Luk 20

1Im ra sī dan pol sugkū iyi yemtavsokonda netevokontū ūnisog nimo tumpora, memtorenūwi nam navosavos, ōvun tavsogi tumpora, mōvum Somūl, mōveteme talam dūmūvelum pugi, mūmūtagkeli, mūmōkū, 2Kĭk emnumpi imosū ugi nempasewugi eneme? Mē yemovunok imo nempasiwugi? enūwi pugkam. 3Miyi yemtamsi memenūwi punora, memokū, Yaū sugkū, ya ontagkolekūm sī, 4Utamsi po yaū, Baptisma isen Yōane, yemnea? ra pokōp; kū, ra ōveteme? 5Mirora dūmūsepenenūwi punora mūmōkū, Nagkū kos kelanūwi ĭm lagkū, ra pokōp, iyi ōmontagkolokos, magkū, Im irasie kĭmi kūtūtavniri iyi? 6Im nagkū kos kelanūwi ĭm lagkū, ra ōveteme, ōvun netevokontū omwisū wantovokos ugi nevat, ĭt irora ūmagkū Yōane sī profet. 7Mirora dūmūtamsi mūmūnūwi, mūmōkū dūtūkili yemnea. 8Im Iesū yōmenūwi punora, memokū, Im ya ōtūanūwi pugkūm, magkū ugi nempasiwugi mori ya umnumpi imosū. 9Miyi yemenūwi imo parabel punora ōvun netevokontū, memokū, Sī neteme yemumpi denūok memōwi ugi vĭn, memten-ĭmpe lap punora ōvūn nasemnūok, mempe ra nūrū itūga, memokū antendōwi nempugon tantop. 10Im pol sugkū dūmovūo, yemtamūli sī lĭvsaū isen punora ōvun nasemnūok, memokū, wampugi novūan ra denūok vĭn; mōvun nasemnūok mori dūmselatevi iyi, mūmtamūli wokon. 11Miyi yōĭmtamūli sī mōmū lĭvsaū, miyi sugkū, irora dūmselatevi, mūmūtipe narumprum tamas iran, mōĭmtamuli wokon. 12Miyi yōĭmtamūli sī deselugi, mirora dūmūtateoieki iyi, mōmūtafugi ratilat. 13Narisah, isen denūok, yemesepen tagkeli, memokū, Sie ya onumpi? Ya ontamūli netūg paū; ĭm pol sugkū wagesi iyi, wosesie ūnĭpmi isen, kū tawi? 14Mirora dūmōkesi, mūmūnūwi punora irora, mūmōkū, iyi tampenum itemen; uvelum, kos litalugi, iyi, ĭm netevotesū wanti soret. 15Mirora dūmūtafugi iyi marugi denūok, mōmūtalugi. Narisah denūok isen onumpi sie iranda? 16Iyi ōmampelum montevavtitora ōvun nasemnūok mori, mōmampugi lap punora mōmū.

17Im irora dūmūrīgi mūmūnūwi, mūmōkū, etūti sugkū. 18Miyi yemokesi iranda, memenūwi, memokū, Im sie imo nam yemetĭyi memokū,

Nevat oveteme dūmumpi nimo mūsatemugi,

Yometi nampūtan nimo.

Iyi sī amol rantan imo nevat ontarekirekon; miyi sī mamol iran onesendekon. 19Im ra imo nempugon ōvun tavsogi tumpora, movun Somul dūmoserugi, mūmōkū wandūleki iyi; mirora dūmūmtetokonda oveteme, ĭt irora dūmūlavenūri iyi yemenūwi imo parabel, memokū ugi irora.

20Mirora dūmūterareki iyi, mūmtamūlora ōvun netūrareki worenūwi sugkū nagkū irora oveteme itnesog, kō, dūmōkū wonelekavi nam isen, mōmūtipe iyi ra mumpon horog ĭm nempasiwugi isen Natemonok. 21Mirora dūmūtagkeli iyi, mūmōkū, Tavsogi, ka kemlagkili ma kĭk emanūwi memtavsogi itnesog, kotūmnesorugi nevietivesep wokon nisekom, it kĭk ementavsokonda selat itnesog isen Nōbū; 22Ka kelampugi Sisar muni mori nisekon, kū tawi? 23Miyi yemelavenūri tarū isenda, memtagkelora, memokū, Kūmnirūara irag, irasie? 24Usesi po yaū sī peni. Safi ĭm netiyi rantan enemē? 25Mirora dūmūnūwi, mūmōkū, Isen Sisar. Miyi yomenūwi punora memokū, Uvugi Sisar siemesū isen Sisar; mūvugi Nōbū siamesū isen Nōbū. 26Mirora tawi faneteme worelekavi nam isen ūnimĭnda ōvun netevokontū; mirora dūrnavlugi ra tamsi isen, mūmūteteven. 27Im nugkon ōvun Sadūsi mori ūmanūwi, mūmagkū tawi nevsorasah, dūmūvelum pugi mūmūtagkeli, mūmōkū, Tavsogi, 28Moses yemetiyi pugkam, memokū, Nagkū avensi isen sī neteme amas mawi retepon, ĭm tawi netni, avensi ampi retepon montōri ōvun netnime nisekon avensī isen. 29Ravensīme seven, mĭtnetemefe yimas, ĭm tawi netni; 30-31miyi dūrūgi yivi, iyi; miyi deselugi sugkū; mirora seven sugkū, dūmas sū, ĭm tawi netni; 32ĭm penūri, iyi nasiven yimas. 33Ra nevsoroseh iyi anti retepon mē sī irora, ĭt iyi yepmeti retepon irorago? 34Iesū yemtamsi memenūwi punora, memokū, Ovun netnime ra imo nūrū ūmnetovrugi, mūmneteventorugi; 35kō, irora mori aremi woretendowi ra nūrūves ūtūōmenetovrugi, mutūmneteventerugi, mūtūōmamas, isūma nemas yūi, 36ĭt irora sugkū ōvun agelō, mirora ōvun netnime itōvatanian isen Nōbū, ĭt irora ōvun netnime ra nevsorasah marugi nemas. 37Miyi Moses yemokū sugkū ra nē, memtavsogi, memokū ōvun nemas ūmamsorasah, ĭt iyi yemovrugi Novsūromon, memokū, Nōbū isen Ebraham, ĭm Nōbū isen Isak, ĭm Nōbū isen Yakob; 38ĭt iyi tawi Nōbū isenda ōvun nemas, kō, isenda ōvun nomūrep, popōwo omwisū umnomōrep nisekon.

39Im nugkon ōvun Somūl dūmūnūwi, mūmōkū, Tavsogi, kĭk onūwives. 40Mirora dūmūsēemoiemo worōmuntagkeli ugi sī. 41Miyi yemtagkelora, memokū, Nokowo oveteme umanūwi, mūmagkū Krĭstō netni isen Dēvĭd, 42ĭm iyi Dēvĭd yemetiyi nam ra Netiyi narūfo, memokū,

Iehōva yemenūwi pugi Novsūromon sorūg memokū,

Etesp ra nokovug meves,

43Afeli nempugon ya antipe ōvun novsen nakan,

Sorum ra mumpon noam.

44Dēvĭd yemenūwi, memokū iyi Novsūromon isen, ĭm nagkū sugkū nokowo iyi Netni isen?

45Movun netevokontūsū dūmūrĭgi pol sugkū iyi yemenūwi punora ōvun nūrie isen, memokū 46Ufinte kĭmi marokonda ōvun Somūl mori ūmnakĭugi woravan ugi ōvun semplaūon tantop, mūmnelintugi wovorĭgi ōvun nam paū iranda ra nūrūsū nevasi, ĭm ōvun woretesep aremī ra ōvun nimo tavsogi, mōvun nevlok nūsian aremī ra ōvun narĭgari; 47mirora ūmneforugi netevotesū ōvun neviumpūi, mūmūseni sat isenda ugi ōvun nufwaki tantop; irora mori wampī tampenĭgi iranda tamas.

Currently Selected:

Luk 20: ERGNT79

Highlight

Copy