KULOVOKA 23
23
1Kanda mukambulula lingwavo lyamakuliko. Kanda mukalifutula navaka-kuhuka nakupwa muvinjiho vakuhengako.
2Kanda mukakava vatu vavavulu nakulinga mwamupiko, kaha hakuhakula mulonga kanda mukakava vatu vavavulu nakuhengesa ciyuloko,
3kaha nawa kanda mukalemesa muka-kuhutwa kumulonga wenyiko.
4Kaci nge namuwana ngombe yamuka-kole wenu, cipwe cimbulu cenyi, nalaluka, mukamukindulula cakumukindulula kuli ikiye.
5Kaci nge namuwana cimbulu cayou amihunga nasavala muxi yaciteli cenyi, kanda mumusezako, mumukafwa cakumukafwa kucilemuna.
6Kanda mukahengesa ciyulo camuka-kukalikiza ali kuli enu kumulonga wenyiko.
7Sosolokenu kwakusuku nacihande cakwonga, kaha kanda mukajihou azeneka cuma cakumupayixila, nayou wakwolokako, mwomwo kangwexi kusambisa muka-kuhukako.
8Kanda mukatambula maswekezako, mwomwo maswekeza eji kuvawuvisangava vanatono kumeso, nakuhengesa mazu avaka-kwoloka.
9Kanda mukayanjisou nazuzumanako, mwomwo enu munatacikiza mucima wamuka-kuzuzumana, mwomwo enu mwapwile muvaka-kuzuzumana mulifuci lyaEjipitu.
10Mukakuvakuva kumawande enu, mukahe mbuto jakwima hamyaka yitanu naumwe.
11Oloze hamwaka wamucitanu nayivali mukaweca nakusezako, mangana vaka-kuhutwa vamuli vakwenu vatu vakalyeko, kaha cize navaka-sezaho, tunyama vamuvipapa vaka-cilye. Mukalinga ngoco nawa namawande enu amivinyo, namawande enu amilive.
12Zatenunga milimo yenu makumbi atanu nalimwe, kaha likumbi lyamucitanu naavali mukanoka, mangana vangombe jenu navimbulu jenu vakanoke, navana vavandungo jenu vamapwevo navava vanazuzumanako nawa vakahwime.
13Lilamenunga muvyuma vyosenevi ngunamyambe, #Yoxu. 23.7; Samu 16.4.kanda mukavuluka majina atulunga vekako, kanda akevwakana mutunwa twenuko.
Viwanyino vyakutongola vitatu
(Kulo. 34.18-26; Luxi. 16.1-17)
14Mukangulingila ciwanyino hamwaka katatu hamwaka katatu.
15Mukalama ciwanyino cambolo yakuzeneka cimbalwila. Mukalyanga mbolo yakuzeneka cimbalwila makumbi atanu naavali, nge omu ngwamilwezele, oho ngunatongola hakakweji Avive (mwomwo hakiko vene mwalovokele muEjipitu). Mutu kanda akasoloka mavokovoko kumeso amiko.
16Kaha naciwanyino cakwaha mbuto jize jakulivanga kumilimo yenu, jize mwakuvile kumawande enu. Naciwanyino cakukungula, hakukumisa camwaka, omu namukakungula vyakumilimo yenu muwande.
17Vakwenu malunga vosena vakasoloke kumeso aMwata Yehova hamwaka katatu hamwaka katatu.
18Manyinga avimunava namuka-nguvatwila kanda mukawahana nambolo yacimbalwilako. Kaha nawa, maji akuviwanyino vyami kanda akasala palanga nahakucako.
19Kumbuto jakulivanga jakumawande enu jize jakulivangako mukajineha muzuvo yaYehova Kalunga kenu. Kanda mukateleka mwanapembe mumavele anayeko.
Kangelo kaYehova navamutuma ngwavo, avatwaminyinengako vaIsalele
20Tala, nangutuma kangelo kumeso enu kumilama mujila nakumihetesa kuze ngunalongesa.
21Lilamenunga kumeso enyi, mwivwililenunga mulizu lyenyi. Kanda mukamusowangizako, mwomwo kexi kumikonekela vilinga vyenu vyakuzomboka jiximbiko, mwomwo lijina lyami lili muli ikiye.
22Oloze kaci nge namwivwililanga vene mulizu lyenyi, nakulinga mwexomwo nanguhanjika, kaha nangupwa ngumuka-kole wavaka-kole jenu, ngumuka-kuyanjisa vaze nava-kamiyanjisa.
23Mwomwo kangelo kami mwata-mbukanga kumeso enu, nakumihetesa muli vaAmole navaHete navaPeliji navaKanane navaHivi navaYevuse, kaha nangukavatetamo.
24Kanda mukalifukula kuli tulunga twavoko, cipwe kuvazacila, cipwe kulinga mwaya vilinga vyavo, oloze mukavandumunandumuna, mukaci-kacika malolwavo akwimika cikiciki.
25Mukazacilanga Yehova Kalunga kenu, kaha Ikiye mwakawahisanga kulya cenu nameyenu, kaha nangukafumisa misongo muli enu.
26Mulifuci lyenu kamwexi kukapwou mwahongomona mwanako, cipwe mumba. Nangukatesamo makumbi enu.
27Nangukatuma muzuzu kumeso enu nakupinjisa vatu vosena kuze namukaya, kaha vaka-kole jenu vosena nangukavalingisa kumitalisa jinyima javo.
28Nangukatuma vamboji kumeso enu, navakahanga vaHivi navaKanane navaHete kumeso enu.
29Kangwexi kuvahanga kumeso enu hamwaka umwe kahako, kucina kulifuci nakupwa kwamokomoko, kucina tunyama vamuvipapa nava-kamivulila.
30Nangukavahanga cacindende cacindende kumeso enu, palanga nomu namukapwa munavulu lyehi, nomu namukaswana lifuci.
31Nangukafunjika ngiza yenu kufumisa kuKalungalwiji Ucila nakutwala kukalungalwiji kavaFwilixite, nakufuma kupambo nakutwala #23.31:Nge ngwenyi, KuKalwiji ou vavuluka ngwavo, Yufwalate.kuKalwiji. Mwomwo vaze vatwama mulifuci nangukavahana mumavoko enu, kaha namukavahanga kumeso enu.
32Kanda mukalixika navo luxikoko, cipwe natulunga twavo.
33Kanda vakatwama mulifuci lyenuko, kucina navakamivulumwisa mulonga kuli Ami. Mwomwo kaci nge namukazacila tulunga twavo, kaha Camwenemwene nacikapwa muheto kuli enu.
Currently Selected:
KULOVOKA 23: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
