KULOVOKA 22
22
Jiximbi jakuvuluka kuxixisa vyuma
1Kaci nge mutu mweva ngombe cipwe mukoko, nakumujiha cipwe kumulanda, axixisemo vangombe vatanu kungombe umwe, #Luka 19.namikoko vawana kumukoko umwe.
2Kaci nge mwiji navamuwana ali nakupuzula nakwingila, kaci nge navamuveta, ngoco himwafwa, kakwexi kupwa mulonga wakumwanga manyinga hali ikiyeko.
3Kaci nge likumbi linamututukila lyehi, nakupwa mulonga wakumwanga manyinga hali ikiye, axixisemo mwosena. Kaci nge kexi nacumako vamulande hakwiva cenyi.
4Kaci nge uze wakwiva navamuwana wamutonyi kulivoko lyenyi, cipwe ngombe, cipwe cimbulu, cipwe mukoko, axixisemo vavali.
5Kaci nge mutu mwaliwisa wande, cipwe wande wamivinyo, kaci nge mweca cimuna cenyi numba alye muwande wambala, axixisemo vize vyamuwande wenyi vyahambakana kuwaha, cipwe vize vyamuwande wenyi wamivinyo vyahambakana kuwaha.
6Kaci nge kakahya nakasambuka nakukwata kuviputa, ngoco milumba yamikuta hinayiwema, cipwe tiliku yakwimana, cipwe wande, ou ocanga kakahya axixisemo cakuxi-xisamo.
7Kaci nge mutu mwasela mukwavo jimbongo, cipwe vikumba, mangana avilame, kaci nge navaviva muzuvo yayauze mutu, kaci nge mwiji navamuwana, axixisemo vyuma vivali mucuma cimwe.
8Oloze kaci nge mwiji kavexi kumuwanako, kaha mwenyazuvo apandame kuli #22.9:Mokomoko ngwavo, Kuli vaka-kuyula.Kalunga, vamutale numba nge nahake livoko lyenyi kuvyuma vyamukwavo.
9Hamilonga yakuzomboka jiximbi yosena, cipwe hangombe, cipwe hacimbulu, cipwe hamukoko, cipwe hamahina, cipwe hakujimbala cuma cize mwavuluka mutu ngwenyi, Eci vene, vosena vavali vakeze kumeso #22.9:Mokomoko ngwavo, Kuli vaka-kuyula.aKalunga, kaha uze navakapayisa kuli Kalunga akamuxixixilemo mukwavo vyuma vivali.
10Kaci nge mutu mwasela mukwavo cimbulu, cipwe ngombe, cipwe mukoko, cipwe cimuna hicimuna, mangana amulame, kaci nge cimuna mwafwa, mokomoko nge navakamulemeka, mokomoko nge navakamuvombola, cakuzeneka kucimona,
11kulixinga Yehova cipwenga hakaci kavosena vavali, numba nge kahakile livoko lyenyi kuluheto lwamukwavoko, kaha mwenyalwo acitavile, ikiye kanda akaxixisamoko.
12Oloze kaci nge vanamwiviyo, akamuxixixilemo mwenyayo.
13Kaci nge vanamutanye, amuneheleyo kupwa unjiho. Kanda akaxixisa muli ou vanatanyeko.
14Kaci nge mutu mwatambula cimuna kuli mukwavo, nge vanamulemeka, mokomoko nge mwafwa, cakuzeneka mwenyayo kupwako, axixisemo cakuxixisamo.
15Kaci nge mwenyayo kwali, kanda akaxixisamoko. Kaci nge napu wakutambula hafweto, ejilanga hafweto yenyi.
Jiximbi jakuvuluka kutwama cavatu navakwavo
16Kaci nge lunga mwaximba pwevo acili kanda alimone nalunga, ou kanda vahuhwe, nakusavala nenyi, amuhanyine mivwi vene apwenga pwevo lyenyi.
17Kaci nge ise mwakana kumuhanayo, kaha akuke jimbongo jakweseka namivwi yakumbacisa pwevo kanda alimone nalunga.
18Kanda uketava muka-kupanda kuyoyako.
19Wexowo mwasavala nakanyama vakamujihe cakumujiha.
20Ou mwavatwila tulunga veka vimuna vamutengulwile kukufwa, xina amuvatwile Yehova kaha.
21Muka-kuzuzumana kanda muka-mulisa nacikelako, cipwe kumumwenesa makava. Mwomwo enu mwapwile muvaka-kuzuzumana mulifuci lyaEjipitu, xikaho.
22Kanda mukayanjisa pwevo watuliweko, cipwe mwana wakuzeneka ise.
23Kaci nge namuvayanjisa hacuma cimwe, nge navateta kuli Ami, kaha Camwenemwene nangwivwa miteto yavo.
24Nangukwata utenu, kaha nangumijinisa najipoko jamikwale, kaha mapwevo jenu navapwa vatuliwe, navana venu navazeneka masevo.
25Kaci nge kuli vatu jami muli navo mutu umwe muka-kuhutwa mwalevana kuli enu, kanda mukapwa muvaka-mikuli kuli ikiyeko, cipwe kumukaxila hasakuko.
26Kaci nge namutambula lihina lyaminenu kupwa cijikilo, mumuhilwixilalyo ceka ximbu kanda likumbi lilauke.
27Mwomwo likiko kaha linapu lyakulifwika nalyo, likiko linapu lihina lyenyi lyakuvwala hamujimba wenyi, nyi mwasavala naka? Kaha nacisoloka, kaci nge mwateta kuli Ami, nangumwivwilila, mwomwo Ami nguMuka-kutetela.
28Kanda mukatukana #22.28:Mokomoko ngwenyi, vaka-kuyulako.Kalungako, #Vili. 23.5.cipwe kwangula vamyata javakwenu vatu.
29Kanda mukalangisa kuhana kuvize namukaha, nakuvize vyakumenenu akukamwinako. Vana venu vamalunga vavatwatwa mukavahana kuli Ami.
30Mukiko nawa munamukalinga navangombe jenu namikoko jenu. Mwana akatwame nanaye makumbi atanu naavali. Eli lyamucitanu naatatu mukamuhana kuli Ami.
31Kaha pwenunga muvatu mwajilila kuli Ami, xikaho kanda mukalya nyama vanatanye tunyama mucipapako, mukayimbila kuli vatuwa.
Currently Selected:
KULOVOKA 22: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
