Matiyu 23
23
1Im Iesū yemenūwi punora ōvun numpūm lō, mōvun nūrie eni memokū, 2Ovun Somūl mōvun Faresi ūmantesep ra woretesep eni Mōses; 3ĭm tiame sū irora wonempasewugkūm worefĭnte, ūfĭnte mumpi, kō ūtūumpi sugkū irora umnumpi, 4ĭt irora ūmanūwi mūtūmnumpi.
Irora umĭeti en tiame numpōhentom mori ūmnelĭleki iranda ōveteme, mūmantipe ra nevlokonda woretantĭlni; kō irora ūtūonaverora ugi sĭ dugerugon enirora. 5Irora ūmnumpi tiamesū ma sugkū ōveteme wagesora, mūmnumpi fĭlakteri enirora tamas, mōv nemas enirora tantop, 6mūmnelintugi ōvun woretesep ra nūsian aremĭ ra ōvun narĭgari, ĭm ra nimo sū tavsogi sugkū, ĭm nam paū ugi nelintokonda ra nūrū sū nevasi, 7mōveteme worovrugi ninda magkū, Rabĭ, Rabĭ.
8Kō kĭmi ūtūnūwi nimi ugi ōveteme, Rabĭ; sĭteven Novsūromon enugkĭmi, Krĭstō, ĭm kĭmi sū ravensĭeme; 9mūtūtōkū sĭ ra nemap, Nate, ĭt iyi sĭteven ūnpokūp, Itemenekūm; 10mūtūnūwi nimi ugi ōveteme ōvun Atemonōk, iyi sĭteven natemonōk enugkĭmi Krĭstō. 11Kō iyi sĭ kĭmi ra nūsian anti lĭvsaū enugkĭmi; miyi sĭ asepen mesendiukisah iyi, antinwīsep iyi; 12miyi sī asepen nevĭsep iyi, anti nevīsah iyi. 13Owĭ irami ōvun somūl, mōvun Faresi, ōvun nĭmpiri! ĭt kĭmi kūmūsumpat pokūp morokonda ōveteme; kĭmi kūtū mĭntorĭmpe, ĭm kĭmi kūmūsumpatamtokonda mori ūmagkū worĭntorĭmpe.
14Owĭ ĭrami, ōvun Somol, mōvun Faresi, ōvun nĭmpiri! ĭt kūmĭntoreforugi en tiame isenda ōvun neviumpewi, mō mūmnufwaki nĭmpugon tantop worĭmpiri ugi; atĭn tampenĭgi mōmū tamas irami; kwonumpi iyi netemĭndi mōmū irami.
15Owī irami, ōvun Somol, mōvun Faresi, ōvun nĭmpiri! ĭt kĭm wavrivrū ran tok, mō ĭm nesorugi magkaū nemap, woretōri sĭ nūriē, ĭm pol sugkū kūmampī iyi, kūmnumpi iyi netemĭndi mōmū tamas irami.
16Owī irami ōvun tavsogi nĭmtēi, kūmanūwi magkū, Iyisĭ nūwi nam ūnam magkū ugi nimo tumpora, anūwi nam wokon; kō iyi sī anūwi nam ūnam magkū ugi kōld ra imo tumpora, andūleki iyi. 17Ovun sempia mōvun nĭmtēi! itokowo nūsian aremī, kōld kū nimo mori umnumkōld tumpora? 18Miyi sĭ anūwi nam ūnam ugi nefati anūwd wokon; kō iyi sĭ anūwi ugi ĭtemas woresakrefĭs ugi ran tan, andūleki. 19Ovun numgī mōvun nĭmtēi! itokowo nūsian aremī, ĭtemas mori kū nefati mori umnumpi pe sakrefĭs tumpora. 20Popōwo imo sugkū, iyi sī umanūwi nam ūnam ugi nefati, iyi umanūwi nam ūnam ugi ĭm tiamesū ran tan sugkū. 21Miyi sī umanūwi ugi miyi mōri umantendōwi ūnisog. 22Miyi sī umanūwi nam ūnam ugi pokūp, iyi umanūwi ugi potnumpūtūo eni Nōbū, ĭm Iyi mori umantesep ran tan sugkū.
23Owī irami ōvun Somūl, mōvun Faresi! ōvun nempiei! ĭt kūmūntalōkugi nugkon ran topavo nēmpen ves, ĭm anĭs, ĭm topavo nakan, kō kūtūumpi sugkū sēlnivinam ugi nūrian tanepō, ĭm togesoveli, ĭm tavniri; aremī kūp-mūmnumpi imosū mūtūwi mori mōmū. 24Ovun tavsogi nĭmtēi! Kūmnetĭ marugi nū ūlag, mūmūtagule kamel. 25Owĭ irami ōvun Somūl, mōvun Faresi, ōvun nempiri! ĭt kūmūsendumsi kup ĭm plēt ratilat, kō ratūnisog ūvūarugi torefora ĭm nelasivian sat. 26Faresi nĭmtēi! sendumsi mampūm ratūnisog kup ĭm plēt ma sugkū imo ratilat anti sentevives. 27Owĭ irami ōvun Somūl mōvun Faresi, ōvun nempiri! ĭt kĭmi sugkū ōvun velitenemi ūmnumpi nesebo, umagesi ratilat aremī, mūnisog umampūarugi ōvun nōiran ōveteme nemás, ĭm tiame nelĭlūo. 28Unimĭnda ōveteme kĭmi sugkū tanepo, kō ūmnovūarugi ūnōwami nempiri ĭm satĭndi.
29Owī irami ōvun Somūl mōvun Faresi! popōwo kĭmi kūmnumpi ōvun velitenemi enirora ōvun profet mūmumpietovtam ōvun nokol enirora ōvun tanepō, mūmanūwi mūmagkū, 30Nagkū kos dal irora ritemendeme enugkos, kos pletūwosĭlĭgi de enirora ōvun profet dal irora. 31Im kĭmi kūmūsepen numpūvsok pugkūm ma kĭmi ōvun netnime enirora mori dūmūtalokonda ōvun profet. 32Ukompeli sū satĭndi enirora ritemendeme enugkĭmi.
33Ovun neskil mōvun vīper! kĭmi kwalevi navoret ra neswate nokowo?
34Urĭgi, ya umentamūlora ōvun profet mōveteme nōĭntanwi, mōvun tavsogi, ĭm nugkon ra irora kĭmi kwontalugi, nugkon ra nēūmparum, ĭm nugkon kwamselatevora ūnisog ōvun nimo tavsogi enugkĭmi, montelesora marugi ōvun sĭti; 35ma sugkū wonesovolekūm ugi de sū umandūnwosĭlĭgi ra nemap sū, marugi de eni Ebel neteme tanepō mafeli de eni Sakarīa netni eni Barakĭa mori kūtalugi iyi ĭlebōteven nimo tumpora ĭm nefati; 36ĭtnesog ya umanūwi pugkūm magkū, wonesovolekūm ra imo palsi ugi imosū omwisū.
37Yerūsalem, Yerūsalem kementalokonda ōvun profet, memantevorugi nevat yemorūn tandekōwora pugkūm, yaū morūnakīugi woresemsimokonda ōvun netnime enugkĭk sugkū netūo umentenakevokevora ōvun netnime eni ĭm kūmūtūakĭugi. 38Pah, nimo enugkĭmi ōwi sep pugkūm nimakelep; 39it ya umanūwi pugkūm memagkū kĭmi kūtūōmagkusi yaū afeli nempugon kwanūwi nĭagkū, Nevĭeves iyi mori ōmemampelum ra nin eni Novsūromon.
Currently Selected:
Matiyu 23: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
