Mark 8
8
1Ran dan sū mori netevokontū yetin tamas, dūtūvĭ nevag nisekonda, Iesū yemovrokonda ōvun nūrie pugi, 2yemenūwi punora memokū, Yakum nelintokonda netevokontū, popōwo irora dūmūte dal yaū dan desel, ĭm tawi nevag enirora: 3Im nagkū yakum satevokonda ra ōvun temne enirora, ĭm tawi navag, irora wamas ūselat: ĭm irora nugkon ra nūrū isūt. 4Im ōvun nūrie dūmūtamsi pugi mūmokū, Wampī nevag ia nisekonda imo oveteme ra nūrū wokon? Miyi yemtagkelora memokū, Deve lōf enugkĭmi? 5Irora dūmūnūwi, Seven. 6Im iyi yempasewokonda ōveteme woretesep ra nemap; iyi yivi ōvun lōf seven mori, yemumpalugi, yemorūsevi, yemovunora ōvun nūrie woretipe ūniminda, mirora dūmūtipe ūniminda ōveteme. 7Dūti nugkon nōmū ovrok isenda, miyi yemumpalugi, mō ĭmpasiwokonda woretipe irora sugkū ūniminda. 8Im irora dūmoni, dūtalira: mirora dūmalekon semsimugi navivon nevag yemetor veyū seven.
9Im irora mori dūmoni dūti sugkū for taūsan: miyi yemsatevokonda. 10Marimago yive ra sĭ lō dal ōvun nūrie eni yivelum ra nūrū sū Dalmanūta. 11Im ōvun Faresi dūmūvelum, mō matipotni woretagkeli iyi, dūmosenigi iyi ugi sĭ safi marugi pokūp, dūmūtapmi iyi. 12Miyi yemesumsah horog ra naviat, yemenūwi memokū, Irasie imo palsi umnesorugi sĭ safi? itnesog yakum manūwi pugkūm memagkū, otū ampunora imo palsi sĭ safi. 13Miyi yemawi irora, mō mintorĭmpe ra lō yive nugkon ūmpe. 14Ovun nūrie dūtūenteme worevi brēd, ĭm yemete ra lō lōf siteven wokon. 15Iyi yemenūwi punora, memokū, Ufinte kĭmi marugi leven enirora ōvun Faresi, ĭm leven eni Herod. 16Dūmūnūwi punora irora, memokū, umanūwi popōwo kos letūvĭ brēd. 17Im pol sugkū Iesū yemokili iyi yemenūwi punora memokū, Irasie kĭmi kūmanūwi pugkūm, popōwo tawi brēd enugkĭmi, kūmūtūkili kū, ĭm kūmūtū melavenūri wanti nugkugko nōwami mafeli nigoi? 18Nimtumi, kō kūtū magesi, telegomi, pe kūtū mandĭgi, ĭm kĭmi kūtū enteme kū, 19Yaū morusevi ovun lōf fĭv nisekonda fĭv taūsan, ĭm kĭmi kūmūsemsimugi navivon ra veyū ovūwar ndeve? Irora dūmūnūwi pugi mūmokū, Twelv, 20Im nagkū seven lōf nisekonda for taūsan, ndeve veyū ovūwar ugi navivon kĭmi kūmūsesimugi? Im irora dūmūnūwi mūmokū, seven.
21Miyi yemenūwi punoramemokū, Nokowoimo makĭmikūtū magkili. 22Iyi yive ra Betsĭda; mirora dūmūtori pugi sĭ nimtei, mō mūsenigi iyi woresugkora iyi. 23Miyi yemelekavi nokoven nimtei, mōĭmtori marugi nimote; ĭm pol sugkū yemetivani ra nĭpmi eni, metipe nokoven iran, yemtagkeli iyi, magkū iyi yemokesi sĭ en tie sĭ ku? 24Miyi yemtelasah, memenūwi memokū, yakum magesi ōveteme sugkū nē umnavan. 25Miyi yometipe nokoven ra nĭpmi, mō menūwi pugi woretelasah: miyi yivi horĭgeves, mō memokesi ves ōveteme omwisū. 26Yemsatevugi iyi ra nimo eni, memokū, kotūve ra nimote, ĭm kotūnūwi pugi sī ra nimote. 27Im Iesu mōvun nurie eni dūmūve ra nimote Sisaria Fĭlipī: ĭm ūselat yetagkelora ōvun nūrie memenūwi punora memokū, Oveteme ūmagkū yaū me? 28Mirora dūmūtamai naūmokū; Yōanē Baptiso: kū nugkon ūmagkū, Elĭyas; ĭm nugkon, sĭ irora ōvun profet. 29Im iyi yemenūwi punora memokū, Kō kĭmi kūmagkū yaū me? 30Im Piter yemtamsi memenūwi pugi memokū, kĭk Krĭstō. 31Im yemenūwali punora woretūnūwi pugi sī neteme, Im iyi yematipotni woretavsokonda, memagkū iyi Netni eni neteme andegi sokūmūlep sikat, mirora ōveteme talam mōvun sakrefīs, mirora ōvun somul, wagesi sat iyi; wontalugi, kō penuri dan sū desel iyi onesoresah. 32Iyi yemenūatumpeni imo nam. Im Piter yemokū worenūwali ugi pugi. 33Kō polekū yemelagkaū memtopotneme iranda ōvun nūrie eni, yemyevi Piter, yemokū, Eve kitan, Sētan; kĭk otū mentarū tiame eni Nōbū, kō tiame enirora ōveteme. 34Im pol sugkū yemovrokonda netevokoptū pugi, ĭm ōvun nūrie eni, yemenūwi punora memokū, Iyi sī mori umagkū worūri yaū, aremi iyi metū magkū ugi tiame nakīugi isen, mandeūki nēūmparum eni mō mūri yaū. 35Popōwo iyi sĭ mori umasiugi nomūrep eni, ampiugki pe; kō iyi sĭ mori awisep nomūrep popōwo ugi yaū, ĭm popōwo ugi nam navosavos, iyi mori ampī pe. 36Sie aremi iran sī neteme, nagkū iyi ampĭ ovun nemap omwisū, mō meviugki naviat eni? 37Kū sie iyi ampugi pe woresevasi naviat eni? 38Popōwo pe, iyi sī mori onarumprum ugi yaū, ĭm nam enyaū ūnĭpmi imo palsi satindi im tampalaū; Netni eni neteme onarumprum ugi iyi, pol sugkū iyi ampelum ra nilasilaswi eni Itemen dal ōvun nagelō tumpora.
Currently Selected:
Mark 8: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
