Mark 1

1Natnipotni nam navosavos eni Iesu Kristo, netni eni Nōbū; Dūmūtĭyi Ovun profet, memokū, 2Pah yakum memtamūli tandeko enyaū ūnimtum, iyi mori ontī selat enugkĭk.

3Navian eni sīumprokotorenūwisah nam ra nūrū wokon, Utĭ selat alam nisekon Novsūromon, wumpi nugko Ovun selat eni.

4Yōanē yembaptiso iranda ra nūrū wokon, mimtorenūwisah baptisma ugi nenuatumpeni sat sū.

5Dūmūve pugi ōveteme ra nūrū sū Yūdia, im Yerūsalem, dūmūvī baptisō ugi iyi ra nintelep Yordan, mūmūnūatumpeni sat sū isenda.

6Yōanē yemevīugi némas noveliran eni Kamel, mō memeti netoetĭgi ugi nokolistan, im nevag eni yeti wōfi ĭm huni ra nūrū wokon;

7Miyi yemtorenūwisah, memokū, Sī onūri yaū, iyi mōmū horog irag, ĭm yaū tawi aremi woretelasep ĭm sūli sandal eni.

8Yakum baptiso irami ugi nū: kō iyi ambaptisō irami ugi Naviat Tumpora.

9Yemetepū ran dan sū mori, Iesū yivelum yemne ra Nasaret ra nūrū Kalĭli, ĭm Yōanē yembaptiso iran ra nintelep Yordan.

10Im marimago yivesah marugi nū; yemokesi pokūp yetĭntīpelah, ĭm Naviat yumprokoyep sugkū ūmpon, mō ĭm tasi iran:

11Im pah si navian yemne ra pokūp, yemenūwi memokū, Kĭk Netūg paū, ĭm yakum umampekotekat ugi kĭk.

12Im marimago Naviat Tumpora yemtori iyi ra nūrū wokon.

13Miyi yeti yūi ra nūrū wokon dan sū forti, ĭm Sētan yemtapmi iran; yemeti dal irora Ovun nūrah nagon; mōvun agelō dūmūtorugat iran.

14Im pol sugkū dūmūtipe Yōanē ūnisog prison, Iesū yivelum ra Kalĭli, yemtorenūwi nam navosavos ugi eni Nōbū.

15Memenūwi memokū, tanepūgon ugi nam mori oti nekompeli sū, ĭm umpotipot lō eni Nōbū: ūnūatumpeni sat sū ugi norĭgumpūnū ūnōwame, mūtavnirĭgi nam navosavos.

16Im pol sugkū iyi yemaven ran telegon tok Kalĭli, yemokesi Simon ĭm Andrū avinsĭ umproketipe nokopon ran tok; ĭt irora dūti oveteme tī nomū.

17Im Iesu yemenūwi punora memokū, Uriyaū, ĭm yakon umpi Kimi worevi oveteme.

18Im marimago dūmūisep net isenda mō mūri iyi.

19Im pol sugku yemorokaven lap, yemokesi Yakōbō netni eni Sebedi, im Yōanē avensi eni, dūmūte ra mumpon lō, dūmprokoteri ovun net isenda.

20Im marima iyi yemovrokonda: im irora dūmūwi Sebedi itemenda ra lō dal ovun torugat mō mūri iyi.

21Mirora dūmūve Kaperneum: im marimago ran danemindog yemtorĭmpe ra nimo tumpora, mĭmtavsokonda.

22Mirora dūmavlugi tavsogi isen: yemtavsokonda sugku si dūmūvugi horog, im tawi sugku ovun somūl.

23Im ra mumpon nimo tumpora enirora yeti sī neteme im naviatindi ūnisog iyi; miyi yemasoresah memenūwi memokū,

24Kūtū yorekam: tie iramam miram, kĭk Iesū neteme Naseret? Kovelum woretevelugonekam kū? yakum magkilok, kĭk iyi mori sī tanepo eni Nōbū.

25Im Iesū yemenūali nam isen, memenūwi memokū, Eteteven kĭk, elum mūwi iyi.

26Im pol sugku naviatindi yemtevaseri iyi mō mevsoresah, yemnarugi.

27Mirora dūmavlugi, mō mūsepen tagkelora, mūmokū, Tie imo? me nam tavsogi ĭtevaū? it iyi umnempasi wokonda ovun naviatindi ugi horog, mirora umsendiokeves iyi.

28Im marimago narigi yemekompeli nūrūsū nuru magkaū mevtit ra Kalĭli.

29Im pol sugku dūmūtūratumpeni ilat marugi nimo tumpora marimago dūmūve ūnisog nimo eni Simon ĭm Andrū, dal Yakōbō ĭm Yōanē.

30Kō dineme retepon Simon yemale ugi sī fivĭr, mirora dūmūnūwi pugi.

31Miyi yivelum melekavi nokoven isen, mō meviotoksah iyi; im marimago fivĭr yemowi iyi, miyi yemtorugat iranda.

32Im pwarap arap, pol sugku nĭpminen yemyep, dūmūtori pugi namarat sū mirora mori ōvun naviatindi iranda.

33Im omwisū ra sĭti dūmūsemsimokonda ra nogūn selat.

34Miyi yemumpi horĭgeves sikat mon dūmūvi ōvun namarat sū, mō metevelegora sikat ovun naviatindi; yetū owi irora worenūwi sī nam popōwo irora dūmūkili iyi.

35Im ratūnemis, tawi numtin dan lap, iyi yemevsorasah, yive ilat, mōĭmpe ra nūrū wokon, mō mufwaki iyūi.

36Im Simon mirora mori dūmūte dal, dūmūri iyi.

37Im pol sugku dūmokesi iyi, dūmūnūwi pugi mūmokō, ōveteme omwisū umnesorugkĭk.

38Miyi yemenūwi punora memokū, Ealah, kos kel ampe ra ōvun taūon umpotpot, ma yakum torenōwisah nam iyūi sugku; popōwo yakovelum ugi imo.

39Miyi yemtorenūwisah nam ra ōvun nimo tavsogi isenda ra nūrū Kalĭli, mō metevelegora ovun naviatindi.

40Im sī leper yivelum pugi, yemesenigi, yemumol ra numpon neterin ūnĭmpi isen, mōmenūwi pugi memokū, Nagku kemnakīugi, kĭk feneteme woresendumsi irag.

41Im Iesū yemelintugi, yeevan nokoven, sugkori iran, mōmenūwi pugi memokū, Yakum nakīugi; eti sentevives.

42Yemenūwi sū, im marimago leprosi yemowi iyi, miyi yeti sentevives.

43Miyi yemwalivat pugi mōĭmsatevugi marimago;

44Mōmenūwi pugi memokū, Origi, kūtū anūwi pugi sī neteme: kō eve, sese kĭk pugi neteme sakrefĭs, ĭm sakrefīs ugi tiame worsendumsi iram mori Moses yempasewugi ugi, nimsin numpūvsok punora.

45Kō yive pelah, memtampenigi tamas, mōmenūwisah, ĭm popōwo pe sugkū Iesū yetū faneteme worentorimpe ra sĭti, kō yemetĭndowi ra nūrū wokon: mirora dūmne ra nūrūsū nūrūsū ĭm dūmūvelum pugi.

Currently Selected:

Mark 1: ERGNT79

Highlight

Copy