LUKA 20

Ngolo jaYesu navajihula

(Mateu 21.23-27; Mako 11.27-33)

1Kaha casolokele, hamakumbi aze likumbi limwe, omu apwile nakuvanangula vatu mutembele nakwambulula mujimbu wamwaza, vapilixitu vavalemu navaka-kusoneka vejile kuli Ikiye navakulwane hamwe,

2kaha vahanjikile nakumwihula ngwavo, #Yowa. 2.18.Tulweze, vyumevi weji kuvilinganga nangolo jika? Kahou akuhana ngolo eji ikiyeya?

3Avakumbulwile ngwenyi, NayAmi nawa nangumihula lizu, ngulwezenulyo.

4Ngwenyi, Lumbapaciso lwaYowano lwapwile lwamwilu tahi, nyi lwakuli vatu?

5Vakivo valihwojwele ngwavo, Kaci nge natumwamba ngwetu, Lwapwile lwamwilu, kaha mwatwamba ngwenyi, Nyi ikaze mwakanyinyine kumwitava?

6Oloze nge natumwamba ngwetu, Lwapwile lwakuli vatu, kaha vatu vosena hinavatwasa malolwa, mwomwo vanetava ngwavo, #7.29; Mateu 14.5.Yowano apwile kapolofweto, xikaho.

7Kaha vamukumbulwile ngwavo, Katwatacikizoku lwafumineko.

8Yesu avambile ngwenyi, Cipwe Ami nawa kangwexi kumilweza ngolo eji nguli nakulinga najo vyumeviko.

Ciximo cawande wamivinyo navaze vautambwile

(Mateu 21.33-44; Mako 12.1-11)

9Jino aputukile kuvatela vatu ciximo cino ngwenyi, Kwapwile mutu atumbile #Isa. 5.1-7.wande wamivinyo, himwauhana kuli vanjimi, kaha #Mateu 25.14.ayile kulifuci lyeka, aximbwiieko cikuma.

10Hangonde yamihako atumine ndungo yenyi kuli vaze vanjimi, mangana ngwenyi, vakamuhane kumihako yakuwande kana wamivinyo. Oloze vaze vanjimi vamuvetele, vamuhilwixile mavokovoko.

11Atumine ceka ndungo yenyi weka, naikiye nawa vakivo vamuvetele, vamufwefulwile, vamuhilwixile mavokovoko.

12Atumine ceka wamucitatu, kaha vakivo vamulemekele naikiye nawa, vamumbilile kusali yawande.

13Kaha uze mwenyawande alyambile ngwenyi, Numbaze nangulinga muka? Ngwenyi, Nangutuma mwanami, ou ngwazanga, ikiyenyi navakamukomoka pamo.

14Oloze vaze vanjimi hakumumona, valivwasanyine ngwavo, Ou you swana. Ngwavo, Tumujihenu, mangana uswana upwenga wayetu.

15Kaha vamumbilile kusali yauze wande wamivinyo, vamujihile. Xikaho uze mwenyawande kana mwakavalinga muka?

16Mwakeza nakuvanongesa vaze vanjimi, kaha wande kana wamivinyo #Vili. 13.46; 18.6; 28.28.mwakauhana kuli veka. Vakivo hakucivwa vamwambile ngwavo, Cijiloco!

17Oloze avatalile avambile ngwenyi, Nyi eci vasoneka cika? omu vamba ngwavo,

# Samu 118.22-23; Vili. 4.11; Petu. 1, 2.6-7. Lilolweli vakanyine vakakutunga

Likiko linalingi lyehi kupwa #Efwe. 2.20.mutwe wamumbango yazuvo.

18 # Isa. 8.14-15. Wose mwakaholokela halilolwa lize mwakasanyuka, oloze wose najikaholokela nalikamufukumuna nge lukungu.

Kumulambwila Kesale

(Mateu 21.45-46; 22.15-22; Mako 12.12-17)

19Kaha vaka-kusoneka navapilixitu vavalemu #19.47.vasakile ngwavo, vamunangike mavoko avo halwola luze vene, oloze vevwile woma wavatu. Mwomwo vatacikijile ngwavo, Ciximo kana naciteletu, xikaho.

20Kaha #Mako 3.2. vamulaminenga nameso, vatumine vaka-kumuleleveka, vakivo valyongelele kupwa nge vakakwoloka, mangana ngwavo, vakamute kumazu enyi, mangana vakahase kumuhana kungolo janguvulu nakuwata wenyi.

21Vamwihwile ngwavo, #Yowa. 3.2.Ove mukakunangula, tunatacikiza ngwetu, Ove weji kuhanjikanga nakunangula mwakwoloka, ngwetu, kawexi kwitavila mutu kumesoko, oloze mwamucano vene weji kunangulanga mwaya jila yaKalunga.

22Coloketu #23.2.kumuhana Kesale milambu tahi? nyi ciku?

23Oloze atacikijile kulunguluka cavo, kaha avambile ngwenyi,

24Ngulwezenu #20.24:Tala 7.41.ndenali. Yili namutwe weya namazu vasonekaho eya? Vakivo vamwambile ngwavo, VyaKesale.

25Avambile ngwenyi, Xikaho #Loma 13.7.vyuma vyaKesale muhanenuvyo Kesale, kaha vyuma vyaKalunga muhanenuvyo Kalunga.

26Kavahaxile kumuhana mulonga halizu eli kumeso avatuko. Valikomokelele omu avakumbulwile, kaha vaholele kulu.

Navehula vyahakusanguka cavafu

(Mateu 22.23-33; Mako 12.18-27)

27Jino kuli Ikiye kwejile vaSatuse, #Vili. 4.1-2; 23.6-10.vaze veji kulingululanga ngwavo, Kusanguka cavafu cauciko.

28Kaha vamwihwile ngwavo, Ove muka-kunangula, #Luxi. 25.5.Mose atusonekelele ngwenyi, Lunga ukweci ndumbwenyi walunga, kaci nge ndumbwenyi mwafwa apwanga napwevo lyenyi oloze kasemene mwanako, kaha ndumbwenyi akamuxise uze pwevo lyenyi akamusemene uze ndumbwenyi vana.

29Ngoco kwapwile malunga vatanu navavali mujimo lyavo. Uze watete ambacile pwevo, afwile, kasezele mwanako.

30Kaha nauze wamucivali nawa,

31nauze wamucitatu amumbacile. Ngoco lika vosena vaze vatanu navavali kavasezele mwanako, vafwile.

32Kukuminyina nauze pwevo nawa afwile.

33Xikahoze hakusanguka cavafu mwakapwa pwevo lyaumwe ulihi? Mwomwo vosena vaze vatanu navavali vamumbacile lika.

34Yesu avambile ngwenyi, Vana vamyaka yino veji kumbatanga mapwevo, kaha veji kuvahangisanga.

35Oloze vaze vamona ngwavo, vatela kuheta kumyaka yize nakukusanguka kuvafu, kavexi kukambata ceka mapwevoko, cipwe kuvahangisa.

36Mwomwo cipwe kufwa kavexi kuhasa kufwa cekako, mwomwo vanalyeseka navangelo, vanapu vana vaKalunga hakupwa vana vakusanguka, xikaho.

37Oloze omu navakasanguka vafu cipwe Mose ajimbwilemo #Kulo. 6.3.kuze kwakuvuluka ngwavo, kuCiputa, hakumuvuluka Yehova ngwenyi, Ikiye Kalunga kaApalahama, Ikiye Kalunga kaIsaka, Ikiye Kalunga kaYakova.

38Jino Ikiye kexi Kalunga kavafuko, oloze wavava vavatonyi, mwomwo kuli Ikiye vosena vanayoyo, xikaho.

39Kaha #Mako 12.28.vaka-kusoneka vamwe vamukumbulwile ngwavo, Ove mukakunangula, unambe kanawa.

40 # Mako 12.34; Mateu 22.46. Mwomwo kavahasukile ceka kumwihula lizuko, xikaho.

Yesu mwavehula vyamwanaNdavici

(Mateu 22.41-46; Mako 12.35-37)

41Kaha avehwile ngwenyi, Ngacilihi veji kwambanga ngwavo, Kulixitu Ikiye #Mateu 9.27.mwanaNdavici?

42Mwomwo ivene Ndavici nambe hamukanda waJisamu ngwenyi,

# Samu 110.1. Yehova ambile kuli Mwata wami ngwenyi,

Twamanga kulivoko lyami lyacilyo

43Palanga nomu nangukavalingisa vaka-kole jove kupwa citwamo camahinji ove.

44Ngoco Ndavici amuvuluka ngwenyi, Mwata, nyi napu mwanenyi ngacilihi?

Yesu mwavahanjikila vaka-kusoneka

(Mateu 23.1-36; Mako 12.38-40; Luka 11.37-54)

45Kaha hakuvamba tumbaji twenyi vatu vosena vacivwile ngwenyi,

46Lilamenunga kuli vaka-kusoneka, #11.43; 14.7.ava vazanga kutambuka namahina akukuluka, kaha vazanga ngwavo, vavamenejeke kuvilanjilo, navitwamo vyaulemu mujisunangonga, natuhela twaulemu kuviwanyino vyakulya,

47ava veji kulyanga mazuvo avatuliwe vamapwevo, kaha veji kulyonganga hakulomba nakutwalaho cikuma. Vakivo navakamona kupaya cakuhambakana.

Currently Selected:

LUKA 20: LUE70

Highlight

Copy