VILINGA 8
8
Saulu mwayanjisa vaka-liuka
1Jino Saulu #22.20.alikundwijile navo hakumujiha. Kaha halikumbi lize vaputukile kuvayanjisa cikumakuma vaka-liuka lyapwile kuYelusalema. Kaha vosena #11.19.valimwangilile mumafuci aYuleya naSamaliya, vasalile vaposetolo kaha.
2Kaha malunga vaka-kuzakama Kalunga vamufunjile Setefwano nakumulila cikuma.
3Oloze Saulu #9.1, 13, 21; 22.4, 19; 26.10-11; Koli. 1, 5.9; Ngale. 1.13; Cimo. 1, 1.13.alyenyekelenga liuka, engililenga mumazuvo osena, akokangijilenga malunga namapwevo nakuvahakahaka muzuvo yaufunge.
Mujimbu wamwaza navawambulula kuSamaliya
4Jino vaze valimwangile Vatambwojokele nakwambulula mazu.
5Fwilipu axikumukile ayile kunganda kuSamaliya, avambulilile Kulixitu.
6Kaha mayongomena avatu vahakile micima yavo namucima umwe kumazu aze ahanjikile Fwilipu, hakwivwa nahakumona vinjikizo vize alingilenga.
7Mwomwo #Mako 16.17.vaxipilitu vavapi hakutambakana namazu akukanguka valovokelenga muli vavavulu vapwile navo, kaha vavavulu vapwile namusongo wakalepa, navaka-kumbilikita, vavahindwile.
8Kaha mwimbo lize vapwile nakuwahilila cikuma.
9Oloze mwapwile lunga umwe, lijina lyenyi apwile ikiye Ximona, ikiye hakulivanga alowelenga visava muze munganda nakuvahomwesa muyaci wavaSamaliya, nakulivuluka ivene ngwenyi, Ngumutu wamulemu.
10Vatu vosena vahakilenga micima yavo hali ikiye, navava vavandende navava vavanene, ngwavo, You vene ngolo jaKalunga jize vavuluka ngwavo, Jajinene.
11Vamuhakilenga micima yavo, mwomwo kufumisa kumwaka avahomweselenga navisava vyenyi, xikaho.
12Oloze vakivo omu vamwitavilile Fwilipu hakuvambulila mujimbu wamwaza wakuvuluka wangana waKalunga nalijina lyaYesu Kulixitu, vavambapacixile, namalunga namapwevo.
13Naivene Ximona nawa etavile, kahomu valingile hivanamumbapacisa lyehi, akakacililenga kuli Fwilipu, kaha hakumona vinjikizo navilinga vyangolo jajinene vize vyapwilenga nakusoloka, afwilenga cixima cikuma.
14Kaha jino vaposetolo vaze vapwile kuYelusalema, omu vevwile ngwavo, VaSamaliya vanawetavila lyehi mazu aKalunga, vavatuminyine #Luka 22.8.Petulu naYowano.
15Vakivo hakuheta kuze vavalombelele mangana vatambule Xipilitu wajila,
16mwomwo haze apwile kanda aciholokele nahali minavo umwe, xina vavambapacixile tuhu mulijina lyaMwata Yesu kaha.
17Numba #6.6.hinavavanangika mavoko avo, kaha vamutambwile Xipilitu wajila.
18Kaha jino, Ximona hakumonomu vapwile nakuhana Xipilitu wajila hakunangika vaposetolo mavoko avo, asakile ngwenyi, avahane jimbongo,
19ngwenyi, Nguhanenuko nayami nawa ngolo kana mangana wose nangukanangika mavoko ami akamutambule Xipilitu wajila nawa.
20Oloze Petulu amwambile ngwenyi, Jimbongo jove jikanongele nayove hamwe, mwomwo unaxinganyeka ngwove, wana waKalunga uulande najimbongo.
21Ove kawexi nacuma cimwe kumilimo kanako, mwomwo #Samu 78.37.mucima wove kawoloka kumeso aKalungako.
22Xikaho pihilila nakwalumuka kukupihisa cove, mulombe Mwata, kwiji, pamo mwakukonekela vixinganyeka vyamumucima wove.
23Mwomwo ngunamono ngwami, ucili munyangwa yayisasu namukuli yakuhenga.
24Ximona amukumbulwile ngwenyi, Acingulombelenu kuli Mwata, kucina kuvyumevi unavuluka nakukanguwana cuma cimwe.
25Jino vakivo hakukumisa kwambulula unjiho wavo nakuhanjika mazu aMwata, vakindulukile kuYelusalema. Kaha vambulwilenga mujimbu wamwaza mumembo avaSamaliya amavulu.
Fwilipu nacilolo wakaEcopa
26Oloze kwejile kangelo kaYehova ahanjikile kuli Fwilipu ngwenyi, Katuka, yako kumutamba wasulo kujila yakuxikumuka kufuma kuYelusalema nakuya kuNgaza, muze mupambo.
27Akatukile, ayile. Kaha kumana, kwapwile lunga, kaEcopa, cilolo camwangana wavaEcopa wapwevo Kandese, muka-kumulamina luheto lwenyi lwosena, ikiye #Vamya. 1, 8.41-42; Yowa. 12.20.ayile kuYelusalema nakulemesa Kalunga.
28Kaha apwile nakukinduluka, natwame halitemba lyenyi nakutanga hamukanda wakapolofweto Isaya.
29 #
10.19; 11.12; 13.2; 20.23; 21.11; 16.6-7; 28.25. Xipilitu amwambile Fwilipu ngwenyi, Pandama kwakamwihi uhate kulitembeli.
30Fwilipu alahilile kuli ikiye, amwivwile ali nakutanga hamukanda wakapolofweto Isaya. Amwihwile ngwenyi, Owo mazu uli nakutanga anakulumbunukila tahi?
31Amwambile ngwenyi, Nanguwahasa ngacilihi? xina kuvanga kuli mutu mwangulumbunwinawo. Kaha amulembelelele Fwilipu ngwenyi, anyine atwame nenyi.
32Jino mazu aze apwile nakutanga kuMazu-vasoneka apwile awa, ngwavo,
#
Isa. 53.7-8. Vamutwalile nge mukoko nakumujiha,
Kaha nge mwamwanamukoko mwahola kulu kumeso amukakumuteula,
Ngoco kalokolwele mukanwa kenyiko.
33Mukulinyisa cenyi vakanyine ku musopesa naciyulo,
Kaha vaka-tanga yenyi iyaze mwakavavuluka?
Mwomwo kuyoya cenyi vanacifumisa hamavu.
34Uze cilolo ahanjikile kuli Fwilipu amwihwile ngwenyi, Ngulweze mwane, kapolofweto hakuhanjika ngoco navulukeya? Nalivuluka ivene tahi, nyi navuluka weka?
35Fwilipu alokolwele mukanwa kenyi, kaha hakuputuka #17.2; 18.28; 28.23; Luka 24.27.kuMazu awa vasoneka #5.42.amwambulilile mujimbu wamwaza waYesu.
36Hakuya cavo mujila vahetele kumeya. Kaha uze cilolo amwambile ngwenyi, Tala, meya wawa. Kaha cuma cika nacingwimika kucina kungumbapacisa?
37Fwilipu amwambile ngwenyi, Nge unetava namucima wove wosena nauhasa. Amukumbulwile ngwenyi, Ngunetava ngwami, Yesu Kulixitu Ikiye MwanaKalunga.
38Avalwezele ngwenyi, vemike litemba. Vosena vavali vaxikumukile mumeya, naFwilipu nayauze cilolo, kaha amumbapacixile.
39Omu vakandukile ceka nakufuma mumeya, #Vamya. 1, 18.12; Vamya. 2, 2.16; Ezeke. 3.12, 14.Xipilitu yaYehova amuhukwileko Fwilipu, kaha uze cilolo kamumwene cekako, oloze ayilenga mujila yenyi nakuwahilila.
40Oloze Fwilipu alovokele kuAzotu. Kaha hakupalika muze ambulwilenga mujimbu wamwaza mumembo osena nomu ahetele kuKesaliya.
Currently Selected:
VILINGA 8: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
