Suluet 11

Bilili lo ’dukö Babela

1Köju ’beron Ŋutu ti kak ’bukuluŋ jambu kutuk geleŋ ko kulyaesi lo geleŋ. 2A gwe sona, na jölöri se i ’yure nu, a se ryeji nene pirit nagon a ’dar i jur lo Sinar; a se gwolore nyu. 3A se tokulyaki ko ’borik adi, Po ta, ti yi gweji ta tupön, ko ti yi nambi ta se a nago. A se kitani ko tupön kogwon ŋurupö ’bayin, a se gweji kine tupön ko meme. 4A se tokulyaki adi, Po ta, ti yi ’dukökiŋdye ta ’börik köji, Köti ko bilili logon kwe nanyit yeŋga i ’diko, Ti yi tiŋdi ta karin kaŋ i kuörö kaŋo, an yi rekin i kak ’bukuluŋ.

5A MATAT poŋdi kak i meddya na köji se ko bilili logon Ŋutu ti kak a ’duk lo. 6A MATAT kulyani adi, Mete, kilo Ŋutu a gweyari lo geleŋ, Köti se liŋ jambu kutuk na geleŋ; na a suluet na konesi kase; nyena soŋinana ŋo nagon se a yeye koŋdya na ti bulö göki se kwoŋ. 7Po ta, ti yi iti ta kak i dyadyaŋgu na kutuk nase nyu, an se töyiŋakin ko ’borik kutusen kase. 8Nyena i ŋinu pirit a MATAT toreaddi se kaŋo i kak ’bukuluŋ, a se kölökiŋdye ’duggo na köji. 9Nyenagon a karin kanyit gwiyöni a Babela;#11.9 Babela Karin ti Babela yiyiŋa gwoso adi Dyadyaŋgu kogwon nyu MATAT a dyadyaŋgu kutuk na Ŋutu ti kak; nyu a MATAT toreaddi se kaŋo i kak ’bukuluŋ.

Nyakwariat ti Seme

(Koti 1 Dekat 1.24-27)

10Kilo a nyakwariat ti Seme. A nagon Seme gwe ko kiŋajin mia geleŋ nu, a nyeyopuŋdye Arepakesada i mukök na kiŋajin murek ti bar. 11A i mukök na yupundye Seme Arepakesada nu, a nye iŋge si ’da ko kulye kiŋajin miajin mukanat, a nyeyopuŋdye kulye ŋwajik lyan ko nawate.

12A nagon Arepakesada aje gwolor ko kiŋajin merya musala wot mukanat nu, a nye yuŋuŋdye Sela; 13a i mukök na yuŋuŋdye Arepakesada Sela nu, a nye iŋge si ’da ko kulye kiŋajin miajin Iŋwan ko musala, a nyeyopuŋdye kulye ŋwajik lyan ko nawate.

14A nagon Sela aje gwolor ko kiŋajin merya musala nu, a nye yuŋuŋdye Eber; 15a i mukök na yuŋuŋdye Sela Eber nu, a nye iŋge si ’da ko kulye kiŋajin miajin Iŋwan ko musala, a nye yuŋuŋdye kulye ŋwajik lyan ko nawate.

16A nagon Eber aje gwolor ko kiŋajin merya musala wot Iŋwan nu, a nye yuŋuŋdye Pelege; 17A i mukök na yuŋuŋdye Eber Pelege nu, a nye iŋge si ’da ko kulye kiŋajin miajin Iŋwan ko merya musala, a nye yuŋuŋdye kulye ŋwajik lyan ko nawate.

18A nagon Pelege aje gwolor ko kiŋajin merya musala nu, a nye yuŋuŋdye Reu; 19a i mukök na yuŋuŋdye Pelege Reu nu, a nye iŋge si ’da ko kulye kiŋajin miajin murek ko buŋwan, a nye yuŋuŋdye kulye ŋwajik lyan ko nawate.

20A nagon Reu aje gwolor ko kiŋajin merya musala wot murek nu, a nye yuŋuŋdye Seruga; 21a i mukök na yuŋuŋdye Reu Seruga nu, a nye iŋge si ’da ko kulye kiŋajin miajin murek ko buryo, a nye yuŋuŋdye kulye ŋwajik lyan ko nawate.

22A nagon Seruga aje gwolor ko kiŋajin merya musala nu, a nye yuŋuŋdye Nakor; 23a i mukök na yuŋuŋdye Seruga Nakor nu, a nye iŋge si ’da ko kulye kiŋajin miajin murek, a nye yuŋuŋdye kulye ŋwajik lyan ko nawate.

24A nagon Nakor aje gwolor ko kiŋajin merya murek wot buŋwan nu, a nye yuŋuŋdye Terak;

25a i mukök na yuŋuŋdye Nakor Terak nu, a nye iŋge si ’da ko kulye kiŋajin mia geleŋ ko puök wot buŋwan, a nye yuŋuŋdye kulye ŋwajik lyan ko nawate.

26A nagon Terak aje gwolor ko kiŋajin merya buryo nu, a nye yuŋuŋdye Abarama, ko Nakor, se ko Aran.

Nyakwariat ti Terak

27Kulo a nyakwariat ti Terak. Terak a yupuŋdyö Abarama, ko Nakor, se ko Aran; a Aran yuŋuŋdye Loto.

28A Aran twane twan ko monye lonyit i komor logon a Terak i jur lo yuŋwe ’i lepeŋ lu, i Ur na Ŋutu ti Kaledea. 29A Abarama se ko Nakor yembi wate kase; karin ti nakwan na Abarama a Sarai, a karin ti nakwan na Nakor gwe a Mileka, ŋuro na Aran monye lo Mileka ko Iseka. 30a Sarai gwe a ’baŋ; lepeŋ ’bak ŋuro.

31A Terak ’dumuŋdye ŋuro lonyit Abarama, ko nyakwari lonyit Loto logon a ŋuro lo Aran, ko Sarai nagon a nakwan na ŋuro lonyit Abarama. A se Yuörö kaŋo i pirit na geleŋ i Ur na Ŋutu ti Kaledea, a iti i jur lo Kanana; ama a se ko ’dure Karan, a se si ’dani nyu. 32Nyena a Terak iŋge gwolor ko kiŋajin miajin murek ko mukanat; a kirut a nye twaki Karan nyu.

Currently Selected:

Suluet 11: BBE

Highlight

Copy