Matiyu 28
28
1Isūma danemĭndog, mūmumti dan ra nōbūm ra wik, Mēri Makdalini, miyi Mēri sī, dūmūvelum worokesi velitenemi; 2memetepū nomiok tamas popōwo Nagelō eni Novsūromon yivelum, memne ra pokūp, movoleveli nevat marugi nogūn selat, memetesep ran tan. 3Nĭpmi eni sugkū turepis, Im nemas eni nesebo sugkū snō; 4mōvun navles dūmūvekōrakōra popōwo ugi iyi, mūinūti sugkū Oveteme nemás.
5Miyi Nagelō yemtamsi memenūwi punora ōvasiven memokū, Utūmte ugi; It ya umagkili ma kimi kūmnesorugi Iesū mori dūtalugi ra nēūmparum. 6Tawi iyi ĭgko; ĭt iyi ovsorasah sugku iyi yepmenūwi. Uvelum mōkesi nūrū Novsūromon olēwi. 7Uve mūnūwi punora ōvun nūrie ēni mōkū iyi ovsorasah marugi nemás, miyi umampūm irami ra Kalĭli; kimi kwagesi iyi yūi; ūrĭgi, ya onūwi pugkūm.
8Mirora dūmūve marugi veli ugi nemtetugi ĭm navosavos tamas, mūmalō worenūwi punora ōvun nūrie eni. 9Im pol sugkū irora dūmūve worenūwi punora ōvun nūrie eni, Iesū yemevetet dal, memenūwi punora memokū, Kĭmi paū. Mirora dūmūvelum potipot mūmorūleki nōan, mūmūteveta iran. 10Im Iesū yōmenūwi pūnora memokū, Utūmtetugi; ūve mūnūwi punora ravūgsīeme mōkū irora wampe ra Kalĭli, ĭm yūi irora wagesi yaū.
11Im pol sugkū irora dūmprokeve, nugkondeme ra ōvun navles dūmūve ra sĭti mūmūnūwi punora ōvun tavsogi tumpora mūmōkū ugi tiamesū dūmūtepū. 12Im pol sugkū irora, mōvun Talam, dūmūsemsimokonda, dūmaūor ugi, irora dūmafēokondugi ōveteme ūbrami mori, muni tamas, 13mūmūnūwi punora mūmōkū, Unūwi mōkū, Ovun nūrie eni ūvelum pūmrok mumprokugi iyi, ĭm kam alēepo. 14Im nagkū iyi Natemonōk andĭgi imo, ka kelanūasumperi pugi ĭm lesemsempari ĭrami. 15Mirora dūmūvĭ muni mori, mūmūnūwi sugkū dūmūtavsokondugi; mōveteme Isrēel ūmandūnenūwi mūmagkū ugi imo mefeli imo dan.
16Mōvun nūrie Eleven dūmūve ra Kalĭli ra numpūo mori Iesū yepmenūwi punora memokū ugi. 17Im pol sugkū irora dūmōkesi iyi, irora dūmūteveta iran; kō nugkondeme dūmūtevrevorūwi.
18Im Iesū yivelum memenūwi punora memokū, Yemovo yaū horog omwisū ūnpokūp mūnemap, 19Uve mumpi lō sū lō sū, ōvun nūrie enyaū; wumbaptiso iranda ra nin eni Itemen ĭm Netni, ĭm Naviat Tumpora; 20mūtavso-konda woralekoleki omwisū mori yaū mempasewugkūm; ĭm yaū dal kĭmi dan sū dan sū, afeli ra nisah.
Currently Selected:
Matiyu 28: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
