Konesi 2
2
Po na Mulökötyo Loke
1 #
Lew 23.15-21; Nyö 16.9-11 A nagon lor lo Pentekosta#2.1 Pentekostako kutuk na Giriki nyonyoko adi perok merya mukanat i ukok na Pasaka logon Yudayaki gwon ko rorwe lo ’butun aje ’durökin nu, a ryeni lepeŋat liŋ aje momora i pirit na geleŋ. 2’De ’de a woŋon na wuŋu ki yu gwoso wuggo na kobuŋot duma, a iŋge mulu kadi nagon se si ’da kata na. 3A ŋo gwoso ŋedepa ti kimaŋ puköki ko lepeŋat, areki kase kiden, a si ’dani kase loki geleŋ geleŋ. 4A lepeŋat liŋ iŋge jore ko Mulökötyo Loke, a suluje jambu ko kunie kutusen, gwoso na tikiŋdye Mulökötyo se riŋit jamet na.
5Nyena kulye Yudayaki logon a katwöyök ti Ŋun kata Yerusalema. Lepeŋat po i juron liŋ ti kak. 6A na yiŋge se ŋina woŋon nu, a yodom na ŋutu momoruŋdye i pirit na geleŋ, a se dwadwa ’yi dwadwa ’yu kogwon se liŋ geleŋ geleŋ a yiŋ kilo ŋutu i jambu na kutusen kase. 7a se iŋge söŋu bia parik, a pije ’borik adi, Kilo ŋutu lo jajambu kilo se liŋ ’bayin a ti Galilaya le? 8Ada lolor nagon yi liŋ geleŋ geleŋ yiyiŋ lepeŋat i jambu na kutusen kao nagon yi a yuŋwe ’i kune? 9Yi a ŋutu ti Partia, ko ti Madai, ko ti Elam, ko ŋutu lo gwolor Mesopotamia, ko ŋutu ti Yudaya, ko ti Kapodokia, ko ti Ponto, ko ti Asia, 10ko ti Purugia, ko ti Pampulia, ko ti Ejipeto, ko ti turön ti Kurene na gwon Libya kulu, ko a komu lo po Roma, logon a Yudayaki ko a ŋutu logon a Iöpuggo ’börik a Yudayaki kulo, 11köti yi a ŋutu lo po Kurete se ko a ŋutu ti Arabi. Yi liŋ a yiŋ lepeŋat i jambu i kutusen kaŋ ŋo temejik nagon Ŋun a kon kune. 12a lepeŋat liŋ iŋge söŋu, a dyadya ’yi dyadya ’yu, a topiŋine ko ’börik adi, Kine kulya kweja nyo?
13Ama kulye ’dö ’döju kulya adi, Kilo ŋutu a memeri ko yawa.
Tokuet na Petero
14A kirut Petero se ko kulye luyökie puök wot geleŋ kulo ŋine ki, a lepeŋ ’bi ’yi gworo lonyit ki, a takiŋdye lepepat adi, Ta ŋutu ti Yudaya se ko ta liŋ lo si ’da Yerusalema kilo, dene ta den kine kulya ko yiŋe ta yiŋ ’bura ŋo na jam nan kine. 15Kilo ŋutu a ko memeri gwoso na yeyeji ta ŋina, kogwon nyuŋ a saa buŋwan na ko ’bure;
16ama kölumbö kine a kulya na jam nebi Yoele köŋ kunu adi,
17 #
Yoe 2.28-32
Ŋun lo kulya adi, Kine kulya mo gwon sona i perok ti ’dutet,
adi nan Ŋun mo ’bukökiŋdyö Mulökötyo lio i ŋutu liŋ,
a ŋwajik kasu lulyan ko nawate mo keŋ keju,
a ŋutu kasu teton mo meddi kulya kase i töilyet,
a ŋutu kasu muduŋin mo rudweni rudwe;
18iŋkoi, i kilu perok nan mo ’bukökiŋdyö Mulökötyo lio ma ’di i ’dupi kwe lyan se ko nawate;
a lepeŋat mo keŋ keju.
19A nan mo kweji ŋo sörösi ki yu ko kweyesi i kak ni,
kweja adi rima ko kimaŋ se ko luru lo köpuröt.
20A kolor mo Iöpuŋge a mudwe, a yapa mo worani a rima i ŋerot na poŋdi lor lio lo MATAT nu, ŋilu lor a duma ko a bulet.
21A mo gwe sona adi, ŋutu liŋ lo luŋgu karin kwe ti MATAT kilo mo lwölwökö.
22Ta ŋutu ti Yisaraele, yiŋge ta kulo kulyaesi, adi Yesu lo Najareta a ŋuto logon Ŋun a ruk kasu i komor lo, a iŋge tiŋdu lepeŋ i koŋdya na ŋo temejik, ko sörösi, se ko kweyesi kasu kiden. Ta ko ’börik kasu a den kine kulya. 23#Mat 27.35; Mar 15.24; Luk 23.33; Yoa 19.18Ŋun a tetendya ko a den a kokwe na kine ŋo adi ŋilo Yesu wuwuki kasu i konisi, a ta tindi lepeŋ i konisi ti ŋutu logon ti two saresi kanyit kilo i ’bikikindyo na lepeŋ i kodini na goro anyen twatwan. 24#Mat 28.5, 6; Mar 16.6; Luk 24.5Ama Ŋun a toŋiju lepeŋ i twan; nye aje lakuŋ lepeŋ i tömiesi ti twan, kogwon twan ködyo ti bulo reregga lepeŋ.
25 #
Sau 16.8-11
Kogwon Dawidi köju a jambu i kulya kanyit adi,
Nan a met Matat ŋupi köyö i komor, kogwon nye gwon köyö könin lo lutatenanyen nan gwon ti bulo wiwiŋö.
26Nyenagon a töili lio gwe ko lyöŋön, a ŋedep lio jambi ko nyola;a mugun nio mönundye ko yenet.
27Kogwon do mo ti kölökin ködudwö nio kak yu i pirit na mulökö, a mo tine kölökin nan katwöyönit ilot i ’burön.
28Do a kwekindya nan kikolin lo tu i ru, a do mo töjoreji nan ko lyöŋön na gwondi nan konut i komor nu.
29Lupasirik, ti nan jamaki ta köke i kulya ti merenye likaŋ Dawidi; adi lepeŋ köju a twan ko a nuka. Gulöm nanyit nyuŋ kata kayaŋ tojo ko lo lor. 30#Sau 132.11; 2 Sam 7.12, 13Lepeŋ köju a nebi, a nye iŋge den adi ŋun a milyekin lepeŋ adi nye Ŋun mo titikin lele lo nyakwariat ti Dawidi i si ’daet nanyit na tumatyan, 31a Dawidi iŋge met a kokwe a jambi kulya ti boŋon na Masia i twan, adi lepeŋ a ko koloki kak yu i pirit na muloko, koti opu nanyit a ko ’burön. 32ŋun aje toŋi ŋilo Yesu i twan, a yi lio aje met kine kulya. 33Lepeŋ aje bulaki ki i könin lutaten lo Dun, a iŋge wuju Mulokotyo Loke ko lepeŋ, gwoso nagon nye Monye a milyekin tindu lepeŋ na. Nyenagon ŋo liŋ nagon ta a met ko a yio kine lepeŋ lo ’bukökindyo ta. 34#Sau 110.1Kogwon Dawidi a ko tu ki yu, ama lepeŋ ko mugun nanyit a kulya adi,
Matat Ŋun a kulya ko Matat lio adi, Si ’dakine koyo i könin lutaten,
35tojo ko nan a tin do i ryokakindya na merok kulok kak.
36Nyenagon ti ŋutu lio ti kotumit na Yisaraele dene den ’bura adi, ŋilo Yesu logon ta a ’bikikin i kodini na görö lo ŋun aje kon lepeŋ a Matat ko a Masia.
37A na yiŋge se kine kulya nu, a töilyet kase iŋge lwö ’yu, a se pije Petero se ko kulye luyökie kulo adi, Luoasirik, a yi de kondi nyo? 38a Petero takindye lepepat adi, Ta ŋutu liŋ geleŋ geleŋ, lopuŋge ta töilyet ko batisani ta batisa i karin ti Yesu Kristo, anyen ta pipitoki i toronjin kasu, a ta mo wuji Mulbkbtyo Loke a ’doket. 39Kogwon ta ko ŋwajik kasu se ko ŋutu lio lo gwon pajo, iŋkoi, ŋutu lio logon Matat Ŋun likaŋ luluŋ kilo a rukoki tiki ŋina ’doket.
40A lepeŋ iŋgo tokurukindyo lepepat ko kulye kulyaesi jore, a jujuje se adi, lwök ta ’borik i ŋutu ti na toberon nakwolor na. 41a ŋutu lo wuju kulyaet lonyit kulo iŋge batisa, kweja adi ŋutu gwoso alipan musala logon a ’yalaki i teŋ na kayupok i ŋilu lor.
Gwiliŋit lo tep na kayupok
42A se yepe pakindya ’börik i yiŋga na luyökie i todindyo, ko i tojulin ko ’bbrik, ko i pipinya na ambata#2.42pipinya na ambatakweja adi lepeŋat miraindya ŋo na kon Yesu i suluki na Momoret Nake i diŋit na parji se kinyo i pirit na geleŋ nu i pirit na geleŋ ko i kwakwaddu. 43a Ŋun tindi luyökie i kondya na po sorosi ko kweyesi jore nagon tindu ŋutu liŋ i kujono. 44#Kon 4.32-35a kayupok liŋ yepe gwon i pirit na geleŋ, a paŋi po kase liŋ; 45a lepeŋat tugwoŋi toro ’bo se ko tito kase, a kökorakindye i ŋutu liŋ gwoso i ’deket na ŋuto.
46a se yepe woro i Kadi na Ŋun i pirit na geleŋ perok liŋ, a pipindye ambata kase i midijik a nyesi kinyo ko lyoŋon ko töili geleŋ,
47a pupurje Ŋun, a ŋutu lip kulyani adi kilo ŋutu a lo ’but. Temba i lor a Matat ’yalakindye i lepeŋat ŋutu logon Iwolwoko kulo.
Currently Selected:
Konesi 2: BBE
Highlight
Share
Copy
Want to have your highlights saved across all your devices? Sign up or sign in
Bari Bible © United Bible Societies, 1979.
