KUPUTUKA 19
19
Navanongesa Sotome naNgomola
1Jino vaze vangelo vavali vahetele kuSotome hacingoloxi. Lote apwile nakutwama kucikolo caSotome. Lote avamwene, kaha akatukile nakuvakikilila, alifukwile nameso enyi hamavu.
2Avambile ngwenyi, Enu vamyata jami, talenu jino, peukilenu muzuvo yayami ngamba yenu, mwane, mutwamemo ufuku wosena, musane kumahinji enu, kaha namumeneka cimenemene hinamuya mujila yenu. Vamwambile ngwavo, Nduma, oloze natutwama ufuku wosena haweluka.
3Avaxinjilile cikuma, kaha vapeukilile muze mwenyi nakwingila muzuvo yenyi. Avatelekelele kulya cacivulu, ocele jimbolo jakuzeneka cimbalwila, kaha valile.
4Oloze Ximbu vapwile kanda vasavale, malunga vamunganda, malunga vamuSotome, vajingulwixile zuvo ce ndo, navakweze navakulwane, vatu vosena vakumitamba yosena.
5Vamutainbikile Lote, vamwambile ngwavo, Ava malunga vaneza kuli ove naufuku uno vali kulihi? Tulowelevo tulimone navo.
6Lote alovokele kuli vakivo kuze apwile kucikolo, asokelemo lipito munyima yenyi.
7Avambile ngwenyi, Enu vandu-mbwami, ngunasakwila mwane, kanda mupihisa ngocoko.
8Talenu jino, nguli navana vami vamapwevo vavali kanda valimone lyehi namalunga. Ngumilowelevo vakivo mwane, muvalinge vakivo nge omu munamono mwamwaza. Oloze kanda muvalinga malungava cumako, mwomwo vanengila muzuvo yami.
9Vamwambile ngwavo, Ehukako. Valyambile nawa ngwavo, Ou ejile muno azuzumane, kaha mwasaka kupwa muka-kuyula. Jino natukupi-hisove kuhambakana vakivo. Kaha vamuxindakanyine cikuma uze lunga, ivene Lote, vapandamineko ngwavo, vapazule lipito.
10Oloze vaze malunga valowele mavoko avo, vamukokele Lote muzuvo muli vakivo, nakusokako lipito.
11Kaha vavetele malunga vaze vapwile kucikolo cazuvo naupuputa, navava vavandende navava vavanene, ngoco valikatalixile ngwavo, vawane lipito.
12Vaze malunga vamwihwile Lote ngwavo, Uli navakwenu veka muno, tahi? vaisowenu navana vove vamalunga navava vamapwevo navexovo uli navo munganda, valovole muno.
13Mwomwo natunongesa nganda yino, mwomwo miteto yavo yinatoho cikuma kumeso aYehova, kaha Yehova natutumu mangana tuyinongese.
14Lote alovokele, ahanjikile kuli vaisewenu, vaze vambacile vana venyi vamapwevo, avambile ngwenyi, Katukenu, fumenu muno, mwomwo Yehova mwanongesa nganda yino. Oloze vaisewenu vamujinyine ngwavo, ali nakutuhenda.
15Kaha nge kuce, vangelo vamwa-nguhwixile Lote ngwavo, Katukako, yako napwevo lyove navana vove vamapwevo vavali ava vali kuno, kucina naunonga mukuhenga cavaka-nganda.
16Oloze alangixile, kaha vaze malunga vamukwacile kulivoko lyenyi, napwevo lyenyi nawa kulivoko lyenyi, navana venyi vamapwevo vavali kumavoko avo, mwomwo Yehova amutetelele. Vamulowele nakumutwala kusali yanganda.
17Kaha casolokele, omu valingile hivanavalovola lyehi, Yehova amwambile ngwenyi, Cina, ulwile mwono wove. Kanda utala ceka munyima yoveko, kaha kanda wimana hacana cosenako. Cinyina kupili kucina naunonga.
18Lote avambile ngwenyi, Ciku mwane, ove mwata wami.
19Tala jino, ami ngamba yove ngunawane likoji kumeso ove, kaha i unatohwesa keke yove unangulweze hakulwila mwono wami. Ami kangwexi kuhasa kucinyina kupiliko, kucina lupi nalukanguwana, kucina nangukafwa.
20Tala jino, limbo eli lili hakamwihi mangana ngucinyineko, likiko lyalindende. Ngwitavile mwane ngucinyine kuze (likiko lyalindende nyi?), kaha mwono wami nauyoya.
21Amwambile ngwenyi, Tala, ngunakwitavila hacumeci nawa, ngoco kangwexi kunongesa limbo lize unavulukako.
22Anguhwisa ucinyine kuze, mwomwo kangwexi kuhasa kulinga cumako kuvanga unahete kuze. Xikaho valukile lijina lyalimbo lize ngwavo, #19.22:Nge ngwavo, Lyalindende.Zowale.
23Likumbi lyalingile linatutuka lyehi hamavu haze ahetele Lote kuZowale.
24Hahaze vene #Luka 17.29; Yuta 7.Yehova anokesele vula #19.24:Sulufulu yinapu vitumbo vyausungwa, hakuwema navilovola wixi wakuswamisa kumiliu wakuneha kufwa.yasulufulu nakakahya haSotome nahaNgomola, vula yakufuma kwilu kuli Yehova.
25 #
Petu. 2, 2.6. Anongesele jinganda jize, nacana cosena, navosena vaze vatwaminenga mujinganda jize, navize vyasokele hamavu.
26Oloze pwevo lyaLote apwile munyima yenyi #v. 17; Luka 17.32.atalile munyima, kahalumukile kupwa kaumbu kamungwa.
27Apalahama amenekele cimenemene nakuya kuze #18.22. emanyine kumeso aYehova.
28Atalile kuSotome naNgomola nakulifuci lyacana lyosena nakumona, kaha kumana, wixi walifuci lize wapwile nakufwinda nge wixi walilungu.
29Kaha casolokele, omu anongesele Kalunga jinganda jahacana, Kalunga anukile Apalahama, #Petu. 2, 2.7.alowele Lote mukunonga cize, omu anongesele jinganda jize mwatwaminenga Lote.
30Lote afumine muZowale, ayile nakutwama kupili, navana venyi vamapwevo vavali nawa ayile navo, mwomwo evwile woma wakutwama muZowale, xikaho. Atwamine muwina wakusendeleka, naikiye navana venyi vamapwevo vavali.
31Jino mwanenyi watwatwa ambile kuli songo yenyi ngwenyi, Setu nakulu lyehi, kaha hamavu kahexi lunga wakwingila muli etu nge omu veji kulinganga vaka-mavu vosena.
32Tuyenga, tumunwise setu vinyo, kaha natusavala nenyi, mangana tulame tanga yasetu.
33Ufuku uze vamunwixile sevo vinyo, kaha mwanenyi watwatwa i engilile nakusavala naise. Oloze ise katacikijileko nomu asavalile mwanenyi nomu ahindukile.
34Kaha casolokele hakuca, mwana watwatwa ambile kuli songo yenyi ngwenyi, Tala, ami ngwasavalanga natata zau. Ufuku walelo nawa tumunwise vinyo, kaha ingilove usavale nenyi nawa, mangana tulame tanga yasetu.
35Vamunwixile sevo vinyo naufuku uze nawa. Kaha mwanenyi wakanyike ayile nakusavala nenyi. Oloze ise katacikijileko nomu asavalile nomu ahindukile.
36Ngoco vana vaLote vosena vavali vapwile namajimo akuli sevo.
37Mwanenyi watwatwa asemene mwana walunga, amulukile lijina lyenyi ngwenyi, Mowave, ikiye ise yavaMowave nakulikumbi lyalelo.
38Nasongo yenyi nawa, ikiye nawa asemene mwana walunga, amulukile lijina lyenyi ngwenyi, Mbenami, ikiye ise yavana vaAmone nakulikumbi lyalelo.
Currently Selected:
KUPUTUKA 19: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
