Matiyu 22
22
1Iesū yemtamsi mōmenūwi punora ugi ōvun parabel, memokū, 2Lō ūnpokūp sugkū sĭ Natemonōk ra nūsian mori yemnaragū ra nempokelah nĭsekon netni ĭtnateman eni. 3Miyi yemtamūlora ōvun lĭvsaū eni woretōrora mori iyi yepmemtantūrū ugi nempokelah mirora dūtnōkū ūtūampelah. 4Miyi yōemtamūlora mōmū ōvun lĭvsaū memenūwi punora memokū, Unūwi punora mori yepmovrokonda mōkū, Urĭgi, ya okosiman narĭgari enyaū; ūralokonda ōvun kūrimataū enyaū, mōv nūrah nūval mūsiman sū; ūvelum ra narĭgari ugi nempōkēlah. 5Kō irora dūtūtarūgi mūmuve pelah, sī ra denūok eni, ĭm sī woresēevasi; 6ĭm nugkoneme dūmūvĭ ōvun lĭvsaū isen mūmagepī iranda, mō mūtalokonda.
7Miyi fan lō yemorĭgi mō marakĭ memtamūĭora ōvun umpako eni, mō mūtalokonda ōvun temelemel, mō matni ūntemne isenda; 8miyi yōmenūwi punora ōvun lĭvsaū eni memokū, Pah, narĭyari osiman sū, kō irora mori dūpmūtantūrū, tawi aremī; 9ūveve ūselat sū alam mō mūtantūrū sū mori kĭmi kwagesi, wagkū irora wampelum ra narĭgari ra nĭmpokelah.
10Mōvun lĭvsaū mori dūmūve ra selat sū alam mō mūvrokonda omwisū mori dūmōkesi, ūr ĭm aremī; ĭm ra mumpon sĭlebok ra narĭgari dūmūtesĭgi sikat. 11Im pol sugkū iyi fan lō yentorĭmpe ūnisog worokesora mori dūmovrokonda, yemokesi sĭ neteme dal, miyi yetūvīugi sĭmplaūon aremī ra narĭgari, 12miyi yemenūwi pugi memokū, Avūg, kĭk oleki nokowo, ĭm pelum ĭgko, ĭm mampūm metūvakugi nemas ra narĭgari? Miyi yematepū.
13Fan lō yemenūwi punora ōvun torugat eni memokū, Uiti iyi ugi nokoven ĭm nōan, mō mūriuki mō mūtafugi ratilat ra mumpon nūrū iyūi nĭlebōkevat wokon; 14wontugagerisah moneltirit nogūn; ĭt umam perokonda sikat, kō umuntampolora tawi sikat.
15Penūri imo ōvun Faresi dūmūve irorago mūmūsepen enūwi mūmōkū nokowo wandūleki iyi ugi nam eni. 16Mirora dūtamūlora pugi ōvun nūrie enirora dal ōvun nūrie eni Herod, mirora dūmūnūwi pugi mūmōkū, Tavsogi, Ka kemlagkili ma kĭk ĭtnesog, ĭm kĭk ementavsogi ves ugi selat eni Nōbū, ĭm kĭk otūmamtetokonda ōveteme; 17Kemagkū tie? sugkū selnivi nam mampugi Sisar muni mori kū? 18Enūwi pugkam. Kō Iesu yemelavenūri satĭndi enirora memenūwi punora memokū, Ovun nempiri kūmuntapmi yaū irantie? 19Sesi po yaū sī peni. Mirora dūmūvugi sĭ. Miyi yemtagkelora memokū, 20Imo safi ĭm netīyi nam, ugi mē? Mirora dūmūnūwi mūmōkū, Sisar. 21Miyi yōmenūwi punora memokū, Uvugi Sisar tiame eni Sisar mūvugi Nōbū tiame eni Nōbū. 22Mirora dūmūrĭgi mūmovkeritwi mūmūwi iyi mūmūve pelah. 23Imo dan ōvun Sadūsi dūmūvelum pugi mori ūmagkū ōveteme ūtūamsorasah marugi nemas, mirora dūmūtagkeli iyi mūmōkū, 24Tavsogi, Moses yemenūwi memokū, nagkū sī neteme amas ĭm tawi netni, avensī eni ōmampī retepon eni mentorora ōvun netnime nĭsekon avensĭ eni. 25Ravensĭeme seven dūmūtendowi dalkam mĭtnetemefe yemetovrugi sī nasiven miyi yimas ĭm tawi netni eni, memtenĭmpe retepon eni pugi avinsĭ; 26miyi dūrūgi sugkū; ĭm deselugi sugkū mirora sū seven sugkū; 27-28Miyi nasiven yimas ra nisah; Im ra nevsorasah, iyi anti retepon enemē, ĭt irora seven dūmotovrugi iyi. 29Im Iesū yemtamsi memenūwi punora memokū, Kĭmi kūmasepen tarūgi wokon popōwo kūtūmagkili ōvun netīyi tumpora, kū horog eni Nōbū; 30Ra nevsorasah irora ūtūōmenetorugi, mūtūōmanteventorugi, kō wanti sugkū ōvun agelō eni Nōbū ūnpokūp. 31Kō ugi nevsorasah marugi nemas Kĭmi kūtūsepi imo mori Nōbū yemenūwi pugkūm memokū, 32Yaū Nōbū eni Ebraham, ĭm Nōbū eni Isak ĭm Nōbū eni Yakob, miyi Nōbū tawi Nōbū enirora ōveteme nemás, kō enirora mori emnomūrep. 33Mōv numpūn lō mori dūmūrĭgi mūmōvkeritwi ra nam tavsogi eni.
34Mōvun Faresi dūmūrĭgi nam ma iyi yemumpi natepū ōvun Sadūsi, mūmūsepen semsimokonda pugi; 35ĭm sī ra irora, neteme Somūl, yemtagkeli memokū, 36Tavsogi selnivi nam ra nūsian itokowo? memokū mentapmi iyi. 37Im Iesū yemenūwi pugi memokū, Konelintugi Iehōva Nōbū enugkĭk ugi nōwom omwisū mugi naviat omwisū enugkĭk, mugi nōĭntanwi omwisū enugkĭk; 38imo selnivi nam ra nōbūm ra nūsian; ĭm dūrūgū sugkū ra nōbūm, 39Konelintugi numpūnaram sugkū kĭk pe kĭk; 40imo endūrū potnĭnda ōvun selnivi nam mōvun profet.
41Im pol sugkū ōvun Faresi dūmūsemsimokonda Iesū yemtagkelora memokū, 42Kūmagkūntie ugi iyi mori Krĭstō ĭ Iyi Netni ene mē? Mirora dūmūnūwi pugi mūmōkū, Eni Dēvĭd. Miyi yōemtagkelora memokū, 43Im nokowo Dēvĭd yemenūwi ugi Naviat memokū, iyi Novsūromon eni; iyi yemenūwi memokū,
44Iyi Novsūronn a yemenūwi pugi
Novsūromon enyaū memokū,
Etesep ra nokovūg meves afeli nempugon ya osempelokepegi ōvun novsen nakan enugkĭk ūnōam.
45Nagkū Dēvĭd umanūwi magkū, Novsūromon enyaū, iyi netni eni nokowo? 46Im tawi sī faneteme worōmentamsi manūwi sī nam pugi; tawi sĭ yemsēemoiemo worōmen-tagkeli sī nam.
Currently Selected:
Matiyu 22: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
