KULOVOKA 20
20
Jiximbi likumi
1Kalunga ahanjikile mazu osenawa ngwenyi,
2Ami yami Yehova Kalunga kenu, yami ngwamilowele mulifuci lyaEjipitu, muzuvo yaundungo.
3Kanda mukatwama natulunga veka #20.3:Mokomoko ngwenyi, nayAmi hamweko.kumeso amiko.
4Kanda mukalisongela likombelo lyakusongako, cipwe cuma cakufwanyisa cuma cimwe, cipwe cuma cili mwilu, cipwe cuma cili hamavu, cipwe cuma cili mumeya muxi yamavu.
5Kanda mukalifukula kuvikikoko, cipwe kuvizacila, mwomwo Ami Yehova Kalunga kenu nguKalunga wakwivwa lisungu, ngweji kuzangamisanga vana hakuhenga camasevo, nakucisemunwino cavaze vanguhunga camucitatu naceci camuciwana.
6Kaha ngweji kusololanga likoji kumakombakaji avaze vanguzanga, vaze veji kulamanga jiximbi jami.
7Kanda mukavuluka lijina lyaYehova Kalunga kenu hamakuliko, mwomwo Yehova kexi kukasambisou mwavuluka lijina lyenyi hamakuliko.
8Anukenu likumbi lyasambata mulijilile.
9Zatenunga mulingenga milimo yenu yosena hamakumbi atanu nalimwe.
10Oloze likumbi lyamucitanu naavali likiko sambata kuli Yehova Kalunga kenu. Kanda mukazataho milimoko, cipwe enu, cipwe vana venu vamalunga, cipwe vana venu vamapwevo, cipwe vandungo jenu vamalunga, cipwe vandungo jenu vamapwevo, cipwe vimuna jenu, cipwe vangeji jenu vali mumembo enu.
11 #
Kupu. 2.2, 3. Mwomwo hamakumbi atanu nalimwe Yehova atangile lilu namavu nakalungalwiji navyuma vyosena vilimo. Kaha halikumbi lyamucitanu naavali anokele, xikaho Yehova akiswile likumbi lyasambata, alijilikile.
12 #
Levi 19.3; Mateu 15.4; 19.19; Efwe. 6.2. Vumbikenunga masenu namanenu, mangana makumbi enu akavule mulifuci lize mwamihana Yehova Kalunga kenu.
13 #
Mateu 19.18. Kanda mukajiha mutuko.
14 #
Mateu 19.18. Kanda mukalinga ujilako.
15 #
Mateu 19.18. Kanda mukevako.
16 #
Mateu 19.18. Kanda mukambulula unjiho wakwonga wakupayisa minenuko.
17 #
Loma 7.7; 13.9. Kanda mukevwa lwiso lwazuvo yaminenuko, kanda mukevwa lwiso lwapwevo lyaminenuko, cipwe lwandungo yenyi walunga, cipwe lwandungo yenyi wapwevo, cipwe lwangombe yenyi, cipwe lwacimbulu cenyi, cipwe lwacuma cimwe cinapu caminenu.
Woma wavatu
(Luxi. 5.22-33)
18Vatu vosena vamwene mikalateta namiveso, nakuvuma caluneta, napili hakufwinda wixi. Kahomu vacimwene vatu, vacikimine, Vemanyine kwakusuku.
19 #
Hepe. 12.19. Kaha Vambile kuli Mose ngwavo, Hanjikove nayetu, kaha natwivwilila. Oloze Kalunga kanda ahanjika kuli etuko, kucina natufwa.
20Mose ambile kuli vatu ngwenyi, Kanda mwivwa womako. Mwomwo Kalunga neza nakumyeseka, mangana kumwivwa woma cipwenga kumeso enu, kucina namukavulumuna milonga yaxili.
21Vatu vemanyine kwakusuku, kaha Mose apandamine kumilima wi kwapwile Kalunga.
22Yehova ambile kuli Mose ngwenyi, Vambulile vana vaIsalele ngwove, Enu vavene munamono, omu ngunahanjika kuli enu nalizu lyakufuma mwilu.
23Kanda mukatenga tulunga veka naYami hamweko, tulunga vapalata cipwe tulunga vaulu kanda mukalitengelavoko.
24Mukangutungila lijiko lyakulumbila lyamavu, mukanguvatwilengaho vimuna jenu vamawana akulumba, namawanenu akulweza keke, namikoko jenu navangombe jenu. Kwexokwo nangukavanukixila lijina lyami nangukeza kuli enu, kaha nangukamikisula.
25Kaci nge namungutungila lijiko lyakulumbila lyamalolwa, kanda mukalitunga namalolwa akusongako. Mwomwo nge namukazundwilaho cikungo cenu, namukalijilula.
26Kanda mukanyina hakandamino hakuya kulijiko lyami lyakulumbilako, kucina usonyi wenu naukasolokelaho.
Currently Selected:
KULOVOKA 20: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
