VILINGA 7
7
Setefwano mwalihakwila
1Kaha kapilixitu wakulitulaho amwihwile ngwenyi, Vyumevi vinapu vyamucano tahi?
2Avambile ngwenyi, Enu malunga vandumbwami, nenu vatata, ngwivwililenu. #Samu 29.3; Koli. 1, 2.8.Kalunga Mwenyaupahu #Kupu. 11.31; 15.7.alisolwele kuli kakuluka yetu Apalahama haze apwile kuMesopotamya, ximbu haze apwile kanda acitwame kuHalane.
3 #
Kupu. 12.1. Amwambile ngwenyi, Fuma mulifuci lyove nakuli vausoko wove, wize kulifuci lize nangukakulwezAmi.
4Haze vene #Kupu. 11.31.afumine kulifuci lyavaKalateya, atwamine kuHalane. Kaha hakufwa caise, #Kupu. 12.5.Kalunga amufumixile kuze, amunungulwilile mulifuci lino, muno muli nakutwamenu jino.
5Kamuhanyine uswana munoko, cipwe hamwe hakulyata lihinji lyenyi pimbi. Oloze #Kupu. 12.7; 17.8.amuxikile ngwenyi, mwakamuhanalyo akalihete, navakatanga yenyi nawa vaze navakamukava munyima yenyi. Alixikile nenyi ngoco ximbu haze apwile kanda aciseme mwana.
6Kaha #Kupu. 15.13-14.Kalunga ahanjikile ngana ngwenyi, Vaka-tanga yove navaka-zuzumana mulifuci lyambala, kaha ngwenyi, Vaka-lifuci kana navakavengisa muundungo navakavayanjisanga myaka makulukaji awana.
7Kalunga amwambile ngwenyi, Vaka-lifuci lize navakavengisa muundungo Ami nangukavapayisa, kaha #Kulo. 12.hakutwala muze navakalovokamo navakanguzacila muno vene.
8Kaha #Kupu. 17.10-14.amuhanyine kuxika cakujihana. Ngoco #Kupu. 21.2-4.Apalahama asemene Isaka, amujihanyine halikumbi lyamucitanu naatatu. #Kupu. 25.26.Isaka asemene Yakova, #Kupu. 29.31-35; 30.1-24; 35.16-18; 23-26.Yakova avasemene vakakuluka jetu likumi navavali.
9Kaha vakakuluka jetu #Kupu. 37.11.vamwivwilile Yosefwe luxiuxiu, #Kupu. 37.28; 45.4.vamulanjixile vamutwalixile kuEjipitu. Cipweze, #Kupu. 39.2-3, 21.Kalunga apwilenga nenyi,
10amuyowele mumakavenyi osena, #Kupu. 41.40-46; Samu 105.21.amuhanyine uselewa namangana kumeso amwangana wavaEjipitu Fwalo. Kaha Fwalo amulingixile kupwa nguvulu wakuyula kuEjipitu nakuzuvo yenyi kwosena.
11Jino #Kupu. 41.54-55; 42.5.kuEjipitu kwosena nakuKanane kwaholokele zala yakalombolombo naluyando lwalunene. Vakakuluka jetu kavamwene vyakulyako.
12Oloze #Kupu. 42.2.Yakova hakwivwa ngwavo, KuEjipitu kuli tiliku, atumine vakakuluka jetu hakuya cakulivanga.
13Hakuhilukako camucivali, #Kupu. 45.1-4.Yosefwe alijimbwile kuli vandumbwenyi, kaha muyaci waYosefwe hinavautacikiza kuli Fwalo.
14 #
Kupu. 45.9-10. Yosefwe atumine nakumusanyika ise Yakova ezenga kuli ikiye, navausoko wenyi vosena, #Kupu. 46.26-27; Kulo. 1.5; Luxi. 10.22.vapwile vatu makumi atanu naavali navatu vatanu.
15 #
Kupu. 46.5; 49.33; Kulo. 1.6. Yakova axikumukile kuEjipitu, kaha afwililile kuze, naivene navakakuluka jetu nawa.
16Kaha vavatwalile #Kupu. 23.16; 50.13; 33.19; Yoxu. 24.32.kuXekeme, vavafunjile mucimbumbe cize alanjile Apalahama nandando yajimbongo japalata kuli vana vaHamole kuXekeme.
17Oloze uze mwaka waluxiko luze alixikile Kalunga naApalahama omu wapwile nakuswenya kwakamwihi, #Kulo. 1.7-8.vatu vasemunwinyine nakuvula kuEjipitu,
18palanga nomu kwaswanyine mwangana weka kuEjipitu, uze kamutacikijile Yosefweko.
19 #
Kulo. 1.10-11, 15-22. Ikiye avazangaminyine vakamuyaci wetu, avayanjixile vakakuluka jetu mangana ngwenyi, vambilenga vana vavo vavandende, ngwenyi, kucina navayoya.
20Hamakumbi aze #Kulo. 2.2.Mose asemukile, apwile wamwaza cikumakuma. Vamulelele tukweji vatatu muzuvo yaise.
21Kahomu vamumbilile, #Kulo. 2.5-6, 10.mwanaFwalo wapwevo amunonele, amulelele nge himwanenyi.
22Mose vamunangwile mangana avaEjipitu osena, kaha apwile mukangolo nakumazu enyi nakuvilinga vyenyi.
23Oloze omu asakile kumanyisa myaka makumi awana, #Kulo. 2.11-12.alyambile mumucima wenyi ngwenyi, Nanguya nakumeneka vandumbwami vana vaIsalele.
24Omu amwene umwe vali nakumulinga mwamupi, amukafwileko amutendele uze vapwile nakuyanjisa, amujihile uze kaEjipitu.
25Axinganyekele ngwenyi, Nacivalumbunukila vandumbwami ngwavo, Kalunga mwavalwila nalivoko lyami. Oloze kacavalumbunukilileko.
26 #
Kulo. 2.13-14. Omu kwacele, asolokele kuli vamwe omu vapwile nakulipika, kaha asakile ngwenyi, avawanyise ceka, ngwenyi, Enu malunga, enu muwana-wakwenu, ikaze muli nakulilingila mwamupi ngana?
27Oloze uze alingile mwamupi kuli mukwavo amuxinjikile ngwenyi, Iyaze nakulingisa kupwa umukakutuyula, umuka-kutusopesa?
28Ove unasake ngwove, ungujihe ami nganomu wamujihanga uze kaEjipitu zau tahi?
29 #
Kulo. 2.15, 22. Mose hakwivwa lizu eli acinyine, azuzumanyinenga mulifuci lyaMicane, kuze #Kulo. 18.3-4.asemenene vana venyi vamalunga vavali.
30 #
Kulo. 3.1-2. Omu mwahicile myaka makumi awana, kuli ikiye kwalisolwele kangelo mupambo yakupili Xinai mumilangi yakakahya muciputa.
31Mose hakuyitala alikomokelele kucuma kana vamumwenesele. Ikiye hakupandama kwakamwihi mangana ngwenyi, atale kanawa, evwile lizu lyaYehova lyakwamba ngwenyi,
32 #
Kulo. 3.6. Ami yami Kalunga kavakakuluka jove, nguKalunga kaApalahama naIsaka naYakova. Mose acikimine, kahasukile kutalako.
33Yehova amwambile ngwenyi, #Kulo. 3.5.Zula mendelo ove kumahinji ove, mwomwoho unemana hamavu ajila, xikaho.
34Ngwenyi, #Kulo. 3.7.Kumona ngunamono lyehi malwa avatu jami vali kuEjipitu, ngunevu lyehi mikemo yavo, kaha jino ngunasuluka hamavu mangana ngwami, nguvayovole. Ngwenyi, #Kulo. 3.10.Kaha jino twaya, nangukutuma kuEjipitu.
35Uze Mose, uze vakanyine nakwihula ngwavo, Iyaze nakulingisa kupwa umuka-kuyula, umuka-kusopesa? ikiye vene Kalunga amutumine nalivoko lyayauze kangelo alisolwele kuli ikiye kuciputa, mangana ngwenyi, akapwenga muka-kuyula, mukakuvasokola.
36 #
Kulo. 12.41; 33.1. Ikiye vene avalowele nakulinga #Kulo. 7.3.vyakukomwesa navinjikizo mulifuci lyaEjipitu namukalungalwiji Ucila #Kulo. 16.35; Kula. 14.33; Samu 95.8-10; Hepe. 3.8-9.namupambo, myaka makumi awana.
37Ou ikiye Mose uze ambile kuli vana vaIsalele ngwenyi, #Luxi. 18.15, 18.Kalunga mwakamikatwila kapolofweto wamuli vausoko wenu, wakufwana nge ami.
38Ou ikiye vene uze apwile #Kulo. 19.17.muliuka mupambo nayauze kangelo ahanjikile nenyi kupili Xinai, navakakuluka jetu nawa hamwe. Ikiye uze atambwile #Loma 3.2; Hepe. 5.12; Petu. 1, 4.11.vihande #Luxi. 32.47; Hepe. 4.12.vyakuyoya nakutuhanavyo.
39Ikiye vakakuluka jetu vakanyine kumwononoka, #Kula. 14.3-4.vamuxinjikile, kaha vahilukile kuEjipitu mumicima yavo,
40 #
Kulo. 32.1, 23. vamwambile Alone ngwavo, Tutengele tulunga vaka-kututwaminyinangako, mwomwou Mose, ou atulowele mulifuci lyaEjipitu, katwatacikijileci cinamuwaneko.
41Hamakumbi aze #Kulo. 32.4, 6.vatengele mwanangombe, kaha vanehelele lize likombelo lyavo cimuna wakuvatula, kaha vawahililile #Kuso. 9.20.namilimo yamavoko avo.
42Oloze Kalunga #Yoxu. 24.20; Yele. 19.13.alumukile, avasuvile vakombelenga liyongomena lyamwilu, nge muze vasoneka hamukanda wavapolofweto ngwavo,
#
Amo. 5.25-27. Enu vakuzuvo yaIsalele,
MwangunehelelengAmi vimuna akujiha nakuvavatula
Myaka makumi awana mupambo numba?
43Oloze mwambacile mbalaka yaMoloke,
Natanganyika yakalunga kenu Lefwane,
Vyakufwanyisa vize mwatengele mangana ngwenu, mulifukulenga kuvikiko,
Kaha nangukamitundula nakumitwala kwakusuku kuhambakana Mbavilone.
44 #
Kulo. 25.8-9; 38.21. Mbalaka yaunjiho vakakuluka jetu vapwilenga nayo mupambo, nge muze avalwezele Uze ahanjikile kuli Mose ngwenyi, akayitunge yakufwana nge kufwana cize amwene.
45Yikiko vene vakakuluka jetu nawa hamwaka wavo #Yoxu. 3.14-17; 18.1; 23.9; 24.18; Samu 44.2-3.vejile nayo hakwiza naYoxuwa hamwe, omu vengilile nakuswika kuluheto lwapwile lwavaka-mafuci eka, vaze ahangile Kalunga kumeso avakakuluka jetu, palanga nakumakumbi aNdavici,
46uze #Samwe. 2, 7.8-16; Samu 132.1-5.amwene uselewa kumeso aKalunga, kaha alombele ngwenyi, amutalile Kalunga kaYakova mwa, kutwamanga.
47Oloze #Vamya. 1, 8.20.Solomone amutungilile zuvo.
48Cipwe ngoco, Ou alitulaho katwama mumazuvo akutunga namavokoko, nge omu nambe kapolofweto ngwenyi,
49 #
Isa. 66.1-2; Mateu 5.34-35. Lilu linapu litanda lyami lya wangana,
Mavu anapu citwamo camahinji ami.
Namungutungila zuvo yangacilihi? Mukiko mwanambe Yehova,
Ngwenyi, Nyi kuma kwaunokelo wami kulihi?
50Kalyexi livoko lyami lyatengele vyoseneviko, numba?
51Enu #Kulo. 32.9; 33.3, 5.vakukakama jixingo, #Levi 26.41; Yele. 6.10; 9.26.nakumicima nakumatwitwi kavamijihanyineko, enu makumbi osena #Kula. 27.14; Isa. 63.10.mweji kulikanganga kuli Xipilitu wajila, nge muze valingilenga vakakuluka jenu, mukiko vene mumweji kulinganga nayenu nawa.
52 #
Miji. 2, 36.15-16; Mateu 23.31, 37. Kapolofweto muka vakanyine vakakuluka jenu kuyanjisa? Kaha vavajihile vaze valivangile kuvalweza kwiza #3.14; 22.14; Yowa. 1, 2.1.cayauze Muka-kwoloka, Ou vene munapu jino enu muvakakumuhana kuli vaka-kole, muvakakumujihisa,
53enu mwatambwile Jiximbi nge muze #Ngale. 3.19; Hepe. 2.2.vajihanyine muli vangelo, oloze kamwajononokeleko.
54Jino vakivo hakwivwa mazu awa, #5.33.avacokele mumicima yavo, kaha vangungenjungilile kumazo avo.
55Oloze ikiye apwile #2.4.wakuzala naXipilitu wajila, axixikile mwilu, kaha amwene upahu waKalunga, naYesu nawa hanemana kwenyi #Mako 16.19.kulivoko lyaKalunga lyacilyo.
56Ambile ngwenyi, Talenu, ngunamono #Yowa. 1.51.mwilu munasokoloka, naMwanamutu nawa nemana kulivoko lyaKalunga lyacilyo.
57Oloze vatambakanyine namazu akukanguka, vajikile mumatwitwi avo, kaha vamuzombokelele namucima umwe.
58 #
Levi 24.14, 16. Vamulowele mwimbo lyavo, vamwaxile malolwa. Kaha #6.13; Luxi. 13.9-10; 17.7.vinjiho vatumbikile mahinavo kumahinji amwanalunga umwe, ou vavulukilenga ngwavo, Saulu.
59Vamwaxile Setefwano malolwa, omu apwile nakusanyika Mwata nakumwamba ngwenyi, Ove Mwata Yesu, tambula xipilitu yami.
60Kaha afukamine hamavu, atambakanyine nalizu lyakukanguka ngwenyi, Ove Mwata, #Mateu 5.44; Luka 23.34.kanda ukavapayixila hamulonga unoko. Kahomu ahanjikile ngoco #13.36; Ndanye. 12.2; Mateu 27.52; Yowa. 11.11-12; Koli. 1, 15.6, 18, 20; Teso 1, 4.13-16; Petu. 2, 3.4.asavalile tulo.
Currently Selected:
VILINGA 7: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
