LUKA 18
18
Ciximo capwevo watuliwe namuka-kuyula
1Avatetele ciximo nakuvalwezomu #11.5-10.catela kuli vakivo kulombanga makumbi osena nakuzeneka #Koli. 2, 4.1.kuzeya,
2ngwenyi, Kwimbo limwe kwapwile muka-kuyula, ikiye kamwivwilenga Kalunga womako, kakomokelenga mutuko.
3Kwimbo lize kwapwile pwevo watuliwe. Kaha uze pwevo ejilenga kuli ikiye nakumwamba ngwenyi, Nguyulile kuli muka-mulonga wami.
4Makumbi amwe ketavileko, oloze hakukuminyina alyambile mumucima wenyi ngwenyi, Cipwe kangwamwivwa Kalunga womako, cipwe kukomoka mutu,
5oioze #11.8.mwomwou pwevo watuliwe eji kunguyanjisanga, xikaho nangumuyulila kuli muka-mulonga wenyi, kucina mwezanga lika nakungukatalisa.
6Kaha #7.13.Mwata ambile ngwenyi, Ivwenu omu nambe uze mukakuyula wakuhenga.
7Kaha Kalunga kexi #Kuso. 6.10.kukavayulilako numba, vatu jenyi #Mateu 24.22; Loma 8.33; Kolo. 3.12; Cimo. 2, 2.10; Citu. 1.1.asakula ava veji kumutambikanga namusana naufuku, cipwe hali vakivo #Petu. 2, 3.9.mwatalilila cikoki?
8Nangumilweza ngwami, Mwavayulila waxi vene. Oloze cipwe ngoco, omu mwakeza Mwanamutu lufwelelo mwakaluwana hano hamavu tahi?
Ciximo cakaFwaliseu namuka-milambu
9Atete nawa ciximo cino kuli vamwe #16.15.valifwelelele vavene ngwavo, Tuvaka-kwoloka, valumbilixile vakwavo vosena ngwenyi,
10Kwapwile vatu vavali vakandukile kutembele nakulomba, umwe apwile kaFwaliseu, mukwavo apwile muka-kukonga milambu.
11Uze kaFwaliseu #Mateu 6.5; Mako 11.25.emanyine nakulilomba ngana ngwenyi, Ove Kalunga, tunakusakwilila mwomwo kangwafwana nge vatu vekako, vakivo vaka-lulami, vaka-kuhengesa, vaka-ujila, cipwe nge ou mukakukonga milambuko.
12Hasemana hasemana ngweji kulitwaminanga kulya kavali. Kuvyuma vyosenevi nanguwana #11.42.ngweji kuhanangevi vyakusokesa mumakumi.
13Oloze uze muka-kukonga milambu hakwimana hahasuku #Ezela 9.6.kasakile cipwe kwandula meso enyi nakutala kwiluko, oloze #23.48.alivetele hapambo lyenyi nakupihilila ngwenyi, Ove Kalunga, acinguteteleko mwane, ami yami muka-xili.
14Nangumilweza ngwami, Ou axikumukile kuzuvo yenyi vanamusambisa lyehi, oloze mukwavo nduma. Mwomwo #14.11; Mateu 23.12.wose mwalilemesa ivene navakamwinyisa, oloze #Mateu 18.4; Petu. 1, 5.6.ou mwalinyisa ivene navakamulemesa.
Yesu mwawahisa vana vavandende
(Mateu 19.13-15; Mako 10.13-16)
15Kaha vapwile nakumutwalila vakemba javo nawa, mangana ngwavo, avanangike mavoko enyi. Oloze tumbaji twenyi hakuvamona vavakanyixile.
16Oloze Yesu avasanyikile veze kuli Ikiye, avambile ngwenyi, Vetavilenu vana vavandende vezenga kuli Ami. Kanda muvakanyisako, mwomwo wangana waKalunga unapu wavava vangana, xikaho.
17Camwenemwene nangumilweza ngwami, #Mateu 18.3.Wose mwakana kuwitavila wangana waKalunga nge mwana wamundende, kexi kwiza kukengilamoko.
Cilolo camwanalunga muka-luheto
(Mateu 19.16-30; Mako 10.17-31)
18Kaha kwapwile cilolo amwihwile ngwenyi, Ove muka-kunangula wamwenemwene, #10.25.nangulinga muka mangana ngukaswane kuyoya cahaya myaka yosena?
19Yesu amwambile ngwenyi, Ikaze naunguvulukila ngwove, nguwamwenemwene? Naumwe pimbi apwa wamwenemwene, kuvanga Umwe kaha, Ivene Kalunga.
20Jiximbi unajitacikiza, omu ngwavo, #Kulo. 20.12-16; Luxi. 5.16-20; Loma 13.9; Yako. 2.11.Kanda Ukalinga ujilako, ngwavo, kanda ukajiha mutuko, ngwavo, kanda ukevako, ngwavo, kanda Ukambulula unjiho wakwongako, ngwavo, Vumbikanga iso nanoko.
21Amwambile ngwenyi, Vyosenevi ngwavilama lyehi kufumisa kuunyike wami.
22Yesu hakucivwa amwambile ngwenyi, Kuli ove kucinasale cuma cimwe. #12.33; Vili. 2.45; 4.32.Kalanjise vyexovyo uli navyo, ukavipangile kuli vaka-kuhutwa, kaha naukatwamanga #Mateu 6.20.naluheto mwilu. Kaha twaya ungukavangizenga.
23Oloze ikiye hakwivwa mazu awa anyengetelele cikumakuma, mwomwo apwile muka-luheto lwalunene, xikaho.
24Yesu hakumumona ambile ngwenyi, Omwo cavakaluhwilava vali naluheto kwingila muwangana waKalunga!
25Mwomwo kuli ngamela kuhita muliso lyandongo cacaxi, oloze kuli muka-luheto kwingila muwangana waKalunga cacikalu.
26Vaze vacivwile vamwihwile ngwavo, Nyi iyaze mwakahasa kulilwila?
27Oloze avambile ngwenyi, #Kupu. 18.14; Yopa 42.2; Yele. 32.17; Luka 1.37.Vyuma vize vahona vatu vanavihase kuli Kalunga.
28Petulu amwambile ngwenyi, Tala, etu tunaseze lyehi vyuma vyetu, tunakukavangiza.
29Kaha avambile ngwenyi, Camwenemwene nangumilweza ngwami, Kakwexi mutu umwe naseze zuvo yenyi, cipwe pwevo lyenyi, cipwe vandumbwenyi, cipwe visemi vyenyi, cipwe vana venyi, hawangana waKalunga,
30kakwexi umwe mwazeneka kutambwilaho vyavivulu cikuma hamyaka yino, kaha kumyaka nayikezaho mwakatambula kuyoya cahaya myaka vosena.
Kufwa cenyi Yesu mwacivuluka ceka kamucitatu
(Mateu 20.17-19; Mako 10.32-34)
31Kaha avakungulwile vaze likumi navavali, avambile ngwenyi, Talenu, #9.51.tuli nakukanduka kuYelusalema, kaha #Samu 22; Isa. 53.vyuma vyosena vize vasoneka mumikanda yavapolofweto navikalumbunukila hali Mwanamutu.
32Mwomwo #Mateu 16.21.navakamuhana kuli vaka-mafuci eka, navakamuhenda navakamusaula navakamufwijila maleji,
33navakamuveta vikote, navakamujiha, kaha halikumbi lyamucitatu himwakasanguka ceka.
34Oloze vakivo #9.45; Mako 9.32.kuvyuma vyosenevi nacimwe pimbi cavalumbunukilile, lizu eli vavaswekelelyo, kaha vyumevi ambile kavavitacikijileko.
Yesu mwatonesa kapuputa kwakamwihi naYeliko
(Mateu 20.29-34; Mako 10.46-52)
35Kaha casolokele, Ikiye hakupandama kuYeliko, kwapwile kapuputa nakutwama kutenga yajila nakulombalomba.
36Omu evwile kuli nakupalika liyongomena, ehwile ngwenyi, Ovyo vika?
37Vamulwezele ngwavo, Yesu wakuNazaleta ali nakupalika.
38Kaha atambakanyine ngwenyi, Ove Yesu, Ove #Mateu 9.27.mwanaNdavici, acinguteteleko mwane.
39Vaze vatwaminyineko vamukanjile mangana ngwavo, ahole kulu. Oloze ikiye ahambakanyine kutambakana cikuma ngwenyi, Ove mwanaNdavici, acinguteteleko mwane.
40Yesu emanyine, avalwezele ngwenyi, munehenu kuli Ami. Omu alingile hanapandama lyehi, amwihwile ngwenyi,
41Unasake ngwove, ngukulingile ika? Amwambile ngwenyi, Ove Mwata, ngutone kumeso ami mwane.
42Yesu amwambile ngwenyi, Tona, #7.50; 8.48; 17.19; Mateu 9.22; Mako 5.34; 10.52.kufwelela cove cinakuhindula.
43Linwomu vene atonene, kaha amukavilenga Yesu nakumutohwesa Kalunga. Kaha vaze vatu vosena omu vacimwene vamwalixile Kalunga.
Currently Selected:
LUKA 18: LUE70
Highlight
Share
Copy
Want to have your highlights saved across all your devices? Sign up or sign in
Luvale Bible © Bible Society of Zambia, 1970.
