Luk 19

1Miyi yemtorĭmpe ra Yeriko, memavango; ĭm sī neteme, 2nin isen Sakius, nivūo ra ōvun lĭvsaū nalekon, neteme nōete yemesorugi memokū iyi agesi Iesū, 3mē iyi, miyi tawi faneteme popōwo ugi ōvun numpūn lōsū tamas, popōwo iyi potipot. 4Miyi yemalo, mepmōbūm, memesuki nē fĭk, memokū agesi iyi, ĭt iyi yemavango ra selat yūi. 5Im Iesū yivelum ra nūrū, memelasah memokesi, memenūwi pugi, memokū, Sakius, yep, moratevetvi; popōo ya andekote ra nimo sorum ire. 6Miyi yemoratevetvi, miyep memtōri ūnisog ugi navos. 7Im omwisū dūmōkesi, mūmūtavuntan, mūmunūwi, mūmōkū, Iyi okeve wororekote ūndū sī narekĭndi.

8Im Sakius yemetūrū memenūwi pugi Novsūromon, memokū, Narisah, origi, Ya umampunora ōvun narumkor naferug-aferug netevotesū sorūg, ĭm nagkū ya okevi parugi sī ugi sempiri ya umampitorileki ōvun nugkon devat. 9Im Iesū yemenūwi pugi, memokū, Ire nēōwara okovelum ra imo nimo, popowo iyi sugkū iyi sī netni isen Ebraham. 10It iyi Netni isen neteme yivelum memokū onesorokonda mamkorēōwara ōvun nesepen-neworepatevora.

11Im pol sugkū dūmūrigi imosū, iyi yōmenūwi sī parabel popōwo iyi potipot Yerūsalem, mirora dūmokū lō isen Nōbū wantūratumpeni itnum, memokū, 12sī neteme horogesah yive ra nūrū itūga, memokū iyi ampi sī lō nisekon, mōmentorĭleki. 13Miyi yemovrokonda ōvun lĭvsaū isen narōlem, memafeokondugi ōvun paūnd, memenūwi punora, memokū, Usēevasĭgi afeli nempugon ya omampelum. 14Mōveteme ra sĭti isen dūmakan pugi, mūmūtamūloraōvun tandeko worelesi, mūmūnūwi mūmokū, Ka keletūmlenakīugi imo neteme worari iramam.

15Im penuri, pol sugku iyi yivi lōmori, yōĭmpelum, mempaswokonda, memokū, wamperokonda ōvun lĭvsaū mori iyi yemafeokondugi ōvun paūnd mori, wampelum pugi ma iyi onesorugi numpūrah enirora ugi sevasi mori. 16Miyi mampūm yivelum potipot, memenūwi, memokū. Narisah, paūnd sorum ya ōmempasĭgi ovun paūnd narōlem mōmū. 17Miyi yemenūwi pugi, memokū, Aremī, kĭk lĭvsaū aremī, popōwo kemnivūo tanepo ugi vilik wokon, ari iranda ōvun sĭti narōlem. 18Miyi dūrūgi yivelum, memokū, Narisah, paūnd sorum, yaū ĭmpĭ ugi ōvun paūnd sĭklem mōmū. 19Miyi yemenūwi pugi imo neteme sugkū, memokū, Kĭk ari iranda ōvun sīti sĭklem. 20Im sī mōmū yivelum, memokū, Narisah, okesi, paūnd sorum mori yaū movūriugi ra mumpon nemas; 21popōwo yaū memtetugkīk, ĭt kĭk neteme nugkugko; kemumpi sieme kemetūtipe, ĭm kemnalekon sieme kemetūōwi. 22Miyi yemenūwi pugi, memokū, Lĭvsaū sat, ya onūrian iram sugkū nam sorum: kemokili yaū neteme nugkugko mumumpī sieme yaū metūtipe, mumnalekon sieme yaū, metūōwi; 23ĭm popōwo imo sugkū, irasie, kemetūtipe muni sorūg ra woretavenepon wōresēevasi ugi, ĭm pol sugkū yaū pivelum yaū pivĭ, im mōmū?

24Miyi yemenūwi punora mori dūmūtūrū potipot, memokū, Uvī marugi paūnd mori mūvugi iyi mori umantipe ōvun paūnd narōlem; 25mirora dūmūnūwi pugi, mūmōkū, Narisah, iyi umantipe ōvun paūnd narōlem; 26ĭt ya umanūwi pugkūm memagkū, Iyi sī otipe, ampugi mōmū; miyi sī otūtipe, ampi parugi sieme mori yemetipe wokon. 27Mirora ōvun novsen nakan sorūg, mori dūmūtūakīwokoyaū worari iranda, ūtōrōra ĭgko, mūtalokonda ūnĭmtūg.

28Im pol sugkū iyi yemenūwi imosū, yemōbūm memsah ra Yerūsalem. 29Miyi yemumpotipot Betfake ĭm Betani, ra numpūo Olivet, memtandekōwora dūrū ōvun nūrie isen, memenūwi memokū, Uve ra nimote ĭlampe, 30ĭm pol sugkū kwonĭntorĭmpe kwagesi as ĭtevaū dūleki, tawi sī neteme itesep ran tan, tawi ra sī nempugon, ūsūli mūtōri. 31Im nagkū sī ontagkolokūm, magkū, Irasie kūmūsūli? ūnūwi pugi, mōkū, Iyi Novsūromon umnakīugi.

32Mōvun tandeko mori dūmūve, mūmūkesi sugkū iyi yepmenūwi punora: 33im pol sugkū dūmūsūli as mori, irora as isenda, dūmūtagkelora, mūmōkū, Irasie kūmūsūli as? Mirora dūniūnūwi, mūmōkū, Novsūromon umnakīugi. 34-35Mirora dūmūtori pugi Iesū, mūmūvkisah ōvun nemas isenda ran tan as, mūmūtipesah Iesū. 36Im polekū iyi yemampe, irora dūmūive ōvun némas isenda ra selat. 37Yive sugkū mefeli nūrū selat umeyep numpūo Olivet, ĭm semsimak omwisū ōvun nūrie isen, dūmatipotni woravos, mūmarūfoves numpĭlĭn Nōbū, ugi navianda tamas, popowo ugi ōvun numpūrahsū horog mori irora dūmōkesi; 38mūmūnūwi, mūmōkū, Nevĭeves iyi mori umampelum, natemonok ra nūsian, ra nin isen Novsūromon; nĭnparata ūnpokōp, ĭm numpĭlĭn ra nūrūsū tantevakepe.

39Im nugkon ōvun Faresi ra tentūrū dūmūnūwi, pugi mūmōkū, Tavsogi, enūali punora ōvun nūrie sorum 40Miyi yemtamsi memenūwi punora, memokū, Ya umanūwi pugkūm memagkū, Nagkū imosū wanteteven, ovun nevat wamperugisah.

41Miyi yivelum potipot, memokesi sĭti, memageri ugi; 42memenūwi memokū, Nagkū kĭk pokili, ah Yerūsalem, ra imo dan sorum, siemesū ugi ninparata sorum; kō, marima, umnelesakepūn. 43Dansū wantepesora iram pol sugkū ōvun novsen nakan sorum wagkol nokol nagkaūugkĭk, 44mosumpatamtugkĭk ūnisog nagkaūugisū, montalepasisep kĭk, movun netnime sorum ra mumpon kĭk; mūtūawi sī nevat ran tan nevat ra mumpon kĭk, popōwo kemetūkili nempugon netnemi sorum.

45Miyi yive ūnisog nimo tumpora mematipotni woretelesora ratilat mori dūmusēevasi, mūmūvi sieme ūnisog, 46menūwi punora, memokū, Yemetiyi memokū, Nimo sorūg, nimo nufwaki; im kĭmi kūmumpi veli ōvun torefora.

47Im dansū iyi yemtavsokonda ūnisog nimo tumpora; mōvun potni sakrefīs, movun Somūl dūmnesorugi, mūmōkū nokowo wontalugi; mōvun nelepon netevokontū sugkū; 48mūtōkesi sie wonūmpi iran, popōwo ōvun netevokontū omwisū dūmūvendegugi iyi.

Currently Selected:

Luk 19: ERGNT79

Highlight

Copy