Luk 22

1Yemumpotipot nempugon ugi narigari ugi yōūp sī, nin Paska. 2Mōvun tavsogi tumpora mōvun Somūl dūmoserugi nokowo wontalugi iyi, ĭt irora dūmūmteto-konda ōvun netevokontū. 3Im Sētan yive iran Yūdas nalĭg isen Iskariot, sī ra irora Twelv, 4miyive memenūwi dal ōvun tavsogi tumpora mōvun natemonok, memokū nokowo iyi onempirĭgi iyi punora. 5Mirora dūmavos ugi, mūmūnūwi mūmōkū wampugi muni. 6Miyi yemievūwos nam punora momenesorugi nempugon worempĭrigi iyi punora, pol sugkū tawi numpūnlō.

7Yivelum dan woreni yōūp mori pol sugkū irora, dūmūtĭ paska. 8Miyi yemtamūlora, Piter ĭm Yōane, memenūwi memokū, Uve mūsiman paska nĭsekont ma kos keleneni. 9Mirora dūmūtagkeli iyi mūmōkū, Ia kemagkū kūosiman? 10Miyi yōmenūwi punora, memokū, Urĭgi, pol sugkū kimi kwonĭntorĭmpe ra sĭti, sī neteme avtit irami umandiuki sī nūrah ugi nū, ūri iyi ūnisog nimo mori iyi onintorĭmpewi; 11ĭm kimi kwanūwi pugi neteme nimo isen, Iyi Tavsogi umanūwi pugkĭk, memagkū, Ia silebōkeves yūi ya oneni paska dal ōvun nūrie sorūg? 12miyi ontōrokūm ra sī silebōkeves tamas ratkomisah, netovtam, ūsiman yūi. 13Mirora dūmūve mūmōkesisū sugkū iyi yemenūwi punora: mirora dūmūsimam paska.

14Yivelum nempugon miyi yemtesĭgi, mōvun Apostol twelv dal iyi. 15Miyi yemenūwi punora, memokū, Yaū makīugi tamas woreni imo paska mori dal kĭmi, pol sugkū nesorū otūvelum irag. 16It ya umanūwi pugkūm memagkū, Ya otūōmeneni pe afeli nempugon onekompelisū ra lō isen Nōbū. 17Miyi yivi kup, memumpalugi, mōmenūwi, memokū, Uvī imo mūtūvūrak wugkūm; 18ĭt ya umanūwi pugkūm, memagkū, Ya otūōmamoneki dumpon wīn afeli nempugon lō isen Nōbū ampelum. 19Miyi yōĭmpĭ, yōūp, memumpalugi, memorūsevi, mōmovunora, memenūwi memokū, Imo oti nokolisiran woretamneniugkūm: wumpi imo worenteme yaū.

20Im penuri dūmoni iyi yōĭmpĭ kup, mōmenūwi, memokū,

Imo kup nam ūnam ĭtevaū ugi de sorūg, mori umowosĭlĭgi woretampnemugkūm,

21Kō, ūrĭgi, nokoven isen mori umnempiriwokoyaū nandū yaū rantan nevlok. 22Miyi Netni isen neteme umampe sugkū yepmemanūwi memokū ugi; kō, ōwī iran neteme mori umnempirĭgi iyi.

23Mirora dūmūsepen tagkelora memokū, Mē sī ra irora onumpi imo. 24Mirora dūōil ugi imo sī sugkū, Mē iyi ra irora anti nūsian. 25Miyi yemenūwi punora memokū, Ovun natemonōk ra nūsian isenda lōsū ōvun nelebokevat ūmnarisah iranda, mirora mori ūmnovsūromon iranda, ūmnatovninda mūmagkū, Ovun numposeti; 26kō, kĭmi, tawi sugkū; iyi sī ra kimi nūsian, aremi iyi woreti sugkū ĭtevirok, miyi sī nivūo sugkū iyi mori lĭvsaū. 27Itokowo nūsian? iyi sī umentesĭgi, kū iyi sī umentorugat? Iyi mori umentesĭgi; ĭm yaū dal kĭmi sugkū iyi mori umentorugat. 28Kĭmi kūmūtendōwi dal yaū ra ovun tapmi sorūg. 29Im ya umantipe kimi ra lō nisekomi, sugkū Itemen sorūg yemetipe yaū, 30memagkū kĭmi kwoneni mamoneki ra nevlok sorūg, ra lō sorūg, mantesep rantan ōvun potnumpūtūo monūrian iranda ovun savūta twelv ra Isrēel. 31Miyi Novsūromon yemenūwi memokū, Sīmon, Sīmon, origi, Sētan osorugkĭk nisekon memagkū onugkerok sugkū whit ra sĭv; 32ĭm ya osenigi nisekom ma tavniri sorum otūamwi; ĭm kĭk, pol sugkū kōmontorĭleki, torugat ūnisog rapmisĭeme. 33Miyi yemenūwi, memokū, Novsūromon, Nandū kĭk ya ampe ra nimo nugkugko, ĭm ra nemás. 34Miyi yōmenūwi, memokū, Piter, ya umanūwi punok memagkū, Netūo otūonasora ire afeli nempugon kanūaveni yaū, manūwi nempugon desel, magkū, kotūmagkili yaū.

35Miyi yōmenūwi punora memokū, Pol sugkū yaū ĭmtamūlokūm, ĭm tawi woretatevote, kū veyū, kū woravan, kūmakīugi sī kū sī, kū? Mirora dūmūnūwi mūmōkū, Tawi. 36Miyi yōmenūwi punora, memokū, Kō iyi, marima, umantipe isen sī woretatevote, aremī iyi ampi nandū ĭm vēyū isen; miyi sī otūmantipe naūitūga isen, aremī iyi ampasi sī ugi nemas isen. 37It ya umanūwi pugkūm memagkū, Imo mori yepmetīyi memokū ugi yaū, onokompelisū irag; Irora wasepi yaū dal ōvetemendi; 38popōwo imosū ugi yaū wonisah. Mirora dūmūnūwi mūmōkū, Novsūromon, okesi, naūitugo dūrū ĭgko. Miyi yemenūwi punora, memokū, Isūma.

39Miyi yive ilat, mempe, sugku dansū, ra numpūo Olivet; mōvun nūrie isen dūmūri iyi. 40Im pol sugkū iyi yemsenterumpene ra nūrū yemenūwi punora, memokū, Ufwaki, mōkū kūtūampe ra tapmi. 41Miyi yemlag marokonda sugkū botipot wokon, memsēnum-pūneteren, memufwaki, memokū, 42Nate nagkū kemagkū aremī ugi, vī pelah imo kup maroko yaū; kō, tawi sugkū ya umugkū ugi kō kĭk, umpi sugkū kemagkū aremĭ ugi. 43Im sī nagelō mori yemne ra pokōp yivelum pugi memtorugat ūnisog iyi. 44Miyi yemesokomulep, memufwaki mōmū horog, ĭm nenora iran sugkū vetin de dūmorūnomol ra nemap. 45Miyi yemtūok marugi nufwaki mempelum punora ōvun nūrie, memokesora dūmalēpo, popōwo ugi norĭgumpūnū, 46miyi yemenūwi punora, memokū, Kūmalēpo irasie? ūtūok mufwaki, nōkū kūtūampe ra tapmi.

47Im polekū iyi yemenūwi, dūmōkesi numpūnlō, ĭm Yūdas, sī ra irora Twelv, yemōbūm iranda, miyi yivelum pugi Iesū memsūgū iran. 48Im Iesū yemenūwi pugi memokū, Yūdas, kemnempĭrĭgi Netni isen neteme ugi sūgū iran kū? 49Im pol sugkū irora mori ra nokorin isen dūmōkesi sie antepū irora, dūmūtagkeli mūmōkū, Novsūromon, ka kelentar ugi naūitūga kū! 50Im sī ra irora yemtī lĭvsaū isen tavsogi tumpora, memtantevi telugon meves isen. 51Im Iesū yemtamsi memenūwi, memokū, Uwi sugkū; miyi yemsūgkori telugon isen, memumpi horĭgives. 52Im Iesū yemenūwi punora ōvun tavsogi tumpora, mōvun nivūo ra nimo tumpora, mōveteme talam, mori dūmūvelum iran, memokū, kĭmi kūvelum ugi naūitūgi, mōvun nirum sugkū nagkū iran neteme neforugi kū? 53Pol sugkū yaū dal kimi dansū ūnisog nimo tumpora kĭmi kūtūtipe nokopmime irag; kō imo nempugon soremi ĭm horog ra nelebokevat.

54Mirora dūmūrūleki iyi, mūmūtōri, mōmūve ūnisog nimo isen tavsogi tumpora. 55Im Piter yemūri ĭsūt. Mirora dūmūtovuni nom ileboteven silebōk ra nugūn nimo, mūmūtesep semsimugi, ĭm Piter yemetesep dal. 56Im sī ĭtnumpōkon yemokesi polekū iyi yemetesep ra nilara memtopotnemi iyi memenūwi, memokū, Im iyi dal iyi. 57Miyi yemenūaveni iyi, memenūwi memokū, Nasiven, ya otūmagkili iyi. 58Penūri lap, sī mōmū yemokesi iyi memenūwi, memokū, Im kĭk sī ra irora. Im Piter yemenūwi, memokū, Woragi, Tawi. 59Nempugon vilik mōmū ĭm sī yemorūnenū wi, memokū, Itnesog imo neteme yete nandū iyi, it iyi sugkū neteme Kalĭli. 60Im Piter yōmenūwi, memokū, Woragi, ya umumgĭugi nam kemanūwi; marimago netūo yemasora, pol sugkū iyi yetūnū wi aveni. 61Miyi Novsūromon yemelagkau memokesi iran Piter; ĭm Piter yementemi nam isen Novsūromon nokowo yemenūwi pugi, memokū, Pol sugkū netūo otūonasora, kanūaveni yaū nempugon desel. 62Im Piter yive ratilat memageri tamas.

63Mōveteme mori dūmūrūleki Iesū dūmagipī iran, mūmūrūnti: 64mirora dūmovsen nipmi isen, mūmateki ra waū nugūn mūmūrūu tagkeli, mūmokū, Enūwi, mē iyi oketak! 65Im nam sat sikat irora dūmūnūwi pugi.

66Im pol sugkū yumti dan oveteme talam ra netevokontū dūmūsemsimokonda, mōvun Tavsogi tumpora sugkū, mōvun Somūl, mirora dūmūtōri iyi ratkomisah ra naūor isenda, 67mūmūnūwi, mūmōkū, Nagkū kĭk Kristo, enūwi pugkam. Miyi yemenūwi punora memokū, Nagkū ya anūwi pugkūm, kimi kūtūontavnirigi; 68ĭm nagkū ya outagkolokūm kimi kūtūontam sī po yaū, kūtūwi yaū. 69Marugi nempugon marima Netni isen neteme antesep ra nokoven meves ra horog isen Nōbū. 70Mirorasū dūmūnūwi, mūmōkū, Im kĭk Netni isen Nōbū? Miyi yemenūwi punora memokū, kimi kūmanūwi ves, yaū sugkū. 71Mirora dūōmūnūwi, mūmōkū Sie aremī kelenesorugi nūmpūvsok sī mōmū? Kos kelorĭgi nam isen.

Currently Selected:

Luk 22: ERGNT79

Highlight

Copy