LUKA 16
16
Ciximo cakalama wakuhenga
1Yesu ambile nawa kuli tumbaji twenyi ngwenyi, Kwapwile mutu muka-luheto apwile namuka-kumulamina vyuma vyenyi, kahou vamwambulwile kuli mwata wenyi ngwavo, Ali nakwenyeka vikumba vyove.
2Amusanyikile, amwihwile ngwenyi, Ngacilihi evi ngunevu hali ove? Ngulumbunwine kanawa ulama wove, mwomwo kawexi kuhasa kupwa ceka umuka-kungulamina vyuma vyamiko.
3Kaha uze muka-kulama vyuma vyambala alyambile mumucima wenyi ngwenyi, Nangulinga muka? Mwomwo mwata wami mwangufumisa kuulama. Ngolo jakulima kangwexi najoko. Kulombalomba ngwacivwa sonyi nawa.
4Ngunanuka jino mwakulingila, mangana hakungufumisa kuulama vakangwitavile mumazuvo avo.
5Kaha asanyikile vaka-mikuli yamwata wenyi veze kuli ikiye umwe naumwe, ambile kuli ou watete ngwenyi, Mukuli wove namwata wami waheta muka?
6Ikiye amwambile ngwenyi, Wavyesekelo vyamaji likulukaji. Amwambile ngwenyi, Tambula mukanda wove, twama waxi, soneka makumi atanu.
7Himwamba kuli weka ngwenyi, Ove nawa mukuli wove waheta muka? Ikiye amwambile ngwenyi, Wavyesekelo vyatiliku likulukaji. Himwamwamba ngwenyi, Tambula mukanda wove, Soneka makumi atanu naatatu.
8Kaha mwata wenyi amwalixile uze muka-kulama vyuma vyenyi wakuhenga, mwomwo alingile mwakuzangama, xikaho. Mwomwo #21.34.vana vamyaka yino vanazangama kucisemwa cavo vavene kuhambakana #Teso. 1, 5.5; Efwe. 5.8; Yowa. 12.36.vana vamusana.
9KahAmi nangumilweza ngwami, #11.41; 12.33; 18.22; Mateu 19.21.Likwacilenu masepa naluheto lwakuhenga, manganomu nalukahwa vakamitavile mumautwamo ahaya myaka yosena.
10 #
19.17; Mateu 25.21, 23. Ou mwaxixikila hacuma cacindende cikuma mwaxixikila nahacuma cacinene nawa, kahou mwahengesela hacuma cacindende cikuma mwahengesela nahacuma cacinene nawa.
11Xikaho kaci nge kamwaxixikile naluheto lwakuhengako, iyaze mwakamifwelela nakumisela luheto lwamucano?
12Kaha kaci nge kamwaxixikile nacuma cambalako, oco cayenu iyaze mwakamihanaco?
13 #
Mateu 6.24. Kakwexi ngamba umwe mwahasa kuzacila vamyata jenyi vavaliko. Mokomoko mwahunga umwe nakuzanga mukwavo, mokomoko mwalipanjika naumwe nakulumbilisa mukwavo. Kamwexi kuhasa kumuzacilanga Kalunga naluheto hamweko.
14Kaha vaFwaliseu, vapwile #Cimo. 2, 3.2.vakakuzata jimbongo, vevwile vyuma vyosenevi, kaha vamuhendele.
15Avambile ngwenyi, Enu yenu vene #10.29; 18.9, 14.muvaka-kulisambisenu vavene kumeso avatu, oloze #Samwe. 1, 16.7; Vixi. 21.2; Vili. 1.24; Loma 8.27.Kalunga natacikiza micima yenu, mwomwoco vazezula helu muli vatu, kumeso aKalunga cinapu caunyengwe.
Jiximbi nawangana waKalunga
16 #
Mateu 11.12-13. Jiximbi namazu avapolofweto kuvyapwilenga mbwe nakuli Yowano. Kufumisa haze veji kwambululanga mujimbu wamwaza wawangana waKalunga, kaha mutu hi mutu mwacicimikilamo.
17 #
21.33; Mateu 5.17-18. Oloze lilu namavu kuhita cacaxi, oloze kamukila kasona yakuJiximbi kamwe kuhita cacikalu.
Omu mwanangula Yesu hakuvuluka kutumbika mapwevo i
(Mateu 19.1-12; Mako 10.1-12)
18 #
Mateu 5.31-32; Koli. 1, 7.10-11. Wose mwatumbika pwevo lye! nyi, himwambata weka, nalingi ujila. Kahou mwambata pwevo vanatumbika lyehi kuli lunga lyenyi, ikiye nalingi ujila. Muka-luheto naLazalu
19Jino kwapwile mutu muka-luheto avwalilenga mahina acila nawawa alinyu lyamwaza, apwile nakusehelela hakumbi hakumbi nakutwama mwawangana.
20Kaha kucikolo cenyi vatumbikilengako muka-kuhutwa, lijina lyenyi apwile ikiye Lazalu, ikiye mujimba wenyi wosena wapwile navilonda lika.
21Asakilenga ngwenyi, alyenga wangululu waholokelenga kumesa yayauze muka-luheto. Kaha cipwe vatuwa vejilenga nakumulasa kuvilonda vyenyi.
22Kaha casolokele, uze mukakuhutwa afwile, kaha Vangelo vamutwalile #Yowa. 13.23; 1.18.kutulo yaApalahama. Nauze muka-luheto nawa afwile, kaha vamufunjile.
23Hakuyanda cikuma #16.23:Tala 10.15.muHetese andwile meso enyi, amwene Apalahama kwakusuku naLazalu kutulo yenyi.
24Kaha atambakanyine ngwenyi, Ove tata Apalahama, acinguteteleko mwane, mutume Lazalu, atupike songo yamunwe wenyi mumeya, angutucise halilimi lyami, mwomwo nguli nakumona makava #Mateu 25.41.mumilangi yino, xikaho.
25Oloze Apalahama amwambile ngwenyi, Ove mwanami, anuka, #6.24.vyuma vyove vyamwaza wavimwenenga omu wapwilenga ucili umutonyi, kaha ngoco nawa Lazalu amwenenga vyavipi. Oloze muno vanamuvendejeka jino, kahove uli nakumona makava.
26Kaha nawa, mukaci kayetu nayenu vanahakemo wina waunene, manganava navasaka kuzauka nakuya musali oyo muli enu vahone, cipwe kufuma musali oyo nakuzauka nakwiza kuli etu.
27Kaha amwambile ngwenyi, Xikaho jino ove tata, ngunasakwila ngwami, umutume kuzuvo yatata.
28Mwomwo nguli navandumbwami vamalunga vatanu, mangana akavambulile unjiho wenyi kucina navakivo nawa navakengila muno muma mumalwa.
29Oloze Apalahama himwamwamba ngwenyi, Vali #4.17; Yowa. 5.45-47; Vili. 15.21.namazu aMose nawawa avapolofweto, vawevwilile akiko.
30Oloze amwambile ngwenyi, Nduma, ove tata Apalahama, oloze kaci umwe wakusanguka kuvafu mwaya kuli vakivo, kaci navakapihilila nakwalumuka.
31Oloze amwambile ngwenyi, Kaci nge kavexi kwivwilila mazu aMose nawawa avapolofwetoko, kaha cipwe nakusanguka mutu kuvafu kaci nawa kavexi kukunyukako.
Currently Selected:
LUKA 16: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
