Mark 9
9
1Im iyi yemenūwi punora memokū, Itnesog yakum manūwi pugkūm, Ma nugkon ra irora ūmantūr ĭgko, ūtū amas mafele nimpugon irora wagesi lō eni Nōbū ampelum ugi horog. 2Penūri dan sū sĭkes Iesū yivi Piter ĭm Yakobo, im Yōane mō ĭmtororago mōĭmsah ra sĭ numpūo tantop, irora wokon: ĭm yetin sumpoli iyi ūnĭminda. 3Im nōmas eni yemeselĭ nisebō tamas wokon sugkū snō; tawi sī neteme faneteme ra nemap woresenti nisebō sugkū. 4Im dūmūtūratumpeni punora Elĭyas ĭm Moses nandū; Im irora dūmūtampigi pugi Iesu. 5Im Piter yemenūwi pugi Tesū memokū, Novsūromon, aremi kos ke lete ĭgko: aremi ka ke lenumpi ūvrok endesel; sī nisekom, sī nisekon Moses, im sī nisekon Elĭyas. 6Popōwo iyi yetūkili sie iyi anūwi: popōwo. It irora dūmetet tamas. 7Im sī numpūaū yemtenisevora: Im sī navian yemne marugi numpūan, yemokū, Imo Netūg paū: ūvandogugi iyi. 8Marimago dūmūlagkaū, dūtokesi sĭ neteme, Iesū wokon dal irora. 9Im pol sugkū dūmumprokoyep ra numpūo, yemwalivat punora ma irora ūtū wanūwi pugi sī neteme ugi tiame mori irora dūpmokesi, mafeli Netni eni neteme onevsorasah marugi nemas. 10Mirora dūmūnū waveni imo nam, mirora dūmūsepun tagkelora ugi fan ugi nevsorasah marugi nemás.
11Irora dūmūtagkeli iyi, memokū, Irasie ōvun somūl umanūwi ma Elĭya ampelum mampūm? 12Miyi yemtamsi punora, Itnesog, Elĭya ampelum mampūm, mō mampitorileki entiame sū; ĭm nokowo umetĭyi ugi Netni eni neteme, ma iyi andegi nesorū ugi tiame sikat, mirora wonalekoi pugi. 13Kō yakum manū wi pugkūm, ma Elīya okevelum, mirora dūmumpi iran sugkū irora dūmakĭugi, sugkū dūmotīyi ugi iyi.
14Pol sugkū iyi yive punora ōvun nūrie eni, yemokesi sĭ netevokontū tamas dal irora, ĭm ōvun somūl dūmatekisah dūmūnūwi nam punora. 15Im marimago oveteme omwisū pol sugkū dūmokesi iyi dūmavlugi tamas, dūmalō pugi mōmūsesieves iran. 16Im yemtagkelora ōvun somūl Kimi kūmūtagkelora, kūmūnūwi sū punora? 17Im sĭ ra netevokontū yemenūwi pugi memokū, Narisah yoko tori netūg punok, naviatindi noampat iran; 18Im ra nūrū sū yemtori, yemtavaseri iyi, miyi umatevani, mō neltirit nogūn, ĭm tawi iyi faneteme: ĭm ya onūwi punora ōvun nūrie enugkĭk woreteveligoni iyi; ĭm irora dūlū faneteme. 19Im iyi yemtamsi pugi yemenūwi memokū, Ah, palsi netūtavnirĭgi ya kante dal kimi mafele nigoi? ya anūwi nam imelolo pugkūm nĭmpugon ndeve? tori iyi poyaū. 20Im irora dūmūtori iyi pugi: ĭm pol sugkū yemokesi marimago naviatindi yemtevaseri iyi: yemomol ra nemap, melisemlū natūtū nogūn. 21Im yemtagkeli ĭtemen memokū, Imo yivelum iran nigoi? Miyi yemtamsi memenūwi memokū, Ra nĭmpugon iyi, impamū. 22Im ra nĭmpugon sikat umentafugi iyi ra nom, ĭm ra nū, worumpi nugkugko iran, kō nagku kĭk faneteme worumpi sĭ en tie sī, efielintugkam, mevorekam. 23Iesū yemenūwi pugi memokū, Nagkū kĭk faneteme woretavnirĭgi. Tawi nugkugko sĭ en tiē sĭ iran iyi mori umĭntavnirĭgi. 24Marimago itemen nalaū yemenūwi ugi nageri isen, memokū, Novsūromon yakum memtavnirĭgi; umpi horog mōmū tavniri enyaū. 25Im Iesū, pol sugkū yemokesi, ma ōveteme dūalo mō semsimokonda, yemenūwi iran naviatindi, memokū, Kĭk naviatindi telugomol ĭm natepū, yakum manūwi punok, 26elum marugi iyi, ĭm kotūve nimpugon sī iran, Im naviatindi yemamsah, mō ĭm tavaseri iyi, mō ĭmpe marugi: ĭm sikat dūmūnūwi mūmokū, yimas; popōwo iyi sugkū sĭ nemás. 27Kō Iesū yemelekavi nokoven, yemoriukisah iyi; miyi yemtūok. 28Im pol sugkū yivelum ūnisog nimo, ōvun nūrie dūmūtagkeli iyi mō mūnūaveni mūmokū, Irasie kam letū faneteme woreteviligoni? 29Miyi yemenūwi pūnora memokū, Imo umampe ugi nufwaki ĭm netevokom wokon.
30Im irora dūmawi nūrū mori, ĭm dūmavan ra Kalĭli; Im iyi yetūakīugi ma sĭ agkili ugi. 31Popōwo yemavsokonda ōvun nūrie eni, mō menūwi punora memokū, Netni eni neteme otin tinĭmpe ra nokovenda ōveteme, mirora wontalugi iyi; ĭm penūri dan deselugi, iyi omamsoresah. 32Kō irora dūtūkili imo nam mori, mirora dūmtetugi woretegkeli iyi ugi.
33Im yivelum ra Kapernaum; ĭm polekū yeti ūnisog nimo yemtagkelora memokū, Tie imo mori kĭmi kūm naūokūm ugi ūselat? 34Kō irora dūmūteteven popōwo dūmaūor, mūmokū, mē anti horog ra irora? 35Im iyi yemetesep, yemovrokonda mori ōveteme twelv, miyi yemenūwi punora memokū, Nagkū sĭ neteme umnakĭugi woreti mampūm, iyi anti ra nisah, Im lĭvsaū nisekonda omwisū. 36Iyi yivi sĭ nalaū mō metipe iyi ilivoteven irora: Im pol sugkū yemsokolopon vī nalaū ra nokeven, yemenūwi punora memokū, 37Iyi sĭ mori ampĭ sĭ nalaū sugkū imo ugi nin enyaū, iyi umumpĭ yaū: miyi sĭ mori ampī yaū, otum pĭ yaū wokon, kō iyi mori yemtamūli yaū. 38Im Yōanē yemtamsi memenūwi pugi, memokū, Narisah, ka kelokesi sĭ yemtevelugoni ōvun nagelō sat ra ninekĭk, iyi otum menūrokam, ĭm ka kĭm walevat pugi, popōwo iyi otum menūrokam. 39Kō Iesū yemenūwi memokū, Utū ūnūali pugi: popōwo nugkugko iran iyi sĭ faneteme worumpi numpūrah navulgi ra nin enyaū worenūwi nam wokon irag. 40Popōwo iyi mori otum nalokoi irant umnevorokos. 41Iyi sī mori ampunok nū woremoneki ra nin enyaū, popōwo kimi isen Kristo, itnesog yakum manūwi pugkūm memagkū, iyi otū ampiugki nipmi isen. 42Kō iyi sĭ mori onalokoi pugi sī irora mori umtavnirĭgi irag, mōmū iremī iran nagkū umaleki mĭlstōn ra nōwan eni ĭm sĭ tafugi iyi ran tok. 43Im nagkū nokopmū ompiriwugkĭk tantevi sep: mōmū aremi iram woreve ra nomūrep nokopmū kumti, ĭm tawi ugi nokopmū dūrūsū woreve ra niswate ra nom otum nisile; 44Iyūi neskil amūrep ĭndowi, ĭm nom otūm nisile. 45Im nagkū noam um nimpiriwugkĭk, tantevi sep: mōmū aremi iram woreve ra nomūrep noamti, im tawi ugi noam endūrū woreve ra niswate, ra nom otum nisile. 46Iyūi neskil amūrep ĭndowi, ĭm nom otum nisile. 47Im nagkū nimtum onumpiriwugkĭk, evsi pe: mōmū aremi kĭk omintorĭmpe ra lō eni Nōbū ugi nimtum siteven, Im tawi ugi nimtum endūrū woretin tafugi ra nom niswate: 48Iyūi neskil amūrep ĭndowi, ĭm nom otum nisile. 49Popōwo wantin nesovele omwisū ugi nom, im ōvun sakrefis anti nesovele ugi solt. 50Solt oti aremi; kō nagkū isūma nakan isen, kĭmi kwamsugi worumpi iyi aremi? Uvi ūnowami solt, ĭm ūte kĭmi ugi ninparata pugkūm.
Currently Selected:
Mark 9: ERGNT79
Highlight
Share
Copy
Want to have your highlights saved across all your devices? Sign up or sign in
Erromangan New Testament © British and Foreign Bible Society, 1909,1979.
