LUKA 19

Yesu naZakeu

1Kaha Yesu engilile muYeliko, apwile nakupulasanamo.

2Kaha kumana, mwapwile lunga vavulukilenga lijina lyenyi ngwavo, Ikiye Zakeu. Ikiye apwile mukulwane wavaka-kukonga milambu, apwile muka-luheto.

3Asakile ngwenyi, amutale Yesu amwijive, oloze kahaxileko mwomwo kuvula cavatu, kaha ikiye nawa wamwihi, xikaho.

4Alahilile kulutwe, anyinyile kumutondo wamusuhwa mangana amutale, mwomwo Yesu apwile nakupalika kuze, xikaho.

5Yesu hakuheta kuze atalile kwilu, amwambile ngwenyi, Ove Zakeu, anguhwa kusuluka, mwomwo cinatela kuli Ami kutwama lelo kuzuvo yove.

6Kahanguhwile kusuluka, amwitavilile nakuwahilila.

7 # 9.29-30; 15.1-2. Vosena hakucimona vatatwokele ngwavo, Nayi nakuxikila kuli lunga muka-xili.

8Kaha Zakeu emanyine, ambile kuli #7.13.Mwata ngwenyi, Tala, Ove Mwata, vikumba vyami nanguvipangununa hakaci nanguvahana vakakuhutwa cimbwa. Kaha kaci nge ngunalyapula mutu nakumutambula cuma namakuli, #3.14; Kulo. 22.1; Levi 6.5; Kula. 5.6-7; Samwe. 2, 12.6.nangumuxixixilamo viwana.

9Yesu amwambile ngwenyi, Likumbi lyalelo lino kuzuvo yino kuneza ulwilo, mwomwo naikiye nawa #3.8; 13.16; Loma 4.16; Ngale. 3.7.mwanaApalahama, xikaho.

10Mwomwo Mwanamutu neza nakutalatala cize cajimbalile nakucilwila.

Ciximo cajimina likumi

11Omu vevwile vyumevi ahakilileko nakuta ciximo, mwomwo apwile #9.51; 13.22; 17.11; 18.31.kwakamwihi naYelusalema, kaha Vaxinganyekele ngwavo, Wangana waKalunga nausaka kusoloka linwomu, xikaho.

12 # Mateu 25.14-30. Ngoco avambile ngwenyi, #Mako 13.34.Kwapwile cilolo ayile kulifuci lyapwile kwakusuku, mangana vakamulise wangana wenyi, akakinduluke ceka.

13Asanyikile vandungo jenyi likumi, avahanyine #19.13:Mina yimwe yapwile kafwe jipondo jitatu namaxilingi likumi.jimina likumi, avambile ngwenyi, Sekasanenunga palanga nomu nangukeza ceka.

14Oloze vatu jenyi vamuhungile, kaha vatumine valuwa vamukave vakambe ngwavo, Mutu ou katwamuzanga kupwa mwangana wetuko.

15Kaha casolokele, ikiye hakukinduluka ceka, cose alingile hanautambula lyehi wangana, avalwezele vavasanyike vandungo vaze ahanyine jize jimbongo, veze kuli ikiye mangana atacikize jingahi vanawanyinaho kukusekasana cavo.

16Ou watete ejile kumeso enyi, amwambile ngwenyi, Ove mwata, mina yove yinawane jimina jikwavo likumi.

17Kaha amwambile ngwenyi, Ove ndungo wamwenemwene, unalingi kanawa. #16.10.Mwomwo unaxixikila hacuma cacindende cikuma, xikaho twamanga nawata wamembo likumi.

18Ou wamucivali ejile amwambile ngwenyi, Ove mwata, mina yove yinawane jimina jikwavo jitanu.

19Kaha amwambile naikiye nawa ngwenyi, Nayove nawa tambula wata wamembo atanu.

20Mukwavo nawa ejile, amwambile ngwenyi, Ove mwata, tala, mina yove eyi, ngunayilamenga yakukaxila halilesu.

21Mwomwo ngwakwivwilenga woma, mwomwo umutu wamukalu, weji kwandangoco unazeneka kutumbika, kaha weji kwahangoco unazeneka kukuva.

22Kaha himwamwamba ngwenyi, Ove ndungo wamupi, nangukupayisa namazu amukanwa kove. Wangutacikijile ngwove, ngumutu wamukalu, ngwove, ngweji kwandangoco ngunazeneka kutumbika, ngwove, ngweji kwahangoco ngunazeneka kukuva.

23Kaha wakanyinyine ika kuhana lumbongo lwami kuli vakakusekasana? ngoco ami hakwiza kaci ngunalutambula ceka nasaku yalwo hamwe.

24Kahambile kuli vaze vemanyineko ngwenyi, Mutambulenu oyo mina, yihanenu kuli ou ali najize jimina likumi.

25Vamwambile ngwavo, Ove mwata, ali lyehi najimina likumi.

26Nangumilweza ngwami, #8.18; Mateu 13.12; Mako 4.25.Wose ali navyuma navakamuwezelako, oloze ou navizeneka cipwe cize ali naco navakamutambulaco.

27Oloze vaze vaka-kole jami, vaze vakanyine kunguzanga ngupwenga ngumwangana wavo, vanehenu kuno, #20.16; Mateu 22.7.muvajihile kumeso ami.

Yesu mwengila mwamwangana muYelusalema

(Mateu 21.1-11; Mako 11.1-11; Yowa. 12.12-19)

28Omu amanyixile kuhanjika ngoco, #Mako 10.32.atwaminyineko nakuya nakukanduka kuYelusalema.

29Kaha casolokele, omu apandamine kuMbetefwaje naMbetane, kutwala kupili yize vavuiuka ngwavo, yaMilive, atumine tumbaji twenyi vavali

30ngwenyi, Yenu kwimbo lize lili kulutwe namuya, kahomu namwingilamo namuwanamo livuvu lyacimbulu wakukasa, acili kanda vamunyine kuli mutu. Mukasununenu mumunehe.

31Kaha kaci nge mutu mwamihula ngwenyi, Ikaze muli nakumukasunwina? kamwambuliienu ngwenu, Mwata namusake.

32Vaze atumine #22.13.vayile, vawanyine nge mwamuze avalwezele.

33Vakivo hakumukasununa uze livuvu lyacimbulu, venyayo vavehwile ngwavo, Ou livuvu lyacimbulu muli nakumukasunwina ika?

34Vavambulilile ngwavo, #7.13.Mwata namusake.

35Vamunehele kuli Yesu, #Yowa. 12.12-15.vahakile mahinavo hali uze livuvu lyacimbulu, vamunyinyixileho Yesu.

36Omu apwile nakuya, #Vamya. 2, 9.13.valilenga mahinavo mujila.

37Omu apandamineko hikutwala kuze kuuxikumukilo wapili yaMilive, lizavu lyatumbaji twenyi lyosena vaputukile kuwahilila nakumwalisa Kalunga namazu akukanguka havilinga vyangolo vyosena vize vamwene lyehi,

38Vambile ngwavo, #13.35; Samu 118.26.Vamukisulenga MwanganOu mweza mulijina lyaYehova! Ngwavo, Mwilu mupwenga kuunda, naupahu #2.14.muze mwakulitulaho mwilu!

39 # Mateu 21.15-16. Jino kuliyongomena vaFwaliseu vamwe vamwambile ngwavo, Ove muka-kunangula, vahanjikile tumbaji twove.

40Ikiye avakumbulwile ngwenyi, Nangumilweza ngwami, kaci ava navahola, #Hamba. 2.11.kaci malolwa Mwatambakana.

41Omu ahetele kwakamwihi, nganda ayimwene, kaha #13.34-35.ayilililile

42ngwenyi, Vyuma vyakuneha kuunda kaci ove lyavene wavitacikizanga, halikumbi lyalelo lino! Oloze jino hivanakuswekevyo lyehi kucina kuvimona nameso ove.

43Mwomwo kuli ove nakukeza makumbi eka omu #21.21-24; Isa. 29.3; Yele. 6.6; Ezeke. 4.2.navakakulundwila kembwe kuli vaka-kole jove ce ndo, nakukuhaka mucingombela, nakukujikinyina kumitamba yosena.

44Kaha #21.6.navakakupupwojola hamavu navana vove muli ove. #Mateu 24.2; Mako 13.2.Kavexi kukaseza cipwe lilolwa limwe helu lyalikwavo muli oveko, mwomwo #Petu. 1, 2.12.mwaka wakukwalakana kawautacikijileko, xikaho.

Yesu mwatomesa mutembele

(Mateu 21.12-17; Mako 11.15-19; Yowa. 2.13-22)

45Kahengilile mutembele, aputukile kuvahangamo vaka-kulanda,

46avambile ngwenyi, Vasoneka ngwavo, #Isa. 56.7.Kaha zuvo yami nayikapwanga zuvo yakulombela. Oloze #Yele. 7.11.enu munayitenge nge muutwamo wavihwanga.

47Kaha #Mateu 26.55.hakumbi hakumbi apwilenga nakunangula vatu mutembele. Oloze vapilixitu vavalemu navakakusoneka navakulwane javatu #20.19.vasakilenga ngwavo, vamunongese.

48Kavamwene mwakumulingilako, mwomwo vatu vosena vamukakacililenga Hakumwivwilila, xikaho.

Currently Selected:

LUKA 19: LUE70

Highlight

Copy