Luk 23

1Mirora dūtūok, im semsimak ra irora omwisū dūmūtori pugi Pīlat; 2mūmatipōtni worevievri iyi, mūmūnūwi mūmōkū, Ka kelokesi imo neteme umuntavuntan lō, memokū ūtūampugi Sisar muni nisekon, mōmenūwi, memokū iyi Krĭstō natemonok ra nūsian. 3Im Pīlat yemtagkeli iyi memokū. Kĭk natemonok ra nūsian isenda oveteme Isrēel, kū? Miyi yemtamsi memenūwi, memokū, Kĭk onūwives. 4Im Pīlat yemenūwi punora ōvun tavsogi tumpora, mōvun netevokontū, memokū, Ya otūmagesi sī se sī iran imo neteme. 5Mirora dūmūtratekīsah, mōmūnūwi, mūmōkū, Iyi umamsipīntan lō momentavsokonda ra nūrūsū Yūdia, mematipotni ra Kalĭli mōimpelum mafeli ĭgko. 6Im pol sugkū Pīlat yemorĭgi ugi Kalĭli, yemtagkeli nagkū neteme mori neteme Kalĭli. 7Im pol sugkū iyi yemokili yemne ra nūrū isen Herod, iyi yemtamūli pugi Herod, ĭm Herod ra Yerūsalem ra nempugon mori.

8Im Herod pol sugkū yemokesi Iesū yemavos tamas, popōwo yemorūnakīugi worokesi iyi, popōwo ugi siemesū iyi yemorĭgi ugi iyi; miyi yemokū iyi agesi sī safi mori iyi onumpi. 9Miyi yemorūn tagkeli ugi nam sikat; miyi yetūtamsi pugi sī nam. 10Movun tavsogi tumpora, movun Somūl dūmūtūrū mūmūtratekĭsah mūmūvievri iyi. 11Im Herod, movun telienlō ūbrami isen, dūmokesĭndi iyi, mūmagipī iran, mōmevīugi nakafugi nīvrĭvrū nilaswi, mōĭmtamūli pugi Pīlat. 12Im Pīlat im Herod dūietora ran dan mori, ĭt irora dūmūsepen nakan punora.

13Im Pīlat yemovrokonda ōvun tavsogi tumpora, mōvun nivūo, mōvun netevokontū, memenūwi punora, memokū, 14Kĭmi kūtōri imo neteme po yaū mōkū iyi umamsipīntan lō ĭm ya ūrian iran ūnimetemi metōkesi sī se sī iran ugi imosū kūmūnūwi mōkū iran. 15Tawi; ĭm Herod sugkū; 16ĭt ya otamūlokūm pugi ĭm tawi sī se sī woretīwi iyi; ĭm popowo imo sugkū ya amselatevi mosūli. 18Tentūrū omwisū dūmovrugisah mūmūnūwi mūmōkū, Vīpelah imo, ĭm sūli Barabas nisekomam; 19dūpmūsumpatamtugi iyi ūnisog nimo nugkugko popowo ugi sumplīlō ra sĭti, ĭm talugi. 20Pīlat yemokū iyi osūli Iesū, mōmenūwisah punora; kō irora dūmūrūnovrugisah mūmūnūwi, mūmōkū, Krūsifī, krūsifī iyi. 21-22Im nempugon deselugi iyi yōimtagkelora, memokū, Irasie? iyi umpi sat sie? Ya otōkesi sī se sī woretĭwi iyi. Ya amselatevi iyi mosūli.

23Mirora dūmatekĭsah ugi naviansah, mūmūsenigi, mūmōkū ontalugi iyi ra nēumparum. Im navianda mōv navianda ōvun tavsogi tumpora dūmūtantevakepe. 24Im Pīlat yemenūwi nam, memokū anti sugkū nakīugi isenda, 25memsūli nisekonda iyi mori dūpmūsumpatamtugi ūnisog nimo nugkugko popowo ugi sumplīlō ĭm talugi, mori irora dūmurūnosenigi; miyi yemtenīmpe Iesū punora worumpi iran sugkū irora dūmokū ugi.

26Im polekū dūmūtōri pelah dūmūlekavi Sīmon, sī neteme Sīrenia, mori yemavan memne ra nete nūrū, mūmūtipe nēūmparura iran woruriuki kitan Iesū.

27Im sī semsimak tamas, marokonda ōvun netevokontū, dūmūri iyi, movasiven mori dūmūtugi iyi, mūmtugageri. Im Iesū yemelagkaū iranda memenūwi, memokū, 28Ovasiven ra Yerūsalem, ūtūgi yaū; ūtugi kĭmi mōvun netnime soremi. 29Urĭgi, dansū wampelum pol sugkū wanūwi, magkū, Nevīeves ōvun umlat, mōv netninda dūtūtandiokumpōk, mōvun nin mori dūtūampūniugi. 30Mirora wanatipotni worenūwi punora ōvun numpūo, magkū Umol iramam; ĭm punora ōvun terĭmsisah, Uteventerugkam; 31ĭt nagkū wonumpi imosū ra nēsū teremte, wonumpi sie ra nēsū ūmetū?

32Dūmūtōrora dal iyi, dūrū ovun numpindi woretalokonda.

33Im pol sugkū dūmūsenterumpene ra nūrū, nin Kalvari irora dūmūtalugi iyi yūi ra nēūmparura, mōvun numpindi dūrū mori, sī ra nokoven meves im sī ra moor.

34Im Iesū yemenūwi memokū, Nate, efielintokonda, irora ūtūmagkili sie ūmnumpi. Mirora dūmafēokondugi ōvun nemas isen, memasenduri lot. 35Mōvun netovokontū dūmūtūrū, mumūsūgkelōwi. Mōvun natemonōk dūmagipĭ dal irora, mūmūnūwi mūmōkū, Iyi yemovkortomūrep nugkoneme, aremī iyi asepen neviēōwari iyi, nagku iyi Kristo mori Nōbū yemtampoli. 36Mōveteme ūbrami sugkū dūmūtufopwi iran, mūmūvelum potipot, mūmōkū wampugi nū nakan, mūmūnūwi, mumōkū, 37Nagkū kĭk natemonok isenda oveteme Isrēel, ovkikēōwara. 38Sī netiyi ugi ōvun leter Krik, ĭm Latĭn, ĭm Hibrū ĭmĭlūo ra numpūn yemetiyi, memokū, Imo natemonok isenda oveteme Isreel.

39Im sī ra irora ōvun numpindi mori dūmūsakelevugi yemenūwi nam sat pugi memokū, Nagkū kĭk Kristo ovkikēōwara im kam. 40Kō naviran isen yemtamsi memenūali pugi, memokū, Kĭk sugkū, kotūm amtetugi Nōbū kū? ĭm nipmi nisekom siteven sugkū. 41Utampenĭgi irag miram ugi tanepo, popōwo kos kūvī sugkū numpūrah enugkos: Kō, imo neteme ōtūumpi sī se sī sat, tawi. 42Miyi yemenūwi pugi Iesū, memokū, Novsūromon, Entemi yaū pol sugkū kōmampelum ra lō sorum. 43Im Iesū yemenūwi pugi memokū, Itnesog, ya umanūwi pugkĭk, memagkū, Irē kante nandū yaū ra Paradīs.

44Im ra nempugon mori sugkū pōakas-pōakas, memeti nelebokevat ra nūrūsū memetendōwi mafeli ra poarap.

45Im nĭpminen yemeti nelebokevat, ĭm némas woreseni ūnisog silelokeves tumpora yetĭntevaseri ĭleboteven. 46Im Iesū yemovrugi gi naviansah memenūwi, memokū, Nate, ya umampugi nokopmū naviat sorug, ĭm pol sugkū iyi yemenūwi imosū iyi yumti nesumsah memtenimpe naviat. 47Miyi Sentūrion pol sugkū yemokesi mori yemetepū yemevietivesep Nōbū, memenūwi, memokū, Itnesog, imo neteme, tanepo wokon. 48Mōv numpūn lō sū mori dūmūvelum worokesi imo, pol sugkū dūmōkesi siemesū dūtinumpi, dūmūsepentĭ nemĭndugonda, mūmūtorĭleki. 49Im omwisū mori dūmūkili iyi, movasiven mori dōmūri iyi marugi Kalĭli, dūmūtūrū ĭsūt, mūmōkesi imosū.

50Sī neteme, nin isen Yosef, sī natemonok nūrian, neteme aremī ĭm tanepo; 51miyi yetūmūwi, mokū sugkū nam, kū numpūrah isenda; neteme Arimatia, sī sĭti isenda ēveteme Isrēel, miyi yemtametemetugives lō isen Nōbū; 52imo neteme yemesepen ive pugi Pīlat memesenĭgi nokolisiran isen Iesū. 53Miyi yivīsep, memovsen ugi lĭnen, memetipe ra velitenemi yepmurevi ra vetūnam, dūtūpmetipe sī ūnisog mori. 54Dan mori Daneworūm, Danemĭndog yemumpotipot. 55Movasiven mori dūmūvelum dal iyi mūmne ra Kalĭli, dūmūrora mūmōkesi velitenemi im nokowo dūmūtipe nokolisiran isen. 56Mirora dūmūtorĭleki, mūmūsiman ugi ōv nūrah nempeneves mōv nagĭeves; mirora dūmmemīndog ra Danemĭndog sugkū selnivi nam.

Currently Selected:

Luk 23: ERGNT79

Highlight

Copy