Matiyu 24
24
1Im Iesū yive ilat memōwi nimo tumpora. Mōvun nūrie eni dūmūveluin mūmūsesi pugi ōvun sileboke ves nagkaūugi nimō tumpora. 2Im Iesū yemenūwi punora memokū, Kĭmi kūmagesi imosū kū? Itnesog ya umanūwi pugkūm memagkū, otūantendōwi ĭgko sĭ nevat ran tan nevat; wontalepasi omwisū.
3Im pol sugkū iyi yemetesep ra numpūo Olivet, ōvun nūrie eni dūmūvelum pugi iyi ko sĭ, mūmūnūwi mūmōkū, Enūwi pugkam, nĭgoi onumpi sugkū? ĭm saf nevelum enugkĭk ĭm nelehūvan nemap sugkū tie? 4Im Iesū yemtamsi memenūwi punora memokū. Ufĭnte kĭmi ma sĭ otūonempiri wugkūm; 5popōwo sikat wampelum ra nin enyaū manūwi magkū, Yaū Krĭstō, momempiriwokonda ōveteme sikat. 6Im kĭmi kwaridūnorĭgi nam ugi ūbrami, mōvun narĭgi ugi ūbrami; ūfĭnte kĭmi mūtūyōūmple; imosū wampelum, kō otūalehūvan itnum. 7It lō wonategeveram ra lō sĭ, ĭm netevokontū ra netevokontū sĭ; ĭm ra nūrū sū sikat ōvun temas mōv navoret mōv nomiōk. 8Imosū omwisū wonatipotni ōvun nelĭleki. 9Mōveteme wonempiri wugkūm woretipe sokomulep irami, montalugkūm, ĭm lō sū wonakan pugkūm popōwo ugi nin enyaū; 10ĭm sikat wontamsal momempiri wokonda, irora pe irora, masepen nakan punora irora.
11Mōvun profet nempiri sikat wampelum momempiri wokonda ōveteme sikat; 12mōv numpūrahĭndi wantendamsah, ĭm popōwo ugi mō nelintugi enirora ōveteme sikat ampēyū; 13kō iyi sī onatekisah mantendōwi ūnam afeli ra nisah ampiēōwara iyi. 14Im imo nam navosavos wontorenūwisah nĭmsĭn numpūvsok punora ōveteme ra nūrū sū; ĭm penuri imo ampelum nelehūvan. 15Im pol sugkū kĭmi kwagesi nūrah ĭteobuki, mori umnumpi nirrīakelep, mori Daniel profet yepmenūwi memokū ugi, umantūrūwi ūnisog nimo tumpora (miyi sī kū sī ūmasepi netīyi ugi, 16aremi iyi umagkili fan nam) aremĭ irora ra Yūdia wonalo ra numpūo; 17miyi ran tan nimo otūīyep magkū worevĭ sĭ en tie sī ūnisog nimo eni; 18miyi ra denūok aremĭ iyi otūontorĭleki magkū worevĭ némas eni.
19Irora mori wontandiokumpōh ran dan sū mori mūm navuguni wandĭgi nesorū tamas; 20ūfwaki ma sugkū kūtūwonalō ra nakas kū ra danemĭndog; 21ĭt sokomulep tamas wampelum sugkū yētūtepū marugi natipotni nemap mefeli nempugon marima, motūōmampelum sugkū; 22ĭm nagkū petūmnumpotipot dan sū mori petūviēōwara sĭ; kō popōwo ugi irora ōvun tampoli onumpotipot dan sū mori.
23Im nagkū sĭ anūwi nam pugkūm magkū, Urĭgi, iyi Krĭstō ĭgko; kū iyi ĭgko; ūtūtavnirĭgi; 24popōwo ōvun krĭstō nempiri wampelum, mōvun profet nempiri sugkū, mirora wonumpi ōvun nokosĭnpūp navlugi worempiriwokonda ōveteme, mōvuntampoli nagkū irora faneteme. 25Urĭgi, ya umanūwi pugkūm marima. 26Popōwoimo sugkū, nagkū irora wanūwi pugkūm magkū, Urĭgi, Iyi ra nūrū wokon ūtūve; 27kū, Iyi ūnisog seleboke ves vamon, ūtūtavnirĭgi; popōwo nevelum eni Netni eni neteme anti sugkū tūrepis mori umamne ūnūrū mumeselĭ mefeli nelehompeni; ĭt ra nūrū nokolĭsiran ĭtūremas yūi 28sugkū ōvun sokowavi wosemsimokonda.
29Im penūri sokomulep dan sū mori marimago nĭpminen anti nelebōkevat, mitĭs otūoselĭ, ĭm mosi sū wamol marugi pokūp, mōvun horogsū ūnpokūp woyeliel, 30ĭm safi eni Netni eni neteme antūratūmpeni ra pokūp, mōvun savūta sū ra nemap wandĭgumpūnū, inirora wagesi Netni eni neteme umampelum ra ōvun numpūaū ūnēĭ ugi horog ĭm nilasilaswi tamas. 31Miyi ontamūlora ōvun agelō eni ugi nasora tamas ugi tovūi mirora wosemsimokonda ōvun tampoli eni marugi nūrūsū nūrūsū, marugi nugkon ra nugkon pokūp.
32Ukili parabel tovuni nē fĭk; pol sugkū umesemsi memselevlevi kūmagkili nenum umnumpotipot; 33ĭm kĭmi pol sugkū kwagesi imosū omwisū, ūkili imo potipot ra nogūn selat. 34Itnesog ya umanūwi pug kūm memagkū, imo palsi otūamas sū afeli nempugon imosū omwisū wonekompelisū. 35Pokūp mūnemap wampia, kō nam enyaū utūampia.
36Kō dan mori ĭm nugkon dan, tawi sĭ umagkili, ĭm tawi irora ōvun agelō ūnpokūp, Iyi wokon, Itemen yaū.
37Sugkū dan sū eni Nōa, anti sugkū nevelum eni Netni eni neteme. 38It irora nempugon nōisap yetūvelum dūmneni mūmnomoneki, mūmnetovrugi, mūmanteventerugi mefeli dan Nōa yive ūnisog ark, 39mirora dūtūkili mefeli nempugon nōisap yivelum mūmūriokonda sū pelah; nevelum eni Netni eni neteme anti sugkū. 40Ra imo dan dūrū ōveteme ra denūok, ampī sī mawi sī; 41dūrū ōvasiven wonĭok, ampĭ sĭ mawi sĭ. 42Popōwo imo sugkū wavles, popōwo kĭmi kūtūmagkili nempugon Novsūromon enugkĭmi ōmampelum Mūkili imo, 43nagkū iyi neteme ra nimo pĭpmokili ra nugkon pūmrok neteme numprok pivelum iyi pevsora ma sugkū iyi otūonevelugi nimo eni. 44Kĭmi sugkū, ūtaveseves, popōwo Netni eni neteme ōmampelum ra dan kūtūontarūgi. 45Im mē iyi nivūo tanepō im nōĭntanwi, Narisah eni yemetipe worefĭnte irora ra nimo eni memavugunora ōvun lĭvsaū eni ugi nevag dan sū? 46Nevĭeves nivūo mori nagkū Narisah eni pol sugkū ōmampelum agesi iyi 47umnumpi sugkū ĭtnesog ya umanūwi pugkūm, antipe iyi worivūo ra netevote omwisū eni. 48Kō nagkū sĭ nivūo sat asepen enūwi ūnōwan magkū, Natemonōk enyaū otūvelum, 49miyi onatipotni woreselatevora ōvun lĭvsaū dal, memneni memnomoneki dal ōvun naūeteremlū. 50Iyi Natemonōk eni nivūo mori ōmampelum ra dan iyi otūontevetūi, ĭm ra nugkon dan iyi otūagkili ugi, 51miyi osentevi, mampugi nĭpmi dal ōvun nempiri; yūi wontugagerisah moneltirit nogūn.
Currently Selected:
Matiyu 24: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
