KUPUTUKA 15
15
Kalunga mwamuxika Apalama kumuhana mwana
1Hakukumisa vyumevi, lizu lyaYehova lyejile kuli Apalama mukumumwenesa ngwenyi, Ove Apalama, kanda wivwa womako. Ami ngulukepwe lwove, ngufweto vove yayinene cikuma.
2Apalama amwambile ngwenyi, Ove Mwata Yehova, naukanguhana ika, hamono ami kangwexi namwanako, kahou mwakaheta zuvo yami ikiye Eliyeze wakuNdamaxiku?
3Apalama amwambile ngwenyi, Tala, kawanguhanyine mwanako, kaha tala, umwe wakusemukila muzuvo yami ikiye napu swana yami.
4Kaha tala, lizu lyaYehova lyejile kuli ikiye nakumwamba ngwenyi, Ou kexi kukapwa swana yoveko, oloze uze mwakasemuka mujimo lyove ove lyavene ikiye mwakapwa swana yove.
5Amulowele haweluka, amwambile ngwenyi, Tala jino kwilu, ulave vatanganyika, numba nge nauhasa kuvalava. Kaha amwambile ngwenyi, Mukiko vene #Loma 4.18.munavakapwa vaka-tanga yove.
6 #
Loma 4.3; Ngale. 3.6; Yako. 2.23. Jino ikiye amwitavile Yehova, kaha Yehova amuvulukilileco ngwenyi, Cikiko kwoloka.
7Amwambile ngwenyi, Ami yami Yehova, yami ngwakulowele kuUle kulifuci lyavaKalateya, mangana ngukakuhane lifuci lino ukaliswane.
8Ikiye amwambile ngwenyi, Ove Mwata Yehova, halihi nangutacikijila ngwami, nangukaliswana?
9Amwambile ngwenyi, Ngukwacile ngombe wacipwevo wamyaka yitatu kanda aseme, napembe wacipwevo wamyaka yitatu, nacizamba camukoko wamyaka yitatu, nakatela namwanaliyembe.
10Amutwalilile ava vosena, avahandunwine mukaci, ahakile mutamba kuluhaci, mutamba nawa kuluhaci, oloze tujilanyi kavahandunwineko.
11Kahomu vasakile makuvi kuwila hamijimba, Apalama avahangile.
12Omu lyapwile likumbi nakulauka, tulo twatuvulu twamuwanyine Apalama, kaha tala, muzuzu wamilima wi wamuwanyine.
13Yehova ambile kuli Apalama ngwenyi, Tacikiza kanawa, #Kulo. 1.13, 14; Vili. 7.6, 17. mwomwo vaka-tanga yove navakapwanga vaka-kuzuzumana mulifuci lyambala. Navakavazacilanga. Vakivo navaka-vayanjisanga myaka makulukaji awana.
14Kaha nawa, vaka-lifuci lize, vaze vene navakazacilanga, #Kulo. 7.14—12.36.Ami nangu-kavapayisa, kaha kulutwe numba vakalovokemo naluheto Iwalunene.
15Oloze ove naukaya kuli vakaka jove nakeke, navakakufunda haukule wamwaza.
16Oloze hakusemunwina camuciwana navakahiluka ceka kuno, mwomwo kanda kuhenga cavaAmole cisulilile.
17Kaha casolokele, omu lyalaukile likumbi, kwalingile kuneza lyehi milima, kwapwile lilungu lyakufwinda wixi namumunyi wakakahya, ukiko wahicile mukaci kamitamba yize.
18Halikumbi lize Yehova alixikile luxiko naApalama ngwenyi, Vaka-tanga yove ngunavahane lifuci lino, kufumisa kukalwiji kaEjipitu palanga nakukalwiji wamunene, kalwiji Yufwalate,
19navaKene navaKeneze navaKatamone
20navaHete navaPeliji navaLefwa
21navaAmole navaKanane navaNgilingaxe navaYevuse.
Currently Selected:
KUPUTUKA 15: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
