VILINGA 3
3
Muka-luuta navamuhindula kuCikolo caupahu
1Jino #Luka 2.28.Petulu naYowano vapwile nakukanduka kutembele halwola lwakulomba, #3.1:Haciteuko, ha3.luze lwamucitanu najiwana.
2Vatu vapwile nakumbata lunga umwe apwilenga nautonji wamahinji kufumisa hakusemuka cenyi, vamutumbikilenga hakumbi hakumbi kucikolo catembele, cize vavuluka ngwavo, Caupahu, mangana alombalombenga tumawana kuli vaze navengila mutembele.
3Ikiye hakumona Petulu naYowano navasaka kwingila mutembele avatombele ngwenyi, atambule kamwe.
4Petulu hakumuxixika, naYowano nawa, amwambile ngwenyi, Tala kuno kuli etu.
5Atalile kuli vakivo, Hakulixinganyeka ngwenyi, pamo mwatambula kamwe kuli vakivo.
6Oloze Petulu amwambile ngwenyi, Palata naulu kangwexi navyoko, oloze eci nguli naco nangukuhanaco. Mulijina lyaYesu Kulixitu wakuNazaleta, tambuka.
7Amukwacile kulivoko lyenyi lyacilyo amukatwile. Kaha linwomu vene mahinji enyi navifuhwa vyakutusendengele twenyi vyakwacile ngolo.
8Atumbukileko, emanyine, aputukile kutambuka, engilile navo mutembele nakutambuka Hakutumbwojoka nakumwalisa Kalunga.
9Vatu vosena vamumwene ali nakutambuka nakumwalisa Kalunga.
10Kaha vamutacikijile ngwavo, Ikiye vene ou natwamenga kuCikolo catembele Caupahu nakulombalomba tumawana, kaha valihomokelele cikuma nakufwa cixima kucuma kana camuwanyine.
Petulu mwambulula mazu musenge yaSolomone
11Omu avalinjililile Petulu naYowano, vatu vosena valahilile kumwe kuli vakivo #5.12; Yowa. 10.23.kusenge yize vavuluka ngwavo, yaSolomone, nakulihomokela cikuma.
12Petulu hakucimona, ambile kuli vaze vatu ngwenyi, Enu malunga vavaIsalele, ikaze muli nakulikomokela hali ou mutu? Ikaze muli nakutuxixikiletu? Kacexi nge etu yetu tunamutambukisa nangolo jetu cipwe nakukomoka cetu Kalungako.
13 #
Mateu 22.39. Kalunga kaApalahama naIsaka naYakova, #5.30; 7.32; 22.14; Kulo. 3.13, 15.Kalunga kavakakuluka jetu, natohwesa lyehi #Mateu 12.18; Isa. 42.1; 52.13; 53.11.Ngamba yenyi Yesu, Uze #2.23; Mateu 27.2.mwatwalilenu nakumuhamikila kumeso aPilatu #Luka 23.13-17.omu asakwile ikiye kumweca.
14Oloze enu mwamuhamikilile Uze wajila wakwoloka, #Mateu 27.20; Mako 15.11; Luka 23.18-25.mwalombele ngwenu, vamyecele muka-kujiha vatu.
15Ngoco Mwenyakuyoya mwamujihile, Ikiye vamusangwile kuli Kalunga kuvafu, hacuma kana tunapu etu #1.8; Luka 24.48.tuvinjiho.
16Hakufwelela kulijina lyenyi, lijina lyenyi likiko vene Unamuhane ngolo ou munamono nakutacikiza. Mwomwo vene, kufwelela cili muli Yesu cinamuhane kuhinduka ngoco walambwe kumeso ayenu muvosena.
17Kaha jino, enu vandumbwami, ngunatacikiza ngwami, mwacilingilile #13.27; Luka 23.34; Yowa. 15.21; Koli. 1, 2.8.hakuhona kutacikiza, ngoco navakulwane jenu nawa.
18Oloze vyuma vize alivangile Kalunga kulweza mutunwa twavapolofweto vosena ngwenyi, #17.2-3; 26.23; Luka 24.27.Kulixitu yami mwakamona luyando, vikiko vene navilumbununa ngana.
19Xikaho pihililenu nakwalumuka, kindulukenu ceka, mangana milonga yenu yaxili vakayijimbangane, ma ngana kwizenga myaka yakuhizumuna yakuli Yehova,
20mangana amutume Kulixitu, Uze amitongwela, Ivene Yesu.
21Catela kuli Ikiye kumutambula mwilu nakutwala kumyaka yize #Mateu 17.11; Loma 8.21.yakuhaka ceka vyuma vyosena mutuhela twavyo, yize #Luka 1.70.avulukile Kalunga mutunwa twavapolofweto jenyi vajila, vaze vanapunga kufumisa kuxikulu.
22Camwenemwene Mose ambile ngwenyi, #7.37; Luxi. 18.15-16.Yehova Kalunga mwakamikatwila kapolofweto wamuli vausoko wenu, wakufwana nge ami. Mukamwivwililanga ikiye mwexomwo mwakahanjikila kuli enu.
23Ngwenyi, #Luxi. 18.19.Kaha nacikasoloka, mutu himutu uze mwakakana kumwivwilila uze kapolofweto, navakamunongesa muli vatu.
24Navapolofweto vosena nawa, kufumisa kuli Samwele nakuli vaze vamukavile munyima, vexovo vahanjikile, navakivo nawa vavulukile makumbi awa.
25Enu munapu #2.39.muvana vavapolofweto, muvana #Loma 9.4-5.vakuxika cize alixikile Kalunga navakakuluka jetu, haze amwambile Apalahama ngwenyi, #Kupu. 12.3; 22.18; 26.4; 28.14.Kaha kutanga yove vakajitanga jahamavu vosena navakamonako kutokwa.
26Kalunga hakumusangula Ngamba yenyi #13.46; Loma 1.16.navungila kumutuma kuli enu ngwenyi, amimwenese kutokwa hakumyalumuna mutu himutu kuseza vilinga vyenu vyakuhuka.
Currently Selected:
VILINGA 3: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
