Matiyu 25
25
1Ra imo dan lō ūnpokūp anti sugkū ōvun ĭtnumpokon narōlem mori dūmūvĭ ōvun lamp enirora mūmūve worevtet iran neteme yempōhelah; 2ĭm sūkrĭm ra irora ōvun nelekon, ĭm sūkrĭm ōvun numgī. 3Ovun numgī dūmūvĭ ōvun lamp enirora mūtūvĭ dumpon nĭmsĭn; 4kō ōvun nelekon dūmūvĭ dumpon ra ōvun nūrah sugkū, nĭmsĭn ōvun lamp enirora.
5Miyi asūon yetuvelumĭtnum, mirora sū dūmūselah malēepo. 6Yetūnemes pūmrok dūmasora mūmōkū, Asūon umamprokovelum, ūve worevtet iran. 7Mōvun ĭtnumpōkon omwisū dūmūtūok mūmaroven ōvun lamp enirora. 8Mōvun numgĭ dūmūnūwi punora ōvun nelekon mūmōkū, Uvugkam wi dumpon enugkĭmi ĭt ōvun lamp enugkam ūmnoremismis. 9Mōvun nelekon dūmūnūwi punora mūmōkū, Onevirok nĭsekomam ĭm nĭsekomi, kū? ūveve punora ūmantipe enirora mūvasĭgi nĭsekomi. 10Im pol sugkū iroro dūmūve worevasĭgi asūon mori yivelum, mirora mori dūtavesves dūmūve ūnisog dal iyi ra nempōhelah; mūmūsumpat būkitampet. 11Penūri imo nugkoneme ōvun ĭtnumpokon mori dūmuvelum, mūmūnūwi mūmōkū, Narisah, narisah, tĭpelah iramam; 12kō iyi yemenūwi punora memokū, Itnesog ya umanūwi pugkūm memagkū, Ya otūmagkilokūm. 13Wavles kĭmĭ, popōwo kūmūtūmagkili dan, kū nugkon dan pol sugkū Netni eni neteme ōmampelum. 14It iyi Netni eni neteme sugkū sĭ neteme mori yemokū iyi ampe ra nūrū sĭ, memovrokonda ōvun lĭvsaū eni, memafēokondugi netevote eni. 15Iyi yemovugi sĭ ōvun peni tūrti taūsan, ĭm sĭ twelv taūsan; ĭm sī wun taūsan, sugkū nōĭntanwi enirora irorago; miyi yive. 16Neteme mori yivĭ ōvun peni turti taūsan yive memsēevasi dal mōĭmpĭ ōvun peni turti taūsan mōmū dal; 17miyi mori yivĭ twelv taūsan iyi yōĭmpĭ twelv taūsan mōmū dal; 18miyi mori yivĭ wun taūsan yive memokol ra nemap memetiumpeni muni eni Narisah eni.
19Penūri nempugon tantop narisah enirora ōvun lĭvsaū mori yōĭmpelum memesorugi ōvun numpūrah enirora. 20Miyi mori yivĭ ovun peni turti taūsan yivelum mempī ĭm pelum ōvun peni turti taūsan mōmū dal, memenūwi memokū, Narisah, kemovoyaū ōvun peni turti taūsan; okesi, ōvun peni turti taūsan mōmū sugkū, mori ya ōĭmpi ugi sēevasi Narisah eni yemenūwi pugi memokū, Aremī lĭvsaū aremī ĭpn tanepō; 21kemumpi tanepō ugi virok, ya antipe kĭk worivūo ugi sikat, elum ūnisog navos ūndū Narisah enugkĭk. 22Miyi mori yivī ōvun peni twelv taūsan yivelum memenūwi memokū Narisah, kemovoyaū ōvun peni twelv taūsan; okesi, ōvun peni twelv taūsan mōmū sugkū, mori ya ōĭmpī ugi sēevasi. 23Narisah eni yemenūwi pugi memokū, Aremī lĭvsaū aremī ĭm tanepō; kemumpi tanepō ugi virok, ya antipe kĭk worivūo ugi sikat; elum ūnisog navos ūndū, Narisah enugkĭk. 24Miyi mori yivĭ ōvun peni wun taūsan yivelum memenūwi memokū, Narisah, yaū mokilok, ma kĭk neteme nugkugko, kemnalekon ra nūru kemetūmnaseviugi novsen, ĭm kemesemsimugi yūi kotūmantipe, 25ĭm yaū memtetug kĭk, mempe memetiumpeni ōvun peni Wun taūsan enugkĭk ra nemap; okesi, enugkĭk.
26Narisah eni yemtamsi memenūwi pugi memokū, Lĭvsaū sat ĭm nĭmrū, kemokili ya umnalekon ra nūrū yūi yaū metūn naseviugi novsen; memesemsimugi yūi yaū metūmantipe; 27ĭm popōwo imo sugkū, irantie kemetūtipe muni enyaū punora ōveteme nevasi ma yaū pol sugkū pivelum pivī enyaū ĭm mōmū sugkū? 28Uvī marugi ōvun peni mori, mūvugi iyi mori pepĭmpi turti taūsan. 29Popōwo iyi sī ūmantipe eni ampĭ mōmū, miyi antipe eni sikat; miyi sĭ otūtipe eni, wampī parugi imo iyi umantipe; 30mūtafugi ratilat lĭvsaū nĭmrū ra nūrū nelebōkevat tamas; yūi wontugagerisah moneltirit nogūn.
31Pol sugkū Netni eni neteme ōmampelum ra nilasilaswi eni, mōvun agelō tumpora omwisū dal, iyi antesep ran tan potnumpūtūo nilasilaswi eni, 32ĭm lōsū omwisū wosemsimokonda ūnĭpmi eni, miyi ontevavwora, sugkū sĭ neteme mantevavwora ōvun pugipugi, mōvun nani. 33Miyi antipe ōvun pugipugi ra nokoven meves eni, mōvun nani ra moor.
34Miyi Novsūromon anūwi punora ra nokoven meves eni magkū, Uvelum kĭmi ōvun nevĭeves eni Itemen yaū, ūvĭ lō yepĭmsiman nĭsekomi marugi natipotni nemap; 35ĭt yaū ĭm temas ĭm kĭmūvo yaū nevag; yaū meviumnok ĭm kĭmovoyaū nū, yaū dōmo ĭm kūmūtōri yaū ūnisog; 36tawi nemas enyaū ĭm kĭmevĭ yaū ugi; yaū mamarat ĭm kĭmūtnemi yaū; yaū ra nimo nugkugko ĭm kĭmūvelum po yaū. 37Movun tanepō wontamsi manūwi pugi magkū, Novsūrom, Nĭgoi lokesok ĭm temas ĭm lavugunok? kū meviumnok ĭm lovunok nū. 38Nĭgoi kam lokesok dōmo ĭm litōrok ūnisog? kū mavan wokōn ĭm levakugi? 39kū nĭgoi kam lokesok mamarat, kū ra nimo nugkugko, ĭm livelah? 40Miyi Novsūromon ontamsi manūwi punora magkū, Itnesog ya umanūwi pugkūm magkū, Popōwo kĭmumpi nĭsekon sĭ iroramo virok ravūgsieme, kĭmumpi nĭs kog.
41Miyi anūwi punora ra nokoven moor eni magkū, Uve pelah marokoyaū, kĭmi ōvun navoret, ra nom ĭndōwi, mori yepĭmsiman nĭsekon Sētan mōvun agelō eni; 42ĭt yaū ĭm temas ĭm kĭmūtūavuguni yaū; yaū meviumnōk, ĭm kĭmūtovo yaū nū; 43yaū dōmo, ĭm kĭmetū tōri yaū ūnisog; yaū mavan wokon, ĭm kĭmūtūevĭ yaū ugi; yaū mamarat, ĭm ra nimo nugkugko, ĭm kĭmūtūvelum woratnemi yaū.
44Mirora wontamsi montagkeli magkū, Novsūromon, nĭgoi kam lokesok ĭm temas ĭ kū meviumnōk? kū sī dōmo memavan wokon ĭ kū mamarat, ĭm ra nimo nugkugko, im letūm torugat iram? 45Miyi ontamsi manūwi punora magkū, Itnesog, ya umanūwi pugkūm magkū, Popōwo kĭmetūumpi nĭsekon, sĭ ra imosū virok, kĭmetūumpi nĭsekog. 46Im imosū wampe pelah ra tampenĭgi ra sokomulep ĭndōwi ĭndōwi; kō ōvun tanepō ra nomūrep ūbrūni.
Currently Selected:
Matiyu 25: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
