kayno nirqan: <<Tsayno kaptinqa ¿imatanataq rurashunpis, hïju? Egiptucho mandaqta qaranaykipaq#43.11 Wakin runakunaqa regalanaykipaq nipäkun. alinnin kaqkunata walka walkalatapis apapäkuy: balsamuta, abëjapa mishkinta, perfümita, mïrrata, nueciskunata y almendraskunatapis. 12Qellaytapis puntata kutitsimushushqaykita yapay apapäkuy. Kutitsimushushqayki qellaytaqa chayaykular kikinta entreganki. Capazchari pantaypapis costalnikikunaman winaparkamushushqanki. 13Shulka wawqikita pushakurkur jukla aywapäkuy tsay mandaq runa kaqman. 14Dios El-Shaddai#43.14 El-Shaddai ninanqa lapanpaq munayniyuq Dios ninanmi. tsay mandaq runapa shonqunman kuyapäkuyta churaykutsun Simeónta y Benjamínta kachapämushunaykipaq. Lapan tsurïkunata oqranäpaq kaptinqa jina imanäshaqtaq>>.
15Jacob tsayno niptinmi mandaq runata qarananpaq kaqkunata kamarikurqan. Nirkurmi qellaytapis aparkur y wawqin Benjamíntapis pushakurkur Egiptuman aywapäkurqan. Chayaykurnami Josépa despächunman yaykapäkurqan. 16Paykunata y Benjamínta rikaykurmi wayincho mayor ashmayninta José kayno nirqan: <<Kay runakunata wayïman pushay. Nirkur wäkata pishtarkur mikuyta yanukamuy. Paykunawanmi kanan junaq mikupäkushaq>>.
17Tsayno niptinmi ashmayninqa Josépa wayinman pusharqan. 18Tsayman pushaptinmi fiyupa mantsakushpan kikinpura kayno ninakurqan: <<Niq tumpalami pushaykämantsi punta shamuptintsi qellaynintsita kutitsimashqantsipita. Kananqa maqa maqarkurchari ashmayninpaq uywantinta tsararämäshun>>.
Josépa wayincho wawqinkuna mikushqan
19Tsayno nirmi Josépa wayinman chayaykur ashmayninta ruwakurqan kayno nir: 20<<Tayta, musyashqaykinöpis nawpatami trïgu rantiq shapäkamurqä. 21Kaypita kutirnami patsakushqächo cargäkunata paskapakur costalnïkunapa shimincho pägashqä qellayta taripäkushqä. Trïgupita pägapäkushqä qellay lapanmi kaykänaq. Tsay qellayta kutitsimushqämi entregaykunäpaq. 22Tsay jananmanmi qellayta apamushqä trïguta yapay rantipäkunäpaq. Itsanqa manami musyapäkütsu punta kaq qellayta costalnïkunaman pï winarpushqantapis>>.
23Tsayno nipäkuptinmi ashmayqa kayno nirqan: <<Tsaypita ama lakikäriytsu ni mantsakäriytsu. Taytayki yärakushqan y qamkuna yärakushqayki Diosmi tsay qellaytaqa costalnikiman churashqa kanqa. Qamkuna pägashqaykitaqa lapantami chaskirqä>>.
Nirkurnami Simeóntapis carcilpita jorqarkamur tsay ashmayqa pusharqan wawqinkuna kaykashqan kaqman. 24Josépa wayinman pushaykurnami yakuta apapämurqan chakinkunata maylakärinanpaq. Nirkurnami bürrunkunatapis qewata qarapakurqan. 25Tsaypitanami Josépa wawqinkuna mayarqan paykunawan José merendananpaq kashqanta. Tsaymi apapäkushqan regälukunata kamarikushqala shuyarpaykarqan.
26Wayinman chayaykuptinnami apashqan regälukunata Joséta entregarqan. Nirkurmi nawpanman qonqurpakärirqan urkunpis pampaman töpashqanyaq. 27Tsawraqa imano kaykashqantapis tapurmi José kayno nirqan: <<Nawpata shamur wilamarqayki papäniki awkinna kashqanta. ¿Imanötaq payqa kaykan? ¿Kawaykanraqku?>>
28Tsayno tapuptinmi lapan qonqurpakuykur kayno nirqan: <<Aw tayta, papänï kawaykanraqmi. Tsaynöpis alilami kaykälan>>.
29Paykunata rikapaykashqanchömi Joséqa rikärirqan wawqin Benjamínta. Benjamínwan Joséqa tsay mamalapitami karqan. Wawqinkunatami kayno nir tapurqan: <<¿Payku kaykan <shulka wawqï kanmi> nipäkamashqayki?>>
Tsayno tapurkurmi Benjamínta José kayno nirqan: <<¡Tayta Dios yanapaykuläshunki, hïju!>>
30Wawqinta rikaykur Josépa shonqun pasaypa lakikurqan. Tsaymi cuartunman jukla aywaykur waqarqan. 31Waqarkurnami qaqlanta maylakurir yarqamurqan. Nirkurnami ashmayninkunata kayno nirqan: <<Mikuyta qarapäkamayna>>.
32Tsaymi juk mësaman Joséta qararqan. Jukaq mësamannami wawqinkunata qararqan. Juk mësamannami tsaycho mikuq Egipto runakunata qararqan. Paykunata tsayno qararqan Egipto runakuna hebreo runakunawan juntu mikur penqakuptinmi. 33Mikunanpaqmi wawqinkunata José jamatsirqan mayorpita qalaykur hasta shulkayaq. Tsayno jamatsiptinmi paykunaqa jukninpis jukninpis mantsakashqa rikapänakur yarpachakuytapis mana atiparqantsu. 34Joséqa kikinpaq qarashqan mikuytapis wawqinkunatami yapaparqan. Wakin kaq wawqinkunata qarashqanpita mastami Benjamínta qararqan. Tsay junaqqa kushishqami lapan wawqinkunawan José mikurqan y upurqan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.