Matiyu 26

1Iesū yemenūwi aveni imo nam mōmenūwi punora ōvun nūrie eni memokū, kūmagkili paska winag, 2mirora wonempirĭgi Netni eni neteme montalugi ra nēūmparum.

3Mōvun tavsogi tumpora, mōvun somūl mōveteme talam marokonda ōvun netevokontū dūmūsepen semsimokonda ūnisog nimo eni Kēafas tavsogi tumpora mūmnaūor, 4mūmōkū wonelekavi Iesū ugi nempiri, montalugi. 5Kō irora dūmūnūwi mūmōkū, Tawi ra nempugon paska, kū en tawi ōvun numpūn lō wonumpi nesesaū.

6Im pol sugkū Iesū ra Betani, ra nimo eni Sĭmon neteme lepros, 7sī nasiven yivelum pugi memuriuki bokis alabaster ugi dumpon ves, tamas aremĭ, memwosĭligi ra numpūn eni Iesū polekū iyi yemtesĭgi. 8Mōvun nūrie eni dūmōkesi mūmūrakĭ mūmūnūwi mūmōkū Mamsugi umagkĭmi imo? 9Nagkū pemampasĭgi nagi mori, pivī nĭpmi tamas worovunōra ōvun narumkor. 10Iesū yemokili ugi, iyi yemtagkelora menūwi memokū, Irantie kūmoiugūri nasiven? iyi umpi numpūrahves irag. 11Ovun narumkor dal kĭmi dan sū; kō ya otūantendōwi dal kĭmi dan sū. 12It iyi okowosĭlĭgi imo dumpon ra nokolĭsirag nĭmsĭn wortenumi yaū. 13Itnesog, ya umanūwi pugkūm memagkū, ra nūrūsū nūrūsū yūi wontorenūwisah imo nam navosavos, yūi wanūwi sugkū magkū ugi imo, imo nasiven umpi, warentemi iyi.

14Im sĭ ra irora twelv, Yūdas Iskariot yive punora ōvun tavsogi tumpora, memenūwi punora memokū, 15Kĭmi kwampo yaū tie woretenĭmpe iyi pugkūm? Mirora dūmūnūwi mūmōkū, Ovun peni wun hunder ĭm fīfti.

16Marugi imo nempugon iyi yemeserugi nempugon aremĭ worenempirĭgi iyi.

17Ra dan nōbūm woreni paska, ōvun nūrie mori dūmūvelum pugi Iesū, mūmūtagkeli mūmōkū, Ia kemagkū ka kelisiman nisekom woreni paska? 18Miyi yemenūwi memokū, Uve ra sĭti pugi sī neteme mūnūwi pugi mokū, Iyi Novsūromon onūwi mokū, Okovelum nempugon mori enyaū; ya oneni paska dal ōvun nūrie enyaū ra nimo enugkĭk. 19Mōvun nūrie dūmumpi sugkū iyi yempasiwokonda, mūmūsiman paska mori.

20-21Im pōarap-arap iyi yemtesĭgi dal irora Twelv. Im polekū irora dūmoni, iyi yemenūwi memokū, ĭtnesog, ya umanuwi, sī ra kĭmi onempiriwokoyaū. 22Mirora dūmūrĭgi sat tamas wokon, mūmatipotni woresepen tagkeli iyi mokū, Novsūromon, yaū kū? irorago sugkū. 23Miyi yemtamsi memenūwi memokū, Iyi umantipe nokoven eni ūnisog nūrah ūndū yaū, iyi mori onempiriwoko yaū. 24Iyi Netni eni neteme umampe sugkū yepmetĭyi memokū ugi, kō ōwi iran neteme mori onempirĭgi iran Netni eni neteme! aremĭ nĭsekon neteme mori nagkū iyi petūmumprokomol. 25Im Yūdas mori yempirĭgi iyi, yemtagkeli memokū, Rabĭ, yaū kū? Iyi yemenūwipugi memokū, kĭk onūwi.

26Im pol sugkū irora dūmoni paska Iesū yivī yōūp, memumpalugi, memorūsevi, memovunora ōvun nūrie eni, memenūwi memokū, Uvĭ, moni; imo nokolĭsirag. 27Miyi yivī kup mōmumpalugi, memovunora, mōmenūwi memokū, Umoneki, kĭmi sū, marugi; 28ĭt imo de enyaū ugi nam ūnam ĭtevaū, umwosĭlĭgi mori nĭsekonda sikat nĭmsĭm nefielĭntugi sat sū. 29Im ya umanūwi pugkūm memagkū, Ya otūōmamoneki marugi imo dumpon vin afeli dan ya ōmamoneki ĭtevaū dal kimi ra lō eni Itemen yaū. 30Mirora dūmūsemi narūfo, mūmūtūratumpeni ilat, mūmūve ra numpūo Olivet.

31Im Iesu yemenūwi punora memokū, kimi sū kwonatōriki popōwo ugi yaū imo pūmrok, ĭt yepmetīyi memokū, Ya ontĭ neteme navles ra ovun pugipugi im umnaseviokonda ovun pugipugi ĭsūt; 32kō penūri nevsorasah enyaū ya opmampūm irami ra Kalĭli. 33Piter yemtamsi memenūwi pugi memokū, Nagkū omwisū wontōriki ugi kĭk, tawi yaū; ya otūontōriki popōwo ugi kĭk, tawi. 34Iesū yemenūwi pugi memokū, Itnesog imo pūmrok, pol sugkū netūo otūonasora, kĭk anūaveni yaū nempugon desel. 35Piter yōmenūwi pugi memokū, Nagkū ya amas ūndū kĭk, tawi sugkū, ya otūavenok. Movun nūrie omwisū dūmūnūwi īnūmōkū sugkū.

36Iesū yivelum dal irora ra sī nūrū, nin Ketsemane, memenūwi punora ovun nūrie memokū, Utelap ĭgko, ĭm ya ampelah memufwaki nĭmpe. 37Miyi yemtori Piter, mov netnime endūrū eni Sepedi, mematipotni morĭgumpūnū tamas, memlaswoni iyi tamas. 38Miyi yōmenūwi punora memokū, Naviat enyaū umandĭgumpūnū tamas wokon sugkū nagkū yaū yōimas; ūrokotelap ĭgko mavles dal yaū. 39Miyi yemorokavan lap, memokolugi nĭpmi memufwaki memokū, Itemen yaū, nagkū imo faneteme woreti sugkū, tenĭmpe pelah maroko yaū imo kup; kō tawi sugkū ya uinagkū ugi, kō kĭk. 40Miyi yivelum punora ovun nūrie mori memokesora dūmalēepō, memtagkeli Piter memokū, Pah, kimi tawi faneteme woravles dal yaū nempugon virok kū? 41Wavles kimi, mūfwaki ma sugkū kūtūomol ra tapmi; po navaiat umagkū ugi, kō nokolisiran oturomorō. 42Im nempugon dūrūgi iyi yōĭmpe mōmufwaki memokū, Itemen yaū, nagkū imo kup otūampe pelah marokoyaū, kū en tawi ya amoneki, aremi sugkū tarū enugkĭk. 43Miyi yōĭmpelum memokesora dūōmalēepō, ĭt nimĭnda yemumpoh. 44Miyi yōwi irora mōĭmpe mufwaki nempugon desel, memorūnenūwi nam siteven. 45Miyi yōĭmpelum punora ovun nūrie eni mōmenūwi punora memokū, Walēepō marima mūvenukūm; nempugon mori okovelum, umnempirĭgi Netni eni neteme ra nokovenda ovun numpindi. 46Utūok, kos lampe; okesi, iyi ĭgko mori umnempiriwokoyaū. 47Im pol sugkū iyi yetūnūwi sū, Yūdas, sĭ ra irora Twelv, yivelum, mōvun telienlō dal, sikat, mirora dūmūvĭōvun naūitūga tantop, mōvun ninum, mori ovun tavsogi tumpora, mōveteme Talam, dūmūvun ora.

48Miyi mori yempirĭgi iyi yepmovunora safi memenūwi memokū, Iyi sĭ Iyi mori ya osūgū iran, iyi pe iyi; ūrūleki. 49Marimago iyi yivelum pugi Iesū, memenūwi memokū, Kĭk e paū Rabĭ, memsūgū iran. 50Im Iesū yemtagkeli memokū, Avūg, kokevelum magkūo? 51Mirora dūmūvelum, mūmūiūleki Iesū. Im sĭ ra irora mori dal Iesū yemēevan memasenduri naūitūga tantop eni, memtī sĭ lĭvsaū eni tavsogi tumpora, memtantevi telugon eni. 52Kō Iesū yemenūwi pugi memokū, Ometipe naūitūga enugkĭk ra vēwon; ĭt irora mori ūmampĭ naūitūga wamas ugi naūitūga. 53Kĭk emagkū yaū tawi faneteme woresenĭgi, miyi Itemen yaū ontamūlora, ōvun angelō, twelv lĭdyon, ra nokorĭg, kū? 54Kō nagkū sugkū wonampesog nokowo nam ra ōvun netīyi tumpora, mori yepmenūwi memokū, imosū wanti sugkū? 55Ra imo nempugon Iesū yemenūwi punora ōvun telien lō memokū? Kĭmi kūvelum ugi ōvun naūitūga mōvun nirum, sugkū nagkū neteme neforugi, kū? Dan sū yaū morūn netesep dal kĭmi, memtavsogkūm ūnisog nimo tumpora, ĭm kūmūtūvi yaū. 56Kō dūmumpi imosū sugkū, mūmokompeli sū nam ra ōvun netīyi tumpora enirora ōvun profet memokū. Mōvūn nūrie eni omwisū dūmūwi iyi mūmalo.

57Mōveteme mori dūmūrūloki Iesū dūmūtōri pugi Kēafas tavsogi tumpora, yūi dūmūsemsimokonda ōvun Somūl, mōveteme Talam. 58Im Piter yemūri iyi ĭsūt ra nimo eni tavsogi tumpora, mive ūnisog, metesep dal ōvun lĭvsaū memokū, iyi agesi sū.

59Mōvun tavsogi tumpora, mōvun Talam, ĭm semsimak ōvun natemonōk nūrian omwisū dūmocorugi ōvun numpūvsok namlī iran Iesū, mūmōkū wontalugi. 60Mirora dūtōkesi; ōvun numpūvsok namli sikat dūmūvelum mūmūtesūĭ namlī; kō dūtōkesi. Im ra nĭsah dūrū ōvun numpūvsok namlīdūmūvelum mūmūtesuĭ namlī, mūmūnūwi mūmōkū, 61Imo neteme yemenūwi memokū, Yaū faneteme woretasi nimo tumpora eni Nōbū, mōmenumpi ran dan desel. 62Miyi tavsogi tumpora yemtūok metagkeli pugi memokū, kĭk otūmuntamsi, kū? Tie irora umuntesūi iram? 63Kō Iesu yematepū. Miyi tavsogi tumpora yōmenūwi pugi memokū, Ra nin eni Nōbū umnomūrep, ya umanūwi pugkĭk, Enūwi pugkam, nagku kĭk Kristo, Netni eni Nōbū. 64Iesu yemenūwi pugi memokū, kĭk onūwi. Im ya umanuwi pugkūm memagkū kimi kwagesi Netni eni neteme umantesep ra nokoven meves ugi horog, mōmampeltim ra ovun numpūaū ra pokūp. 65Miyi tavsogi tumpora yemtevaseri semplaūon eni mōmenūwi memokū, īyi onūwi nam sat; tie kos kĭmlawo woresorugi ovun numpūvsok mōmū? marima kūrĭgi nam sat eni. 66Kūmagkūo? Mirora dūtamsi mūmūnūwi mūmōkū, Iyi umnoworepatevi tovuni nemas. 67Mirora dūtūvani ra nĭmpi eni, mūmateki nĭpmi eni; 68ĭm nugkoneme dōmateki gi mumpon nokovenda, mūmūnūwi pugi mūmōkū, Enūwi pugkam Kristo, Mē oketak?

69Im Piter yemetesep pelah ra nimo; ĭm sĭ nasiven yive pugi memenūwi memokū, Im kĭk sugkū kemetendōwi ūndū Iesū neteme Kalĭli. 70Miyi yemenūaveni ūniminda omwisū memenūwi memokū, Ya umamgĭugi nam enugkĭk. 71Im pol sugku iyi yive ra norĭyū sĭ mōmū nasiven yemokesi memenūwi punora yūi memokū, Iyi sugkū yetendōwi ūndū Iesū, neteme Nasaret. 72Miyi yōmenūaveni memenūwi nam nugkugko memokū, Ya otūmagkili neteme mori. 73Penūri lap irora mori dūmūtūrū yūi dūmūvelum mūmūnūwi pugi Piter mūmōkū, Itnesog, kĭk sī ra irora; ĭt naviam umampĭatumpeni kĭk. 74Miyi yematipotni worenūwi nam navoret ĭm nugkugko wokon, memokū, Ya otūmagkili neteme mori; marimago netūo yemasora. 75Im Piter yementemi nam eni Iesū mori iyi yepmenūwi pugi memokū, Pol sugkū netūo otū onasora, kĭk anūaveni yaū nempugon desel. Miyi yive ilat, memageri tamas.

Currently Selected:

Matiyu 26: ERGNT79

Highlight

Copy