KULOVOKA 21

Mwakulingila vandungo

(Luxi. 15.12-18)

1Jino awa akiko mazu akuyula aze nauvalweza ngwove,

2Kaci nge namulanda ndungo wakaHepeleu, akamizacilenga myaka yitanu naumwe, mwaka wamucitanu nayivali akafume tuhu wana muundungo.

3Kaci nge engilile uka wenyi, kaha akalovoke uka wenyi. Kaci nge apwile nambate lyehi pwevo, kaha akalovoke napwevo lyenyi nawa.

4Kaci nge kaka yenyi mwamuhana pwevo, kaci nge naseme nenyi vana vamalunga cipwe vamapwevo, napwevo navana navakapwa vakaka yenyi, kaha ikiye mwakalovoka uka wenyi kaha.

5Oloze kaci nge uze ndungo mwakahanjika mwakulumbununa ngwenyi, Ngunazange kaka yami napwevo lyami navana vami, kangwexi kufuma muundungoko,

6kaha kaka yenyi akamutwale #21.6:Mokomoko ngwavo, Akamutwale kuli vaka-kuyula.kuli Kalunga, akamutwale kucikolo, cipwe kucipamba cacikolo. Kaka yenyi akamutuwule litwitwi lyenyi nakatwalo, kaha akamuzacilenga milimo haya myaka yosena.

7Kaci nge lunga mwalanda mwanenyi wapwevo kupwa ndungo, pwevo kexi kulovoka nge omu veji kulovokanga vandungo vamalungako.

8Kaci nge napihi kumeso akaka yenyi, ou namumbate, etave vamusokole. Kexi kuhasa kumulanda kuli vaka-lifuci lyekako, mwomwo amwongele, xikaho.

9Kaci nge mwamuhangisa kuli mwanenyi walunga, amulinge nge mwavana venyi vamapwevo.

10Kaci mwakambata pwevo weka, kanda akakehesa kulya cenyiko, cipwe kuvwala cenyi, cipwe milimo yenyi yaulo.

11Kaci nge kexi kukamulingilanga vyumevi vitatuko, kaha uze pwevo akalovoke tuhu wana cakuzeneka kuhana jimbongo.

Jiximbi jakuvuluka vilinga vyaulyanyi

12Uze mwaveta mutu, nge mwafwa, vamujihe cakumujiha.

13 # Kula. 35.10-24; Luxi. 19.1-13; Yoxu. 20.1-9. Kaci nge mutu kexi kuswaminyina mukwavoko, kaci nge Kalunga mwamwecela mulivoko lyenyi, kaha nangumilweza kuze mwakacinyina.

14Oloze kaci nge mutu mwazamuka nakujiha mukwavo namakuli, mumufumisa kulijiko lyami lyakulumbila mangana akafwe.

15Ou mwaveta ise, cipwe naye, vamujihe cakumujiha.

16Ou mweva mutu nakumulanda, mokomoko nge navamuwana nenyi, vamujihe cakumujiha.

17Ou #Mateu 15.4; Mako 7.10.mwangula ise cipwe naye, vamujihe cakumujiha.

18Kaci nge malunga navakokojola, nge umwe mwaveta mukwavo nalilolwa mokomoko nakonyi, nge kexi kufwako, oloze mwaviza kaha hakahela kenyi,

19kaci nge mwakahinduka ceka nakutambuka kuweluka nakulijikilila hamukombo wenyi, kaha uze amuvetele kexi kukapwa namulongako, oloze akakuke kuzezama cenyi, akafwete hakumuhindula kanawa.

20Kaci nge mutu mwaveta ndungo yenyi walunga cipwe ndungo yenyi wapwevo nacitondo, nge himwamujiha, kaha vamutende cakumutenda.

21Cipwe ngoco, kaci nge mwaximbula likumbi limwe mokomoko makumbi avali, kanda vakamutendako, mwomwo napu jimbongo jenyi, xikaho.

22Kaci nge malunga navalipika, nakukuka pwevo ali najimo, ngoco mwana himwamufuma, nge kakwexi kupwa lupi lwekako, lunga vakamukukise cakumukukisa, nge omu mwamuvulukila lunga lyapwevo, akakuke nge omu navakamba vakakuyula.

23Oloze kaci nge nakusoloka lupi lweka, kaha vakahane mwono namwono ndwa.

24 # Mateu 5.38. naliso naliso ndwa, nalizo nalizo ndwa, nalivoko nalivoko ndwa, nalihinji nalihinji ndwa,

25nakuwemesa nakuwemesa ndwa, nambandu nambandu ndwa, namukiki namukiki ndwa.

Jiximbi jakuvulukomu mwatela vaka-kuheta vyuma kulinganga

26Kaci nge mutu mwaveta liso lyandungo yenyi walunga, cipwe liso lyandungo yenyi wapwevo, nakulyenyeka, amusuwule muundungo mwomwo haliso lyenyi.

27Kaci nge mwaveta ndungo yenyi walunga, cipwe ndungo yenyi wapwevo, nakupukula lizo lyenyi, amusuwule muundungo mwomwo halizo lyenyi.

28Kaci nge ngombe mwatuta lunga cipwe pwevo, nakumujiha, vamwase uze ngombe malolwa cakumwasa malolwa, kaha nyama yenyi kanda vakayilyako. Oloze mwenyangombe kexi kupwa namulongako.

29Oloze kaci nge ngombe atucilenga Ximbu kanda, nge vamulwezele mwenyayo, oloze kamusokeleko, oloze najihi lunga cipwe pwevo, kaha vamwase uze ngombe malolwa, kaha mwenyayo nawa vamujihe.

30Kaci nge vanamuvulukila jimbongo jakukuka mulonga, ahane vyexovyo navamuvulukila vipwe ndando yakusokola mwono wenyi.

31Kaci nge ngombe natutu lunga cipwe pwevo, vamulinge nge mwaya lizu lyaciyulo lino.

32Kaci nge ngombe mwatuta ndungo walunga, cipwe pwevo, vamuhane kaka yavo #21.32:Xekele yimwe yapwile kafwe maxilingi avali nasikisi natiki.jixekele japalata #Mateu 26.15.makumi atatu, kaha vamwase uze ngombe malolwa.

33Kaci nge mutu mwafwikununa wina, mokomoko kaci nge mutu mwafula wina nakuzeneka kuufwika, kaci nge ngombe cipwe cimbulu mwaholokelamo,

34uze mwenyawina amukuke, ahane jimbongo kuli mwenyayo, kaha cimuna wakufwa apwe wenyi.

35Kaci nge ngombe yamutu umwe mwalemeka ngombe yamutu mukwavo, ngoco himwafwa, valande ngombe wamutonyi, valipangile ndando yenyi. Kaha ngombe wakufwa nawa valipangileyo.

36Oloze kaci nge vanatacikiza ngwavo, uze ngombe atucilenga Ximbu kanda, ngwavo, mwenyayo kamusokeleko, akuke cakukuka ngombe nangombe ndwa, kaha uze wakufwa apwe wenyi.

Currently Selected:

KULOVOKA 21: LUE70

Highlight

Copy