Luka 13
13
Mufipele
1Nga lili kwene yalipo antu yamwi, yano yannandile imbalu sha aGalilea, yano Pilato wumunkinye uwasi wao ni vipelo fyao. 2Ayanena, ati: “Chene! mulwelengula fino aGalilea yao yali na maifyo ukuluta a mu Galilea yoshi, ichaleka yasanwa ni ifintu fiyo? 3Ndumunena: Awe! Leelo ngi mutafipesile, nemwe mwensi mulufwa fiyo kwene. 4Nanti ayaya ikumi na nnane, yano chipanda chatamile uku Siloamu, yafwa, mulwelengula fino ayano yali ayononi ukuluta antu yoshi yano yatesi um-Yelusalemu? 5Ndumunena- Awe! Chisi fiyo! Leelo ngi mutafipeshile, nemwe mwensi mulufwa fiyo kwene.”
Unnumbe wa nsamfu utasêkile
6Ayanena unnumbe u, ati: “Untu umwi wali nunku upesilwa un-chalo chakwe cha mizabibu, aya ukuyusita amaku kweneko, leelo atayasana. 7Wanena kalima wa chalo cha mizabibu, waati: ‘Lola, imyaka itatu i indwiza ukwisusita amaku umu nku u ntasana chimwi. Uukome, uku chani ulonona ichalo?’ 8Leelo wene annena, ati: ‘Mwene, ute na mwaka u mbusakwilile, mbutelele chitindi 9Ndi wacha wasêka amaku, angi chashipa, angi utasêkile, apano uukome.’ ”
Yesu wapozya umwanachi umwi uwanda wa Sabato
10Uwanda wa Sabato wali un-ng'anda imwi iyi Leesa angi alusambilisa. 11Nga lolini, kwali umwanachi umwi wino wali ni chiwa waomboka imyaka ikumi na nnane, nawe watundumala, atangi aolola nanti uche. 12Yesu pano wannola wamwita, wannena, waati: “Mama, wasapulwa imbombo yako.” 13Amwikila makasa, nawe aololoka liyo kwene, atensya Leesa. 14Leelo uwikolo wa ng'anda yi Leesa alakalika, kuno Yesu wapozya untu wiyo uwanda wa Sabato, afwanga anena iumba, ati: “Kuli amanda sita aya kuomba imilimo mwisae muposhiwe apa manda yao, leelo asu wanda wa Sabato.” 15Leelo Mwene avwanga, ati: “Mwe yaufi, Chene! chila untu pali mwemwe, atakuyulila ing'ombe nanti mpunda yaakwe un-nuwa uwanda wa Sabato, kuti akanwesye? 16Ngu mwanachi wi umpanda wi Ablahamu, wino Shetani wanyepa imyaka ikumi na nnane i, chitanjile asapulwe indema i uwanda wa Sabato?” 17Pano wavwanga fiyo, imitwe iyakula yoshi yano yampazyaa; iumba lyonsi lyachimba uku ifintu vikulu fino vichisilwe nawe.
Aladadi ni nsasyo
(Mt 13:31-32; Mk 4:30-32)
18Apano avwanga, ati: “Uwene-wi-Leesa ukoline na chani? Nga mbukolanye na chani? 19Ukoline nu lupeche lwa Aladadi, luno untu watozile alupela un-chalo chakwe; lumela, luwi chiti, ni fyuni fya mwiyulu fimwa um-matai yaakwe,” 20Afwanga ilya uwili, ati: “Mbukolanye na chani uwene-wi-Leesa? 21Ukoline ni nsaso sino umwanachi watoshile, autikanya un-ntowa shitatu isha usu, woshi wasasa.”
Unndyango ufyenkanu
(Mt 7:13-14, 21-23)
22Nawe wapitananga um-misi nu ntusi, angalusambilisha pano wayanga uku Yelusalemu. 23Untu umwi amtondosha, wati: “Mwene, Chene! antu yano yalufyuka yali yache?” Nga ayanena, ati: 24“Talilini ukwingila apa nnyango nfyenkanu, kuno ndumunena fino ainji yalusita ukwingila yalupotwa. 25Pano unkola ng'anda wacha wimilila nu kuyala unnyango, nenwe mutampa ukwimilila apanzi nu kukong'onsha, angi muluti: ‘Mwene, tuyulile.’ Nawe alumunena, ati: ‘Ntamumanyile kuno mufumile.’ 26Apano mulutampa ukuti: ‘Twalyanga nu kunwa pali wewe, newe wasambilishanga um-misolo yitu.’ 27Nawe aluti: ‘Ndumunena, ntamumanyile kuno mufumile; tinini kunondi, mwensi mwe yakachita ya fiipe.’ 28Apano kuluwa ukulila nu kusha mino, pano mwacha mwalola Ablahamu na Isaka na Yakobo na malau yoshi um-wene-wi-Leesa, nemwe umusumbilwa ukunsi. 29Yalwisa antu ukufuma uku kafumandaka nu ku kawa ndaka nu kufuma ku kaeya na ku katutu, nayo yalwikala apa chakulya um-wene-wi-Leesa. 30Nga lolini, kuli ayachisila yano yaluwa aya ntangulo na ya ntangulo yaluwa aya chisila.”
Yesu walilila iYelusalemu
(Mt 23:37-39)
31Liyo kwene aFaliseo yamwi yisa yannena, yaati: “Tina pa, uye ukunina, kuno Yelodi alusita ukukumola.” 32Ayanena, ati: “Yangini mukanene nkusa wiyo, muti: Lola, ilelo ni yulu ndufumya iviwa nu kupozya alwale, nu wanda wa utatu ndumalila. 33Leelo kande mpite nu kulema inzila yane ilelo niyulu nu wanda unji, kuno chitangi chiwe ilau ukufwila siku uku Yelusalemu. 34Yelusalemu, we Yelusalemu, ukulumola malau nu kuyatama na mafinga, yano yatumilwe kunuli, amaila yanga yano nasita ukuyakonganika ana yako, ndi fino nyina-nkoko akulufukatila ana yaakwe um-mapa yaakwe, leelo mutakuzumila. 35Lolini, ng'anda yino yashala ichipompa. Leelo namunena, nati: Mutalusha mundola kaili siku lino muluti: Wapepelelwa wino alwisa ukwisina lya Mwene.”
Currently Selected:
Luka 13: FNT1988
Highlight
Share
Copy
Want to have your highlights saved across all your devices? Sign up or sign in
New Testament in Fipa © United Bible Societies, 1988. Bible Society of Tanzania.
