VILINGA 2
2
1Jino omu lyahetele likumbi #Levi 23.15-16.lyaPendekoseta, vosena vapwile mumwe.
2Kukasumuka, kwilu kwafumine luxindo nge kuhuhwa capeho yangolo cikuma, kaha lwazalixile zuvo yosena yize vatwamine.
3Kuli vakivo kwasolokele malimi akulipanga, akufwana nge tumilangi twakakahya, kaha katwamine hali mutu himutu.
4Vosena #4.8, 31; 6.3, 5; 7.55; 9.17; 13.9, 52.vazalile naXipilitu wajila, vaputukile #Mako 16.17; Koli. 1, 12.10-11; 14.21.kuhanjika malimi eka, nge mwavahanyinyine Xipilitu kuhanjika.
5Kaha jino kuYelusalema kwatwaminenga vaYuleya, malunga vakakuzakama Kalunga vakumafuci ahamavu osena.
6Omu vevwile luxindo kana, liyongomena lyavatu lyaungile, kaha vatatasanyine, mwomwo mutu himutu avevwile hakuhanjika malimi avo, xikaho.
7Vakasumukile kaha vafwile cixima, valyambile ngwavo, Kumana, vosenava vali nakuhanjika kavexi vaka-Ngalileyako?
8Nyi ngacilihi etu tuvosena tuli nakuvevwa mumalimi etu twasemuwile nawo?
9Etu vaka-Palaciya navaka-Mete navaka-Elame, navaka-kutwama kuMesopotamya nakuYuleya nakuKapotoxa nakuPondu nakuAja
10nakuFwiluja nakuPamafulya nakuEjipitu nakumafuci akuLivya, kwakamwihi naKulene, navakakuzuzumana vakufuma kuLoma, navaYuleya nava valumuka lyehi kupwa vaYuleya,
11navaka-Kelete navaka-Alavya, tuli nakuvevwa hakuhanjika malimi etu nakuvuluka vyuma vyaukelenga waKalunga.
12Vosena vafwile cixima, vatatasanyine nakulihwojola ngwavo, Mangana kana aya mulihi?
13Oloze veka vavatolekele ngwavo, Vanapende vinyo vyavihya.
Petulu mwambulula mazu haPendekoseta
14Oloze Petulu hakwimana #1.26. navaze likumi naumwe ahanjikile kuli vakivo nalizu lyakukanguka ngwenyi, Enu malunga vaka-Yuleya nayenu muvosena mwatwama kuYelusalema, tacikizenu manganawa, tengelekenu matwitwi enu kumazu ami.
15Mwomwo ava kavapendele, nge omu munaxinganyekenuko, mwomwoholili kucili #2.15:Halikumbi lyamusase, ha9.lwola lwamucitatu kaha.
16Oloze cumeci cikiko vene oco vavuluka muli kapolofweto Yowele, ngwavo,
17 #
Yowe. 2.28-32. Kalunga nambe ngwenyi, Nacikasoloka hamakumbi akukuminyina,
Nangukahingunwina vyaXipilitu yami hali vatu vosena,
Vana venu vamalunga navava vamapwevo navakahanjika mazu aupolofweto,
Vakweze jenu vamalunga navakamona vyuma vyakuvamwenesa,
Vakulwane jenu vamalunga navakalota vilota.
18Mwomwo vene, nahali vandungo jami vamalunga nawa nahali ava vamapwevo
Nangukahingunwinaho vyaXipilitu yami hamakumbi aze, kaha navakahanjika mazu aupolofweto.
19Nangukasolola vyakukomwesa mwilu halengelenge,
Navinjikizo nawa hamavu, Namanyinga nakakahya nacixixi cawixi.
20Likumbi nalikalumuka kupwa milima,
Kakweji mwakalumuka kupwa nge manyinga,
Numbanyi likumbi lyaYehova likeze,
Lize lyapuho lyalilemu.
21Kaha nacikasoloka, #Loma 10.13.wexowo mwakamusanyika Yehova halijina lyenyi nangukamulwila.
22Enu malunga vaIsalele, ivwililenu mazu awa. #3.6; 4.10; 10.38.Yesu wakuNazaleta, Ikiye #Yowa. 3.2.lunga valumbunwine kuli Kalunga muli enu, havilinga vyangolo navyakukomwesa navinjikizo vize alingilenga Kalunga muli enu hali Ikiye, nganomu munatacikizenu vavene,
23Ikiye, hakumuhana nge mwaya #3.18; 4.28; Luka 22.22; Petu. 1, 1.20.kutongola capunga yaKalunga nomu mwaya kutacikiza cenyi vyuma vicili kanda visoloke, #3.13; Luka 24.20.enu mwamupapalixile kukulusu mwamujihixile kumavoko avava vazeneka Jiximbi.
24Ikiye Kalunga namusangula ceka, namujitula muvikola vyakufwa, mwomwo #Yowa. 20.9.kacahaxile vamulinjililenga Ikiye kungolo jacoko.
25Mwomwo Ndavici namuvuluka ngwenyi,
#
Samu 16.8-11. Ngwamumwene Yehova makumbi osena kumeso ami,
Mwomwo ali kulivoko lyami lyacilyo mangana vahonenga kungupelyangisa.
26Xikaho mucima wami wasehelelele, kaha lilimi lyami lyakinyinyinyine,
Namujimba wami nawa nautwamanga nakutalilila,
27Mwomwo kawexi kuseza mwono wami #2.27:Kwaya vafu.kuHeteseko,
#
13.35. Cipwe kwecelelou akuzakama kumona kupolako.
28Wangulwezele jijila jakuyoya, Naukanguzalisa nakuwahilila kumeso ove.
29Enu malunga vandumbwami, ngunahase kuhanjika kuli enu mwakulumbunuka hakuvuluka kakuluka yetu Ndavici, ngwami, afwile, vamufunjile, kaha cimbumbe cenyi tuli naco muli etu nakulikumbi lyalelo.
30Ikiye hakupwa #Mateu 22.43.kapolofweto, hakutacikiza ngwenyi, #Samwe. 2, 7.12-13; Samu 89.3-11; 132.11.Kalunga anguxikile nakulixinga ngwenyi, Kuli vaze navakasemuka mumitanda yove nangukatwamisa umwe halitanda lyove lyawangana,
31xikaho Ndavici hakucimona ximbu haze capwile kanda cicisoloke, avulukile kusanguka caKulixitu ngwenyi, kavamusezele kuHeteseko, kaha nawa ngwenyi, mujimba wenyi kawamwene kupolako.
32Ou Yesu Kalunga namusangula, kahetu tuvosena #1.8.tuvinjiho jenyi.
33Xikaho hakumuzezula helu nakumutwamisa #Mako 16.19.kulivoko lyaKalunga lyacilyo, hakutambula kuli Ise #1.4; Ngale. 3.14; Yowa. 7.39.Uze vaxikile, Ivene Xipilitu wajila, xikaho #v. 17; 10.45.nahingununa lyehi cumeci munamono enu nakwivwa.
34Mwomwo Ndavici kengilile mwiluko, oloze ivene nambe ngwenyi,
#
Samu 110.1; Mateu 22.44. Yehova ambile kuli Mwata wami ngwenyi, Twamanga kulivoko lyami lyacilyo,
35Palanga nomu nangukalingisa vaka-kole jove kupwa citwamo camahinji ove.
36Xikaho vaka-tanga yaIsalele vosena vatacikize kanawa ngwavo, Ou Yesu, #v. 23.Uze mwasukikixilenu kukulusu, Kalunga namulingisa lyehi kupwa Ikiye Mwata, Ikiye Kulixitu.
37Vakivo hakucivwa #5.33; 7.54. vevwile vangu mumicima yavo, kaha vehwile Petulu navaposetolo vakwavo ngwavo, Enu malunga vandumbwetu, natulinga muka?
38Petulu avambile ngwenyi, #3.19; 5.31; 20.21; Luka 24.47.Alumukenu, #8.12, 16; 22.16.vamimbapacise mutu himutu mulijina lyaYesu Kulixitu cakuneha kumikonekela milonga yenu yaxili, kaha namutambula wana waXipilitu wajila.
39Mwomwo #Loma 9.4; Isa. 44.3; 54.13; 57.19.luxiko kana luli kuli enu nakuli vana venu nakuli vosena #Efwe. 2.12-13, 17.vaze vali kwakusuku, #Yowe. 2.32.vexovo mwakasanyika Yehova Kalunga ketu kwiza kuli Ikiye.
40Avambulilile unjiho namazu amavulu eka nawa Hakuvalembelela ngwenyi, Lilwilenu #Fwili. 2.15.kutanga yakuhenga yino.
41Ngoco vaze vetavilile mazu enyi vavambapacixile, kaha halikumbi lize vavahakilileko vatu kafwe makombakaji atatu.
42Kaha vakakacililenga kukunangula cavaposetolo namukulikata cavo #20.7; Koli. 1, 10.16.nakukupuzula mbolo nakukulomba.
Omu vatwaminenga vaka-kwitava
43Jino vatu vosena vakwacile woma. Kaha valingile vyakukomwesa navinjikizo vyavivulu muli vaposetolo.
44Vaka-kwitava vosena vapwilenga hamwe, kaha #4.32, 37.vapwilenga navyuma vyavo vyosena vyakufutula hamwe.
45Luheto lwavo navikumba vyavo #4.34.vavilanjixilenga, vavipangililenga kuli vakwavo vosena nge kutesa nakuhona camutu himutu.
46Hakumbi hakumbi vakakacililenga kukutwama namucima umwe mutembele, kaha hakupuzula mbolo kumazuvo avo, valilenga vyavo vyakulya nakulisamba namucima umwe kaha,
47nakumwalisa Kalunga #5.13.nakuvevwila uselewa kuli vatu vosena. Kaha hakumbi hakumbi Mwata #v. 41; 5.14; 6.1, 7; 11.24; 4.4; 9.31, 35, 42; 11.21; 14.1, 21; 16.5; 17.12.vahakililengako #Koli. 1, 1.18.vaze apwilenga nakulwila.
Currently Selected:
VILINGA 2: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
