LUKA 17

Kulimbwisa vakwenu

(Mateu 18.6-7, 21-22; Mako 9.42)

1Yesu ambile kuli tumbaji twenyi ngwenyi, #Mateu 18.7; Koli. 1, 11.19; Cimo. 1, 4.9.Kavexi kuhasa kulinga mwakuhonesa vimbunji kusolokako, oloze mama lelo hali ou mwavineha!

2Cinawahe kuli ikiye kaci vanamukaxilila lilolwa lyakucekesa unga lyalinene muxingo, nakumumbila mukalungalwiji, oloze kulimbwisa umwe wakuli ava vavandende kacawaha kuli ikiyeko.

3Lilamenunga. #Mateu 18.15.Kaci nge ndumbwove mwavulumuna mulonga, muhuhumune. Kaci nge mwapihilila nakwalumuka, mukonekele.

4Kaha nge mwakuvulumuna #Mateu 18.21-22.katanu nakavali halikumbi lyolimwe, kaha himwalumuka ceka katanu nakavali kuli ove nakukwamba ngwenyi, Ngunapihilila, mukonekele.

Tutohwesele kufwelela cetu

5 # Mateu 17.20; 21.21; Mako 11.22-23. Kaha #17.5:Tala 6.13.vaposetolo Vambile kuli #7.13.Mwata ngwavo, Tutohwesele kufwelela cetu mwane.

6Mwata avambile ngwenyi, Mwapwanga mukweci kufwelela cakweseka #Mateu 13.31.nge mbuto yamusetale yimwe, kaci namwamba kumusuhwa uno ngwenu, Vunyuka, litumbe mukalungalwiji, kaha kaci nawononoka kuli enu.

Milimo yandungo

7Oloze muli enu muli iya ali nandungo yenyi ali nakulima cipwe nakufunga mikoko, kaha cose nafumu kuwande nakwiza ceka hembo himwamwamba ngwenyi, Twaya waxi utwame kumesa?

8Nyi kexi kumwamba ngwenyi, Ngutelekele kulya ngulyenga, #12.37; Yowa. 13.3-5.lijicike muhya mumbunda, unguhane kulya palanga nomu nangumanyisa kulya nakunwa, kaha numbove ulyenga unwenga?

9Mwamusakwilila uze ndungo numba, mwomwo nalingi vyuma kana amulwezanga?

10Ngoco nayenu nawa, cose munalingi lyehi vyosenovyo vanamilweze mukamba ngwenu, Tuvandungo vamokomoko, tunalingi evi kaha vyatelangetu kulinga.

Yesu mwahindula vaka-mbumba likumi

11Kaha casolokele, omu vapwile nakuya #9.51; 13.22; 19.11.kuYelusalema, apwile nakupalika mukaci kaSamaliya naNgalileya.

12Hakwingila mwimbo limwe, kwamuwanyine malunga vaka-mbumba likumi, #Levi 13.45-46.vemanyine hahasuku,

13vatambakanyine ngwavo, Ove Yesu, #5.5; 8.24-25; 19.33, 49.Ove Mwata, acituteteleko mwane.

14Ikiye hakuvamona avambile ngwenyi, Yenu #5.14; Mateu 8.4; Mako 1.44; Levi 14.2-32.mukalisolole kuli vapilixitu. Kaha casolokele, omu vapwile nakuya vatomene.

15Minavo umwe hakulimona ngwenyi, vanamutomesa lyehi, ahilukile nakutohwesa Kalunga nalizu lyakukanguka.

16Kaha alimbilile cameso-hamavu kumahinji aYesu nakumusakwilila. Apwile kaSamaliya.

17Kaha Yesu ahanjikile ngwenyi, Kavavatomesele vosena likumiko numba? Oloze vaze vatanu navawana vali kulihi?

18Kumana, kakwasolokele cipwe umwe kukinduluka nakumutohwesa Kalungako, xinou muka-muyaci weka kaha?

19Kaha amwambile ngwenyi, Katuka, uyenga kwove, #8.48; 18.42; Mateu 9.22; Mako 5.34.kufwelela cove cinakuhindula.

Kwiza cawangana

(Mateu 24.23-38, 36-41)

20VaFwaliseu hakumwihula ngwavo, #19.11; 21.7; Vili. 1.6.Mwaka uka nawiza wangana waKalunga? avakumbulwile ngwenyi, Wangana waKalunga kawexi kwiza nakuumona namesoko.

21Kaha vatu kavexi kwambako ngwavo, Auno, cipwe kwamba ngwavo, Auze, mwomwo ivwenu, wangana waKalunga uli muli enu, xikaho.

22Kahambile kuli tumbaji twenyi ngwenyi, #5.35; Mateu 9.15; Mako 2.20.Nakukeza makumbi eka omu namukasaka ngwenu, mumone likumbi lyaMwanamutu limwe, oloze kamwexi kukalimonako.

23 # 21.8; Mateu 24.23; Mako 13.21. Kaha navakamyamba ngwavo, Auze, ngwavo, Auno. Kanda mukayakoko, cipwe kuvakavangizako.

24Mwomwo #Mateu 24.27; Kuso. 1.7.nganomu naulinga muveso hakuvesa kumutamba walilu umwe, weji kuvesanga mbwe nakumutamba walilu ukwavo, ngoco vene mumwakapwa Mwanamutu halikumbi lyenyi.

25Oloze #9.22; Mateu 16.21.kuvanga avangile kuyanda navyuma vyavivulu, nakumukana kuli vaka-tanga yino.

26Kaha #Kupu. 6.5-8; 7.6-24.nge muze capwile hamakumbi aNowa, mukiko vene munacikapwa nahamakumbi aMwanamutu nawa.

27Valilenga, vanwinenga, vambacilenga mapwevo, vahangixilenga mapwevo, palanga nakulikumbi lize engilile Nowa muwato, kaha livaji lyejile lyavanongesele vosena.

28Ngoco nawa #Kupu. 18.20-23; 19.24-25.nge muze capwile nawa hamakumbi aLote, valilenga, vanwinenga, valanjilenga, valumbilenga, vatungilenga,

29oloze halikumbi lize alovokele Lote kuSotome kwanokele vula yakakahya #17.29:Sulufulu yinapu vitumbo vyausungwa. Hakuwema navilovola wixi wakuswamisa kumiliu wakuneha kufwa.nasulufulu yakufuma mwilu yavanongesele vosena.

30Mukiko nawa munacikapwa halikumbi lize #Koli. 1, 1.7; Teso. 2, 1.7; Petu. 1, 1.7; 4.13; Kolo. 3.4; Yowa. 1, 2.28; Mateu 16.27.mwakasoloka Mwanamutu.

31 # 21.21; Mateu 24.17-18; Mako 13.15-16. Halikumbi lize uze ali helu lyazuvo yenyi, navyuma vyenyi muzuvo, kanda akasulukaho avitwale kwekako. Kaha uze ali kuwande kanda akakinduluka munyimako.

32 # Kupu. 19.26. Mwanukenunga pwevo lyaLote.

33 # Mateu 10.39; 16.25; Mako 8.35; Luka 9.24; Yowa. 12.25. Wose mwasaka ngwenyi, alilaminenga mwono wenyi, mwaujimbalisa, kaha wose mwajimbalisa mwono wenyi mwaulwila wautonyi.

34Nangumilweza ngwami, Haufuku uze nakukapwa malunga vavali hakahela kamwe. Umwe navakamutambulako, mukwavo navakamusezako.

35Nakukapwa mapwevo vavali nakuceka unga hamwe. Umwe navakamutambulako, mukwavo navakamusezako.

36Nakukapwa malunga vavali kuwande. Umwe navakamutambulako, mukwavo navakamusezako.

37Kaha vakivo vamukumbulwile Vamwihwile ngwavo, Ove Mwata, kulihize oku? Avalwezele ngwenyi, Kwexokwo kuli civimbi, kwakuze vene navakungulukila namakuvi nawa.

Currently Selected:

LUKA 17: LUE70

Highlight

Copy