Luk 21

1Miyi yemelasah memokesora mori dūmovkisep ōvun itemas isenda ūnisog woretavĭnepon tumpora, mirora oveteme noete. 2Miyi yemokesi sī neviumpūi narumkor yemovkisep ūnisog nugkon peni siteven. 3Miyi yemenūwi, memokū, Itnesog ya umanūwi pugkūm, memagkū, Imo neviumpūi narumkor ovkisep ūnisog mōmū ra irorasū; 4ĭt irora ūvkisep ūnisog nugkon wokon marugi tampalsah isenda nisekon Nōbū; miyi marugi narumkor iran ovkisep ūnisog omwisū yemetipe nimsin nevag nĭsekon.

5Im pol sugkū nugkoneme dūmūnūwi mūmōkū ugi nimo tumpora, nilaswi ugi ōvun nevat aremī, movun itemas, iyi yemenūwi memokū, 6Kĭmi kūmagesi imosū, wampelum ōvun dan mūtūawi sī nevat ran tan nevat wontalepasisū. 7Mirora dūmūtagkeli, mūmōkū, Tavsogi, ĭm nigoi sugkū? Im sie anti safi pol sugkū imosū wanti sugkū? 8Miyi yōmenūwi punora, memokū, Ufinte kĭmi, ma ūtūonirūara irami; popowo sikat wampelum ra nin sorūg manūwi magkū, Yaū; Nempugon okovelum; ūtūve worūrora. 9Im pol sugku kĭmi kwandĭgi ugi ōvun ūbrami, mōvun nesesaū, ūtūwemetet popōwo imosū wampūm; kō, uelehūvan antelap. 10Miyi yemenūwi punora memokū, Lō sī wonavohat iranda lō sī; ĭm savūta sī iranda savūta sī. 11Wanti ōvun nomiok tamas ra nūrūsū, mōvun temasmōvun navoret; mōvun nokesenepūp tamas wamne ra pokōp. 12Kō, pol sugkū imosū ūtūampelum lap, wandūlugkūm, mō mampiesesat kĭmi, mantipe kĭmi ra nimo tavsogi, mūnisog ōvun nimo nugkugko mūnimĭnda ōvun natemenōk, mōvun nevsem, popōwo ugi nin sorūg. 13Im imo anti numpūvsok soremi. 14Wentemi imo, mūtūtarūgi nam kĭmi kwanūwi; 15popowo ya ampugkūm nam ĭm nelekon ma sugkū ōvun novsen nakan soremi ūtūosemsi woretipe, kū woratekīsah irami.

16Ritemeneme soremi, ĭm rapmisĭeme, ĭm rapmime, mōvun numpūnarami, wonempiriwugkūm, montalugi nugkon kimi. 17Omwisū wonakan pugkūm popowo ugi nin sorūg; ĭm otūampiugki sī novlimpū ūnumpūmi. 18-19Nagkū kĭmi kwantendōwi unam, kwampiēōwara naviat sū soremi. 20Im pol sugkū kimi kwagesora ōvun tentūrū ūbrami ūmnagkaūugi Yerūsalem, kwagkili talepasisep mori umumpotipot. 21Ire aremi irora ra Yūdia wonalo ra ōvun numpūo; mirora ra sĭti wampe ilat marugi; mirora ra ōvun nete nūrū ĭsūt, aremi ūtūōmentorĭmpe ūnisog; 22popōwo ra ōvun dan mori ontampenĭgi tĭūwi sat monampesog omwisū yemetiyi memokū ugi.

23Owi iranda mori wontandiokumpōh monampūni ra dansū mori; popōwo wanti nelileki tamas ra nūrūsū yūi, ĭm naraki punora ovun netevokontū Isrēel. 24Wontalokonda ugi naūitūga, mampasi irora punora lōsū worelĭvsaū wokon; mōvun nelebokevat wōĭsep Yerūsalem afeli nempugon onekompelisū dansū isenda lōsū ōvun nelebokevat.

25Wanti ōvun nokesinepūp ra nĭpminen, ĭm itīs, ĭm mosisū, ĭm sokomulep iranda lōsū; mirora wonepokerarū; 26tok mōvun nimpiaū woneseroki; mōveteme wantevūlūl ugi nemetet ūnōwanda, im popowo ūmuntavetūi imosū umampelum ra nemap; ĭt horogsū ūnpōkup wīeliel. 27Mirora wagesi Netni isen neteme umampelum ra numpūaū ugi horog im nilasilaswi tamas. 28Im pol sugkū imosū wonatipotni sugkū, ūlasah, ūsepenuriukisah numpūmi popōwo onumpotipot nempugon worūmkūmēōwara.

29Miyi yemenūwi sī parabel punora, memokū, Okesi fik, ĭm nēsū; 30pol sugkū umesemsi kūmagesi kūmasepen nokili nenum umpotipot. 31Kĭmi pol sugkū kwagesi imosū umumprokevelum, ūsepen nokili lō isen Nōbū okevelumsū. 32Itnesog, ya umanūwi pugkūm, memagkū, Imo palsi ūtūamas sū afeli nempugon onakompelisū omwisū. 33Pokōp mūnemap wampia, kō, nam sorūg ūtūampia.

34Mūfĭnte kĭmi ma sugkū nōwami ūtūampoh ugi nesumpele nevag ĭm naūeteremlū, mōvun netevotarūgi sieme ra nemap ma imo dan mori otūamplūvelum irami, 35popōwo imo dan ampelum itnum sugkū nelis worūleki irandasū ūmantendōwi ra nūrūsū. 36Wavles, mūfwaki ĭndōwi ma iyi agkū kĭmi aremi worefinte kĭmi marugi imosū wantepū mantelap ma kĭmi kwantūrū ūnĭpmi isen Netni isen neteme.

37Dansū iyi yemtavsokonda ūnisog nimo tumpora, ĭm pūmrok yive memorūnetendōwi ra numpūo Olivet. 38Im netevokontūsū dūmorūn nevelum pugi prūbokom ūnisog nimo tumpora mūmōkū wandĭgi iyi.

Currently Selected:

Luk 21: ERGNT79

Highlight

Copy